الصيف قرب والايس كريم يا محلاة في الحر خصوصا لو قدمتية لضيوفك او اولادك
بس بطريقة حلوةمع بسكوتة احلي



حنعمل النهاردة بسكوتة الايس كريم والتشكيل انتي ورغبتك وانا مجرباة

المقادير:

1/2 نصف كوب زبد
1/2 نصف كوب سكر ناعم
كوب دقيق بس نقصي منة حوالي ملعقة كبيرة
بياض بيضتين + فانيلا

الطريقة :
يخفق السكر والزبد كويس جدا حتي يصبح هش
يضاف بياض البيض غير المخفوق بالتدريج للخليط مع استمرار الخفق حتي يصير الخليط ناعن
يضاف الدقيق ويخلط جيدا بواسطة ملعقة ثم تضاف الفانيلا

حضري صواني فرن وادهنيها خفيف بالزبد
خدي حوالي معلقة كبيرة من الخليط وضعيها علي الصاج وافرديها علي شكل دائرة بواسطة سكسن عريض او ملعقة مع ترك مسافة بين كل بسكوتة والتانية
ضعي الصاج في فرن حار450 درجة الرف الوسط لمدة 4:دقايق الي5 دقايق حتي تشوفي احمرار الاطراف فقط
كوني محضرة برطمان مربي فارغ واقلبية علي وجهه او كوب عادي واقلبية علي وجهة
واخرجي البسكويت سريعا من الفرن وبسرعة اقلبية علي البرطمان او الكوب واضغطي علية بخفة حتي ياخذ شكل الطبق مثلا وكرري من باقي البسكوت بسرعة قبل ما يبرد لانة بيجف سريعا وحتي يسهل تشكيلة

التشكيل طبعا حسب زوقك وافكارك ممكن تعملية علي شكل قرطاس زي ما يتباع الايس كريم في البسكوتة
او تتركية علي شكل الطبق

ممكن تستعملي البسكوتة علي شكل طبق في انك تحطي فية فروت سلاط بس من غير العصير بتاعة علشان البسكوتة متتبلش وتطري اووكريم شانية يعني زي ما تحبي
وتبقي شكل جديد تقدمية لضيوفك
اي سؤال انا حاضرة ويارب يعجبكم

طريقه مبتكره
يعطيك العافيه

عاشت ايديكى يا نانو ايه الحلاوه دى باين عليها روعهههههههههههههههههههههههههههه

تسلم ايدك يا نانو والله فعلا فكرة ظريفة وسهلة ربنا يسهل ان شاء الله واجربها .

تسلموالي يا حلويين دندون ونوشي ونجوان جربوها وصدقوني مش بتاخد وقت خالص انا دايما اعملها في الصيف واحط فيها تشكيلة انتو وشطارتكم بقي يا حلويين
تسلموا وربنا يسعد اوقاتكم

خوش وصفة يعطيك ألف عافية

تسلمي سيدة ملعقة يارب تجربية ويعجبك واهلا بيكي معنا في منتدي لك

والله ففكره حلوه كتير بس احكيلك ممكن تقلبيه على صحون الشوربه كيف بيكون شكلهن نص
دائره كمان فكره وانا بحط ايس كريم وفوقه فواكه مقطعه او
ملعقتين جلي فراوله وفوقها بوظه وقطع فراوله

يم يم

وشكرا

فعلا هنلي ممكن تقلبية علي طبق الشوربة ساعتها حيكون واخد شكل الطبق انا بعملة بصراحة باكترمن شكل وبحط فية تشكيلات كتير
بعض احيان بحط فية كريم شانتية ومقطع فية فواكة سواء طازجة او مجففة وطبعا الفروت سلاد والايس كريم
والاخوات في المنتدي اكيد زيك بيحبوا الابتكار والتجديد
اتمني انك تكوني جربتب البسكوتة دي وتكون عجبتك وشكرا علي ردك الجميل وافكارك الحلوة