اليوم عملت شيز كيك يجنن رائع شفت طريقته بأحد المنتديات وعملتها وطلعت مضبوطة ولذيذة كلوها قبل لا أحط الفلنغ ..... جد سهلة ولذيذة..
المقادير :
أول ما تبدون حموا الفرن على حرارة 350
مقادير القاعدة:
2 كوب بسكويت جراهام أو دايجستف مطحون
5 ملاعق كبيرة سكر
ربع ملعقة صغيرة قرفة
60 غ أو 6 ملاعق كبيرة زبدة، مذوبة
نخلط مقادير القاعدة ونضعها في البايركس اللي قاعدتها متحركة.
مقادير الحشوة:
600 غ كريم تشيز، انا استخدمت علبتين جبن فيلادلفيا الحجم العائلي، وزن العلبة الوحدة 300 غ
كوب سكر
ا ملعقة صغيرة فانيلا
ربع كوب كريمة
بياض 5 بيضات
صفار 5 بيضات
نجيب الكريم تشيز والسكر والفانيلا نخلطهم مع بعض لين يصيرون مثل الكريمة نضيف عليهم صفار البيض والكريمة ونخلطهم نخلط بياض البيض لحاله لين ينفش ويتماسك الحين نجيب بياض البيض ونضيفه بالتدريج على مقدار الكريم تشيز ونحرك بملعقة خشب من فوق لتحت عشان ما يهبط البياض، لحد ما يتجانس الخليط ونصبه في الصينية.
وهذا شكلها قبل لا تدخل الفرن:
ندخل الصينية الفرن لمدة ساعة وربع... اللي سويته هنا إني غطيت قاع الصينية بورق ألمنيوم و حطيتها في حمام مائي عشان ما تحترق لأنها بتطول بالفرن...
وهذا شكلها بعد ما طلعتها
وهاذي قطع منها تجنن ولذيذة.
وهناء وعافية.
الروابط المفضلة