اليوم سويت لكم كيكة التمر
مرة سهلة ولذيذة ومفيدة
هذي صورتها قبل للتشجيع
المقادير عشان ما أطول عليكم:
3 بيضات + شوي فانيلا
نص كاس تمر منزوع النوى (تقريباً 17 تمرة) منقوعة في كاس ماء دافئ
2 كاس طحين
نص كاس زيت
ثلاث أرباع كاس سكر
ملعقة كبيرة قرفة مطحونة
ملعقة كبيرة بيكينج بودر
حفنة جوز (عين الجمل)
الطريقة :
تخلطين بخلاط الكيك: (( البيض والفانيلا وتضيفين لهم السكر والزيت وكاس الماء (اللي كان التمر منقوع فيه بس من غير التمر)
وتضيفين له الطحين والبيكنج بودر والقرفة)) وتخلطين بالخلاط
بعدين تضيفين التمر وتحركين بالخلاط بس بسرعة وتطفينه ما تخلينه يطول عشان ما يختلط التمر بالكيك ويصير قطع داخل الكيك (أنا عندي كذا أحلى)
بعدين تضيفين الجوز وتحركين بالملعقة
تدهنين صينية بزيت وترشين فيها شوية طحين وتصبين الخليط وتدخلينه الفرن على درجة حرارة 350 ْ لمدة 40 دقيقة
وهذا شكلها بعد الخبز
بعدين تسوين التوفي :
ثلاث أرباع كاس سكر + علبة قشطة + بيالة ماء بارد جدا
تذوبين السكر في قدر ستانلس ستيل ولما يذوب تضيفين له بيالة الماء وتحركين بسرعة وبعدها تضيفين القشطة وتحركين
بعدها تصبينه على الكيكة
وهذا شكلها بعد التقطيع
قولوا لي وش رايكم :30:
وعليكم بألف عافية
_
انتظر ردودكم وشيعكم الحلو _
الروابط المفضلة