انا اشتريت مرة من كارفور صينية حلوي عشان عجبني شكلها بس. لكن مكنتش اعرفها قبل كدة ولما دقتها عجبتني وعاوزة طريقتها الصينية اسمها (صينية رواني)ياريت تفيدوني

5 بيضه
كوب الاربع دقيق سميد او دقيق بسبوسه
كوب الاربع دقيق عادى
2كيس فانيليا يضرب البيض جيداااااااااااااا مع السكر والفانيليا حتى يرتفع ويصبح كريمى مثل طريقه الكيك الاسفنجى ثم الدقيق السميد والدقيق العادى وممكن تضيفى بيكنج بودر هو المفروض متحطيش بس انا لما عملتها حطيت ودى الطريقه بالصور

المقاديــــــــــر

5 بيضات
3/4 كوب دقيق أبيض
3/4 كوب دقيق سيمولينا
3/4 كوب سكر
1/2 ملعقة صغيرة فانيليا

شوفتوا المقادير سهلة ازاي
بس عايزة أقول لكم ملحوظة هااااااااااااااااااااامة

الرواني مابيتحطلهاش بيكنج بودررررررر

المهم
نشوف بقا الطريقة

الطريقة

في وعاء نضيف وجاف اخلطي البيض مع السكر والفانيليا واضربيهم بالمضرب أو العجان اللي عندك
على السرعة الهادية
لحد مايكون معاكي كريمة

بعد كده اخلطي الدقيق مع السيمولينا

ضيفي الدقيق والسيمولينا للبيض واضربيهم مع بعض بالراحة بملعقة خشبية
لفتين تلاتة لحد مايلف كله مع بعضه
أو اديله لفة في العجان على السرعة الهادية لحد مايدوب
بس ماتقلبيهوش كتير

بعد كده هاتي الصينية اللي هتصبي فيها الخليط
ادهنيها زبدة
ودقيق سيمولينا
مش دقيق أبيض
بقول كمان مرة سيمولينا

بعد كده صبي الخليط في الصينية

سيبيها في الفرن لمدة 25 دقيقة
على ماتستوي في الفرن نجهز احنا الشربات والذواق

الشربات

2 كوب سكر
2 كوب ماء
دوبي السكر في الميه
حطيه على النار

سيبيه يغلي بعد كده ضيفي له عصير نصف ليمونة
ورشة فانيليا
سيبيه يغلي شوية
بعد كده اطفي عليه
وخللى بالك الشربات بيتحط سخن على الرواني وهي سخنة

جهزي الشربات وجوز الهند ومربى المشمش للذواق

بعد كده لما الرواني استوت طلعتها من الفرن

بعد كده سقيتها بالشربات السخن

بعد كده ذوقيها بالطريقة اللي تعجبك أهم حاجة في الرواني الشربات وجوز الهند

أنا ذوقتها بالمربى ( مربى المشمش هايلة وطعمها بيكون جميل جدااااااا )

بعد كده رشيت جوز الهند
وده الشكل النهائي ليها

وبعدين نقطعها كده

منقول لام مريم منتدى xxxxxxxxxxx
وانا مجرباها

شكرررررا يا حبيبتي ربنا يخليكي
بجد جريتي ريقي شكلها بيشهي
اكييييييد هعملها
وميرسي كتير علي مرورك واهتمامك

اختي في الله مرمر
نعتذر عن حذف الصور لانها تحمل اسم منتدى آخر
ولكن بما أنك قمت بتجربة الطبق
نرجو منك وضع صور تطبيقك كي تستفيد منها بقية الأخوات
شاكرين لك تفهمك

العفو يا ام فادى انا نقلتها بالصور للافاده فقط
وكمان الاخوات فى المنتدى يقولوا انهم عند نقل اى موضوع لهم لابد من كتابه اسم العضوه واسم المنتدى وعلى العموم انا اسفه لو خالفت قوانين المنتدى