السلام عليكم ورحمة الله و بركاته

كيفكم يا بنات ويا خبيرات الحلويات اكيد خبرتكم جاية لانو الحلو للحلو ........ قاعدة بستدر عطفكو هههه

المهم ناوية ازور جارتي الجديدة

وقلت ليش اشتري جاتوه او حلويات من برة خليني ادوقها من صنع ايدي لانو اكلي طيب و حلوياتي لذيذة مشهورة بين الي بعرفوني بانو اكلي لزيز و اي حد يجي بيدوق اكلي بيسالني عنه عطول يعني ماتقولو مداح نفسه كزاب

وياريتني ما تفلسفت وضليت ساكتة ووفرت عحالي

عملت حلو كالتالي

شبه التشييز كيك واخدت وصفته قبل هيك من منتدى اخر بكون طبقة بسكوت بزبدة

وطبقة شبه التشيز ومن فوق كريم كرامل البودرة ومية ونسكافيه ماشي؟

عملتها قبل هيك وطلعت زي الفل

مفروض كريم الكرامل اول ميغلي اصبه فوق التشيز

المرة الي فاتت هيك عملت وزبط

المرة عملت هيك بالزبببببط

وتركتهم برة بدرجة حرارة الغرفة عشان يبردو واحطه بالتلاجة

ولما اجيت

لاقيت الطبقة الي فوق جامدة زيادة يعني قساوتها عادية جدا مش انو صارت حجر لالا عادي

بس لاقيتها فاصلة عن طبقة التشييز يعني رحت قطعت قطعة من شطارتي الزايدة (هلأ بقلكو ليش شطارتي زادت في هالنقطة ههه)

وحطيت في صحن ودقتها طعمها بجنن بس الكرامل فاصل عالاخر يعني بتقدري تشيلي الطبقة بكل سهولة بايدك

مش ملزقة في التشيز

انغظت كتيييييييير شو اعمل حطيته في التلاجة هيني قلت بلكي تحسن مابعرف كيف بس لعل وعسا


اما عاد ليش شطارتي زايدة لاني قلت كان ممكن اشيل طبقة الكرامل الخربانة واحط طبقة جديدة او اي طبقة اخرى

بس بما انو في قطعة ناقصة مافي مجال اصب طبقة جديدة لانو في فراغ في الصينية

ولا اصب طبقة اخرى جديدة و القطعة الناقصة حيصب عليها كرامل اشيلها وباقي القطع حتكون كويسة

مابظن تزبط لاني كمان قسمت القطع مربعات .......... مش معقول الزكا عنجد

ولا شو اعمل

مقهورة عملته قبل هيك وكان زي الفل هلأ لو بيضل هيك بكون بخزي يعني وانا فرحانة عحالي وبدي اعمل من ايدي


شو الحل؟؟؟بنفع اشيل الكرامل واحط تحتو السكر الي بكون معاه في العلبة الاسود قال يعني عشان يلزق الكرامل

ولا اختصر عحالي الفضايح واشتري شيء من برة بعد هالمخاسر


ساعدوني والله مقهوووووورة يمكن هادا جزائي وانا بعمل فيه قلت هلأ بطلع زاكي كتير وبتشوف اديش طبخي زاكي

وبفتخر بنفسي ويمكن تغار لانها لسة مابتعرف تطبخ هههههههههههههههه سوء النوايا بس ههههه
ولافرحانة قدام جوزي بقلو اما حيطلع الحلو تحفة حرفع راسك في العمارة بسمعتي الطبخية لانو كل الجيران ودتلهم من اكلي مرات عديدة وابنسطو عليه بستااااااهل الي جرالي صح

بعد مادرست موضوعك وجبته يمين وجبته شمال أكتشفت السر
إنه حسدتي نفسك مو المثل يقول مايحسد المال إلا أصحابه
في ركن الحلو نقول مايحسد الحلو إلا اللي عاملينه
هههههههههههههههههه
حبيبتي والله ما عندي فكرة كيف اساعدك بس ممكن الحل يكون إنك تعيدي عمل الحلو والله يعينك.

سوسو حبيبتي

ساعدوني والله مقهوووووورة يمكن هادا جزائي وانا بعمل فيه قلت هلأ بطلع زاكي كتير وبتشوف اديش طبخي زاكي

وبفتخر بنفسي ويمكن تغار لانها لسة مابتعرف تطبخ هههههههههههههههه سوء النوايا بس ههههه
ولافرحانة قدام جوزي بقلو اما حيطلع الحلو تحفة حرفع راسك في العمارة بسمعتي الطبخية لانو كل الجيران ودتلهم من اكلي مرات عديدة وابنسطو عليه بستااااااهل الي جرالي صح

ضحكتيني من قلبي الله يسعد قلبك ...

وانا كمان بقول حسدتي حالك وكمان من شوفة حالك ربنا عملّك درس << بمزح معك

حبيبتي اكيد ما بينفع تاخديه معك بعد هالمعارك بس ما تنقهري ممكن تاكلي انت وزوجك
واعملي شي تاني أمرك لله!

