لى عودة معكم اليوم مع طبق حلو لذيذ الطعم بالاضافه إلى شكله الرائع والراقى
وجربوه مرة ..سوف تطلبونه مليون مرة.

تحتاجين الى بسكوت جاهز شكله اصابع بعرض 1 سم ونص تقريبا اللى مرشوش علية شوية سكر خشن ومن داخله يكون اسفنجى طبعا اهو بسكوت ناشف وهو متوفر بالجمعيات اعتقد انكم عرفتوة واذا ما عرفتوة ممكن اتحطين اى نوع من البسكوت بس يكون على شكل اصابع عريضة المهم ما اطول عليكم .

1-اتصفين هذا البسكوت حول قالب متحرك بطريقة عمودية اقصد انج اتوقفين البسكوت على اطراف القالب المتحرك اللى يستخدم للجيز كيك

2-اتقطعين كيك جاهز على كاكاو بسماكة 1 سم واتحطينة بالقاع.

3-بالخلاط اتحطين: 2 علبة قشطة + 1 علبة كريمة سائلة + 1 كيس دريم ويب + 1 علبة كاكاو نوتيللا( اللى ينباع فى علبة زجاجية عليها غطا وتكون اللى تستخدم للحلويات واتكون كريمى القوام بس ثقيل اشوى وفية نفسة ماركة جلاكسى ممكن اتحطين ماركة الجلاكسى بدل منة) .

4- نقسم الخلطة الى 3 اجزاء نضع الجزء الاول فوق طبقة الكيك وندخلة الفريزر ربع ساعة.

5-نرجع انجط طبقة ثانية من الكيك وفوقه انحط جزء ثانى من خلطة الكاكاو ونرجعه الفريزر .

6-ونرجع انحط طبقة ثالثة من الكيك وفوقة الطبقة الثالثة والاخيرة من خلطة الكاكاو ونردة الفريزر ربع ساعة حتى تتماسك طبقة الكاكاو

7- وبالاخير صبى عليه سوس الكاكاو الجاهز.

وعند التقديم فكى اطراف القالب وقدمى الطبق وشوفى شكله الرائع وذوقى طعمة اللذيذ وبالعافية عليكم
ويللا جربو ة وعطونا رايكم