المقادري
صحن زجاج التقديم
رطب مخلي من النواة زمحشو بجين الكيري
توفي الكل يعرفه ( سكر يذوب على النار مع الزبدة ويضاف له القشطة) يكون كثيف
فستق مجروش جوز الهند قليل من خيوط الزعفران
الطريقة
يرص الرطب في الصحن دوائر جنب بعض طبقة واحدة فقط
يصب فوقه التوفي صب دون مساح
يرش الفستق وجوز الهند وخيوط الزعفران
ويقدم جاهز مع القهوة المرة
إذا أردت تضعي كل رطبة في قالب ورقي ويقدم

مشكورة وايد اختي على هالطبق الحلو بصراحة آنه احب الرطب وعندي طبق حلو بعد تستعملين فيه الرطب بس يكون ناعم وايد خذي الطريقه.

بعد ما تخلين الرطب من النواة تهرسينة بالشوكة وتخلينة على جنب ، بعدين تحمسين الطحين الاسمر على النار الى ان يتغير لونة ويصير ذهبي بعدين تحطين عليه الزيت وتخلطينه عدل ويكون الطحين تقريبا متماسك مو وايد ما اعرف اوصفة لاني ما استعمل المقادير بس حسب ما تشوفينه يعني تكون الخلطة مو ناشفة مترطبه بالزيت مو وايد شوي بس شكلي دورت راسك سوري بس خاطري تضبط معاك وتدعين لي المهم بعدين تضيفين الرطب المهروس عليها وتخلطينهم زين وتقدمينه مع القهوة العصاري مع الاهل وتتابعين سبيس تون بس امزح.

أهلاً و سهلاً بك يا حلوم و تسلم إيديك على هذا الطبق اللذيذ.

مرحبا حلوم ..........ويا هلا فيك بين اخواتك .......
وتسلم ايديك على هذا الحلى .......
ومشكوره يا حلوم.......
بصراحه الحلى مبين عليه لذيذ ولازم اجربه......

حلوم طبقج هذ ا.... يا إبوقته تدرين الحين موسم رطب....
بس الصراحه من غيرمبالغه ....لعابى سال لمن قعدت اقرا ...
الطريقه ....وراسى إفترررر من كثر ما اشتهيته...
يزاج الله خير يا حلوم ....ونلقاج إن شاء الله مره ثانيه مع اطباق جديده...

يعطيك العافيه أختي حلوم......وتسلمي على الحلةالذيذ.

أختي سهاير حلاك هو من شعبيات دولة الإمارات وتسمى البثيثة ....بارك الله فيك اختي واتمنى اذا توفر لديك طبخات شعبية تكتبيها لنا وأكون شاكره لك ...بصراحه أقدر الطبخات الشعبية جداً...
كذلك أختي حلوم اتمنى لو تعرفينا على طبخاتكم الشعبية في دولة الكويت الحبيبة

السلام عليكم أخواتي انشاء الله تعجبكم هذه الوصفة
راح أدلكم على عنوان منتدى ثاني يحمل وصفات كثيرة وانشاء الله تعجبكم
http://hawaaworld.com/vb/index.php3