السلام عليكم كل عام وانتم بخير اختى اول شى الله يجزاك خير اختى لو تتكر مى وتردى عليا بخصوص البسبوسة تبعك انى نفس سوال الاخت ما فيهاش bb رجوك جوبنى لانى نفسى فيها وهدا تقه فى وصفاتك الله يوفقك الى ما يحب ويرصه كتبت بواسطة RAWAD
حبيبتي انت تؤمرى أمر
هادى مقادير البسبوسة ..
ثلاثة اكواب الا ربع سميد
ثلثين كوب ماء
كوب و ربع سكر
ملعقتين كبار قطر ثقيل (اني نحط في كاشيكين من الحكة الخضرا )
ملعقة صغير سمن .. و يمكن الاستغناء عنها ..
تخلط المقادير جيداً و توضع في طاجين و تضغط بالاصابع
بعد ما تتحمر تسقيها بالقطر
و تمتعي باحلي بسبوسة من ايديك
و قولي وداعاً لبسبوسة الدكاكاين





شن رايك في الدعاية .. اراهو عطلت باش نجيبهالك بالصورة

معزتك عندى تعرفيها يا ام اجنى ..

ماشاء الله يارواد تهبل البسوسة وناوية نطبقها ان شاء الله
غر معليشي بنقلقك معاى
انت كاتبة ملعقتين كبار قطر ثقيل (اني نحط في كاشيكين من الحكة الخضرا )
هذى الجملة مافهمتهاش يعنى شن قصدك بالحكة الخضرا
وقصدك مافيهاش لا حليب ولا بيكنج باودر
معليش ثقلت عليك لكن الحق عجبتنى هلبة وجت فى خاطرى
وبارك الله فيك مقدما ز