المدلوقة النابلسية مشاركتي بموضوع ناني حلويات الشيرة
كيفكم صبايا
اليوم جايبتلكم المدلوقة النابلسية على طريقتي
سهلة كتير وما بتاخد وقت
والاهم من هيك طعمها روعة وكتير زاكية برمضان
هي عبارة عن طبقتين
اللي من تحت مهلبية عادية مقاديرها
2 كاسة حليب سائل
معلقتين سكر
معلقتين نشا
معلقتين سميد
وعلبة قشطة انا استخدمت قيمر 100 ملم
بنحط المقادير عالنار ما عدا القشطة
وبس يتجمد المهلبية بنطفي عنها النار
وبنحط القشطة وبنخلطهم منيح
بنحط المهلبية بالبايركس
انا شلت مقدار معلقتين من المهلبية على جنب للزينة
مقدار الطبقة التانية
كاستين ماء
كاسة سكر
ونقطتين حامض
بنتركهم يغلو 5 دقايق متل القطر بالزبط
بعدين بنضفلهم كاسة كنافة ناعمة
وبنحركهم منيح وبس يجمد الخليط بنحطه فوق المهلبية
وبنزينها بالمهلبية اللي شلناها
وبنحطلها لوز وصنوبر وفستق حلبي
في ناس على فكرة بتحمص الكنافة بسمنة او بزبدة
بس انا لقيتها هيك كتير خفيفة
بتمنى المدلوقة تعجبكم
وكل عام وانتو بالف خير يارب
رد مع الاستدلال
كتبت بواسطة اريناس
اعذروني لغيابي 
*
*
الروابط المفضلة