السلام عليكم ورحمه الله وبركاته

ازيكم يا قمرات انهارده هنعمل
الانجلش كيك وده كيك دسم
وجميل وممكن يتعمل بكذا طريقه
يعنى ممكن ساده وممكن مربل
وممكن شيكولاته
وكمان ممكن تحطى قطع شيكولاه او شيكولات تشسيس
فيها وممكن تغيرى اى مكسرات حسب رغبيتك

المقادير

4 بيضات
1 كوب سكر
2 كوب دقيق
فانيليا باكو
باكو بيكنج باودر
نصف كوب زبده طريه طالعه من التلاجه
حوالى 4 ملاعق زبيب
و4 ملاعق عين جمل مجروش
وعليهم معلقه دقيق لضمان عدم هبوطهم اثناء الخبز

الطريقه

هنشغل الفرن الاول وبعدين نضيف الزبده مع السكر ونضرب جيدا حتى تصبح الخليط زى الكريمه ثم نضيف البيض واحده واحده مف الفانيليا ونستمر بالضرب ثم الدقيق مع البيكنج باودر وفى الاخر نحط المكسرات وتقلب

نصب الخليط فى قالب الانجلش كيك البيضاوى مدهون بزبده
ومتغلف بورقه زبده
وتوضع ف الفرن على درجه حراره 180 درجه حتى تستوى جيدا
تترك لتبرد خااااااااالص وبعدين تقطع حلقات بسمك ا سم
وبالهنا والشفا

ملحوظه لونها الغامق من الزبيب
وعين الجمل

هنا المكونات

ضربنا الزبده مع السكر كويس

وبعدين ضفنا البيض واحده واحده مع الفانيليا

وبعدين الدقيق مع البيكنج باودر

ثم المكسرات وصبيتهم فى القالب

دخلتها الفرن وده شكلها لما استوت

وهنا لما قطعتها بس كانت لسه مش بردت اووى فقطعت منى شويه

وده فى الطبق التقديم

وده كمان

وده

بالهنا والشفا

ممممم

بتشهي يا انجل
بس وين الشاي
سلمت يمناك
وصحتين وعافية

تسلم الأيادي

فكرتيني بالكيك هقوم أعمل كيكاية

أنا بعملها بنفس مقاديرك بس بذودها شوية لبن أو سفن

جميله جدا
تسلم ايدك يا قمر

الف شكر لكم نورتونى
والشاى عليكم بقى ههههههه

تسلمى يا قمر

الله الله عليكى بجد تحفه
نفسى اعرف بتعملى الحاجات الحلوة دى ازاى

مشكورة كتير شكلها شهي

تسلموا يا قمرات نورتونى