Pineapple Cupcake
بارك الله فيها غاليتنا لا تحزنين على الوصفه الرائعه
انا من اول ما شفتها والله حب من اول نظره ههههه
وعلى طول رحت اجربها ولكن انا غيرت فيها شوي
موضوع الاخت لا تحزنين
كب كيك الأناناس بالخلطة اللذيييذة:::ابتكار لا تحزنين::::
لانه ما بستخدم العلب الاناناس كان في عندي حبه اناناس طازجه وبالتالي ما حبيت اعصرها واصفيها لحتى استخدم الماء في وصفه الكيك متل لا تحزنين
لهيك فقط طحنت من الاناناس وعوضت النقص بالسوائل بوضع القشطه
انا كتير بعمل الكيك بالقشطه لانه بيعطيه طعم مميز وايضا بكون هش هشاشه رائعه متل استخدام اللبن ولكن القشطه بيعطي للكيك طعم رائع
المهم شوفو المقادير والطريقه مع بعض للكيك نعمل التالي :
1\3 ك زيت
3\4 ك سكر
2 بيضه
فانيلا كيس
يخفق بالخفاقه مع بعض لحتى يذوب السكر
نضيف:
1\2 ك قشطه
1 ك اناناس مطحون
وايضا نخفق مع بعض
ننخل مع بعض :
1 و3\4 ك طحين انا استخدم طحين مخصوص للكيك
(فيكم تستعملوا طحين ALL PURPOSE بانكم تستبدلوا 2 م ك منه ب2 م ك من النشا)
1 م ك بكم باودر
رشه ملح
ننخلهم مع بعض ونضيفهم للكيك ونحرك بالملعقه بالتقليب فقط
التغيير التاني اللي عملته فيFrosting
اولادي بحبوه بالكريمه شوفوا كيف عملته
1 ك من الكريمه الفرش (Heavy Whipping Cream)
3\4 ك سكر بودره
1\2 علبه كريم تشيز فيلادلفيا يعني 4 oz بحرارة الغرفه
نخفق الويب كريم مع السكر لنصف دقيقه وبعدها نضيف الكريم تشيز ونكمل الخفق حتى تتكثف وتنفش لحوالي 1\2 دقيقه اخرى وممكن اكتر
نعبي الكريمه بكيس التزيين ونزين الكب كيك رقم القمع الذي استخدمته 1 m
وزينتها بالجوز الهند وقطع الاناناس واخرى وضعت عليها من الاناناس المطحون
وكان مو بحاجه لاضافة سكر لان الاناناس كان حلو
ان شاء الله التطبيق يكون اعجبكم
والف شكر للغاليه لا تحزنين على الوصفات الرائعه وبارك الله فيها وجزاها عنا كل الخير
رد مع الاستدلال
كتبت بواسطة hoba essam
الروابط المفضلة