السلام عليكم انا اول مرة اشترك بالمنتدى واامل من الله ان اطباقى تعجبكم

التورتة دى انا عاملاها من فترة مش موجود الا الصور النهائية للاسف بس هابقى احاول اعملها تانى وانزل الصور بعدين

اولا الكيكة
المقادير:
5 بيضات فى درجة حرارة الغرفة
كوب سكر بودرة
كوب دقيق فى درجة حرارة الغرفة
3 ملاعق زيت درة
ملعقة صغيرة بيكنج بودر
4 ملاعق ماء مغلى
ملعقة صغيرة فانيليا
الطريقة:
1-تدهن صينية مستديرة بالزيت وترش بالدقيق او تبطن بورق الزبدة او تكون صينية غير قابلة للالتصاق
2-يضرب صفار البيض والفانيليابالمضرب حتى يصبح فاتح وهش ونضيف عليه السكر ونضرب كويس وبعدين نضيفالزيت والماء المغلى ولم يتخلطوا كويس نضيف الدقيق المخلوط بالبيكنج بودر شوية بشوية مع استخدام المضرب اليدوى السلك عشان يدخل هوا احسن
3-يضرب بياض البيض بالمضرب الكهربائى الى تمام التماسك يعنى يبقى مارينج وعشان يطلع مظبوط لازم الوعاء اللى بتخلطى فيه والمضرب يكونوا نضاف وناشفين تماما
4-بتضيفى المارينج على الالخليط السابق ويتخلط بملعقة خشب
5 يوضع الخليط فى الصينية المعدة ويدخل فى فرن 170 او متوسط لمدةنصف ساعة او حتى النضج ونعرف انها استوت اننا ناخد سيخ خشب ونغرزه فى اكتر من حتة فيها عشان نتاكد من سواها
6-نسيبها 10 دقايق فى الفرن وبعدين نطلعها نقلبها على منخل سلك لحد ماتبرد
الكريمة
انا جبت كريمة زبدة سهلة ومكوناتها فى متناول الجميع ومش مكلفة وبتطلع خفيفة وطعمها خرافة احلى من اى كريمة زبدة تانية عملتها عشان مش سمينة ومافيهاش بيض
انا عملت نص المقادير دى وكفت التورتة بتاعتى
المقادير:
كوب ونص لبن
6 ملاعق كبيرة دقيق
كوب ونص زبدة
كوب ونص سكر ناعم جدا اللى بيتباع بره
نص ملعقة صغيرة فانيليا
الطريقة:
1-حطى الدقيق على اللبن وعشان مايكلكعش حطيه ملعقة ملعقة لحد مايتخلط كويس وممكن تصفيه لضمان ان مفيش كلاكيع
2-حطيه على نار متوسطة مع التقليب باستمرار عشان مليتلسعش منك لحد ماالدقيق يلم وتلاقيه عمل زى المهلبية التقيلة نوعا
3- شيليها من على النار وقلبيها لحد ماتبرد او ممكن تحطيها فى البراد
4-خدى الزبدة واضربيها بالمضرب لحد ماحجمها يتضاعف ولونها يفتح وبعدين ضيفى السكر والفانيليا واخلطى لحد ماتعمل كريمة ناعمة وفاتحة
5- ضيفى خليط الدقيق واللبن واستكملى الخفق لحد مايديكى الكريمة المطلوبة وبعدين حطيها فى التلاجة لمدة ساعة قبل الاستخدام وخصوصا فى الحر انا اضفت عليها لون احمر ونكهة الفراولة ولو تحبى ممكن تعمليها بلبن بالفراولة
التزيين:
1-ناخد الكيكة بتاعتنا ونحطها على منضدة العمل وهى على وشها ونقسمها تلات طبقات بالطريقة اللى تحبيها
2-ناخد الكريمة ونحشى بيها التورتة ونغطى بيها الوجه والاجناب
3-نجيب الفراولة ونقطعها زى المروحة ونحطها على اطراف التورتة وبالشكل اللى انا عاملاه
4- نجيب جوز هند ناعم او خشن انا حطيت ناعم ونحط عليه لون طعام ونقلبه كويس ونحطه على اجناب التورتة
5- توضع فى التلاجة ويستحسن ماتكليش منها الا تانى يوم عشان الكريمة تكون مسكت تمام وبالهنا والشفا

تورته رائعة
تسلم ايديك ياقمر
وبانتظار ابداعاتك الحلوة دائما

شكرا على ردك المشجع اختى العجلونية وان شاء الله انزل كل تطبيقاتى اليومين اللى جايين

الوصفة دى هى مشاركتى لمسابقة احلى الاطباق باروع الصور

رائعة تسلم ايديكي

يسلمو ايديك تورتة رائعة

ما شاء الله تبارك الله
وصفه رائعه
سلمت يداك

تورتة حلوة جداااااااااااا يسلمواااااااااا