السلام عليكم ورحمة الله وبركاته
طبعا بفضل تشجعيكم ليا بقدملكم الموضوع التانى ليا هنا فى ركن الحلويات
بصراحه قبل كده جربت اعمل التشيز كيك مرتين بس مش عارفه معجابنيش ومش زى ما توقعت خصوصا انى مش بحب طعم الجبنه يبقى ظاهر اوى المهم بعد البحث المتواصل عملت تركيبه وطلعت ليا الوصفه الجميله دى والفضل لاتنين المبدعه منال العالم ولحبيبتى واختى حنون الوصفه كانت مزيج من وصفتين تشيز كيك لمنال العالم بس انا عملت تغيير فيها من غير كتر كلام ندخل على المكونات على طول
الطبقه الاولى
2 كوب بسكوت مطحون انا عملت نوعين من البسكوت الاول اولكر والتانى بسكوت بالكاكاو والشكولاته
ملعقه كبيره كاكاو خام
نص كوب زبده
الطبقه التانيه
200جرام لبنه بينار
2كيس كريم شانتيه
1 كوب لبن مركز محلى( انا عملته فى البيت)
1ملعقه كبيره جيلاتين بودر
1 ملعقه كبيره نسكافيه
للتزيين كاكاو خام +2شكولاته فليك
فى البدايه ندوب الجيلاتين فى قليل من الماء الساخن وكذلك النسكافيه ونتركهم
تجهز الطبقه الاولى بطحن البسكوت واضافه الزبده الذائبه وفرد طبقة البسكوت فى قوالب السيلكون الخاصه للكب كيك ثم نضعها فى التلاجه
تجهز الطبقه التانيه بضرب الكريمه ثم اضافه اللبنه واللبن المركز والجيلاتين حتى نحصل على قوام كريمى جميل نضيف نصف هذه الكريمه على طبقة البسكوت المجهزه فى القوالب ثم النصف المتبقى من الكريمه نضيف عليها النسكافيه المعد مسبقاونخلط ونضيف المزيج فوق طبقه الكريمه البيضاء السابقه مع مراعاة الهدوء فى العمل حتى لا تختلط الطبقتين ثم ندخل القوالب الفريزر حتى تجمد طبقات الكريمه لمده لا تقل عن 6 ساعات ثم تخرج بهدوء من قوالب الكب كيك وتزيين برشة كاكاو دارك وشكولاته فليك ويبقى عندكم احلى مينى تشيز كيك بس باللبنه والكابتشينو شيك جدا فى التقديم والطعم يجنننننن تحفه بجد انصحكم تجربوه خصوصا للى مش بيحب طعم الجبنه زيى والعيال هيحبوه اووووووووووووى مستنين ايه يلا جربوه ومش هاتندمو
فضل اوريلكم الصور طبعالليحب انه يستفيد الخطوات موجوده بالتفصيل فى فيديو منال العالم اعملو سيرش هتلاقوه فعلا مفيد جدا وانا شخصيا اتعلمت حاجات كتير منها








مستنيه تطبيقكم وطبعا ردودكم ودعواتكم الحلوه

مشكورة على الحلى اللذيذ

شكله تحفه ما شاء الله تسلم ايدك

واااااااااو شكله روووعه بس طبقة النساكافيه ماتصير لونه بني

قوالب السليكون للكاب كيك تسوي جذي الصراحه انا مشتري منها بس لحين مااستخدمته بس عجبني شكله وبتكون طريقته حلوه ومرتبه وخصوصا لو في ناس معزومه بالبيت

ان شاء الله بحاول اجربه الله يعطيج الف عاافيه
لج احلى تحيه

ما شاء الله وصفة رائعة

ماشاء الله شكله روعة ويفتح النفس
تسلم يدك ان شاء الله اجربه
تسلمي

ما شاء الله رااااااااااائع تسلم ايديك

بسم الله الرحمن الرحيم
السلام عليكم ورحمة الله وبركاته

بسم الله ما شاء الله

تسلم الايادي اختي العزيزة " طالعه حلوه وبتشهي "


تم الحفظ " للتطبيق في وقت قريب بإذن الله "

تسلم ايدك يا قمر
تشيز كيك ولا اروع
ابدعتي بجد لا عدمناكي

يسلمو اختي باين عليها روعة