ههههههههههههههه سوسو تستاهلي لانك نيتك عاطلة ... عم بمزح والله
انا بنوتة لبنان اتذكرتيني ؟
كيفك ياقلبي واله مشتاقتلك كتير ليش هيك قطعتيني ؟
عموما الحمد لله علي سلامتك

وحكياتك والله ظراف وعملتك ما بتنعمل

عادي حبيبتي مادام طعمو حلو كليه انتي وزوجك واعملي شي تاني متل ماقالت لبنانو

اعملي كيكة عادية وخديها ليش هالتكاليف هههههه

هههههه والله ضحكتيني حبيبتي سوسو

بس ممكن تعملي كيكة على السريع وتزينيها وتاخذيها معك وانا راح اعطيك بعض الروابط اللي

ممكن تفيدك

http://www.lakii.com/vb/showthread.php?t=650668

http://www.lakii.com/vb/showthread.php?t=657499

http://www.lakii.com/vb/showthread.php?t=657282

http://www.lakii.com/vb/showthread.php?t=646621

http://www.lakii.com/vb/showthread.php?t=651702

http://www.lakii.com/vb/showthread.php?t=655821

http://www.lakii.com/vb/showthread.php?t=658851

http://www.lakii.com/vb/showthread.php?t=647008

http://www.lakii.com/vb/showthread.php?t=650026

http://www.lakii.com/vb/showthread.php?t=643861

حبيبتي عندي الك فكرة يمكن تعجبك
انت قطعتيها مربعات
ممكن تجيبي شكولاته وتسيحيها مع شوية زبده وتغطسي المربعات بالكامل فيها
او تحطيها على سلك وتنزلي الشكولاه عليها تغطيها من كل الجوانب وتسيبيها تبرد
وبتطلع حلوة اوي

مرحبا بنات

ميموم شكرا الك عالمرور والرد والتنبيه على اني حسدت حالي هاهاهاا
فكرتك جهنمية هههه اعيدها لا خلص مافي وقت و انقهرتتت
شكرا الك




لبنان وحبايبه اهلين وتسلمي عالمرور والله هلأ طلعتها اشوف شو صار فيها قطعت قطعة ودقتها والله كتييييييير طعمها حلو بس المشكلة زي مقلت خسارة كنت متشجعة للموضوع بزيادة فراح خرب
مافي وقت اعمل اشي تاني خلص شكرا لمرورك الجميل



ضحى طبعا فاكراكي وهل يخفى القمر؟بس انا الي مفروض ازعل لانك قطعتيني وكان لازم تتطمني على احوالي وولادتي
يلا بهمش معذورة
اما ليش اكلف حالي فعشان قلت اخد اشي معتبر ولزيز
بس اجت عراسي
ماقدامي غير اجيب اشي من برة وخلص


ناني شكرا الك الله يسعدك روابط حلوة بس ماعندي وقت ومافي نفس لاعمل حلويات كمان مرة هاليومين
اخدتهم عندي عشان استفيد منهم تاني شكرااااااا


دارين شكرا عالفكرة الحلوة بس مابظن اقدر اطبقها



شكرا لكم جميعا بنات فكرت في حل لكن شكلو الموضوع خرب وخلص
تسلمو عالمساعدة

سوسو حبيبتي
مادام بتقولي ان طعم طبقة التشيز حلو
و طبقة الكراميل بتنفصل بسهولة
شيلي طبقة الكراميل و كملي على انه تشيز كيك
حضري صوص فاكهة (فراولة او بلوبيري او توت بري هيك شي)
حضريه بانك تحطي على الفراولة سكر و تخليها تطلع ماءها و بعدين اخلطيها بالخلاط و حطيها على النار تغلي و معها قلييييييييلمن النشا اللي ما يجمد بس يخليها اكثف

و خليها تبرد و المفروض ان النشا يكون قليل لدرجة ان لما تبرد منيح ما تجمد بس تكون صوص تقيل شوييييييي

بعدين حطي على كل قطعة من هالصوص و عادي لو نزل الصوص على الجوانب لآن هيك بيكون
و حتى منظره بيصير مغري

لو ما متوفر فواكه برية ممكت تعملي صوص شكولا حتى طرقه عديدة و اسهل

او تعملي توفي و بر9و نفس الاشيء
و حتى التوفي طيب و ما يكون بردو جامد
بل بقوام صوص سهل التعامل معه

كل هالاشياء سهلة

طبقة الكريم كراميل اللي شيلتيها ما ترميها حرام
و مرة تانية صفي نواياك

الله يعينك يا الغالية ويعوض عليك صحة ليك ولزوجك وعوضك على الله استعيني بالله وقومي سويلك شيئ تاني يا قمر

هههههههههههههههه
سوسو لا تقولي انتي اللي منزلة موضوع بركن ساعدوني وانا نصحتك خخخخخخخخخخخ
صحيح انا قلت خذي حلو بس ما قلت احسدي حالك ههههههههههههه
والله الحل انك تعيدي الحلو او تشتري جاهز من الاخر
وخلي استعراض قدراتك مرة ثانية