حياكن الله اخواتي
بعمل صنية مكرونه حلي بالحليب بتبقي جميله جدا
كيس مكرونه بيعمل صنيه كبيره بنسلقها لما تستوي جدا
وتبقي طريه خليها في ميتها لا تصفيها حطي سكر مناسب
تذوقي حسب ما تحبي حلي السكر زيدي الحليب البودره وكتري
ضيفي حطي علبة فانيليا ام ريال حطي شوية جوز هند
وشوية زبيب حطي خمس ملاعق كبيره او 6 نشا في كوب ماء
بعد ما تستوي المكرونه كويس في الحليب حطي النشا
وقلبي كويس اسكبيها في الصنيه
لا تخليها ناشفه خليها طريه حطي على وجه الصنيه ملعقتين سمكن بلدي
واذا ما عندك حطي قطعة قشطه
حمريها في الفرن طلعيها لما تبرد ممكن تاكلوها دافيه
وممكن لما تبرد حطيها في التلاجه هتمسك بعضها
قطعيها قطع في اطباق وزعيها على اسرتك
وذوقي احلي مكرونه طعمها جميل جدا وتنفع تبقي عشا وخلاص
تقدم للضيوف وممكن بعد الاكل
جربيها بجد جمييييييييييييله والف هنا
معلش مش بعرف احط صور
رد مع الاستدلال
الروابط المفضلة