ღ♥ وصفة مبتكرة ღ♥ميني كيك الاناناس ... فكرة منال العالم .... ووصفتي !
نبدأ باسم الله ....
كنت قاعدة امبارح زهقانةى ومش عارفة اعمل ايه ...
ومريووووم العسل رميتلي الفكرة وهربت .....
ماامااااا كييييكة ( ده على كلامها )
قلت يابنت ما تكسفيهاش ولزمن ولا بد نعمل لريمو الكيييييكة بتاعتها ,,,,, وعملتها ......
ميني كيك الاناناس
واليكم المقادير والطريقة التفصيلية ....
كوب دقيق
. كوب الاربع سكر عادي
3 بيضات بدرجة حرارة الغرفة طبعا
ملعقتين كبار ( بتوع الاكل) سمن
كوب زبادي
- ملعقة صغيرة مليانة BP
ذرة ملح
- نص ملعقة صغيرة خل ابيض
- روح الفانيليا أو فانيليا بودرة
والآن ,,,,, وبالصور ........ نقل حي مباشر من مطبخي .... الطريقة ....
- كالعادة السمن و السكر اولا ونضيف عليهم بعد ما يبقو زي الكريمة ... البيض والفانيليا والخل ....
والآن هنضيف الزبادي ونخلط .... واخر حاجة هنحط الدقيق طبعا معاه الملح والبكنج باودر .... على دفعات ....
وبعد كدة انا فتحت الفرن عشان يبقى سخن ....
(حرارة وسط تقريبا 180 س)
وبدأت في اعداد القوالب قبل اضافة عجينة الكيكة ....
ندهن القوالب كلها بكمية كافية من الزبدة ... وتكون في حرارة الغرفة
هنحط كمية من السكر البني كما هو في الصورة ....
قبل اضافة قطع الاناناس
هنبدا في صب العجين وترك مسافة قليلة عشان الكيكة لما تنفش...
هنخبز في الفرن وبعدين ده شكلها لما طلعت .... هنقلبها على ورق زبدة تهدى وتبرد ...
وننقلها لطبق التقديم ..... وبالهنا .......
اتمنى انها تكون نالت اعجابكم ..... ومنتظرة الردود ......
رد مع الاستدلال
كتبت بواسطة أم عبدالله الصغير
الروابط المفضلة