كيفكم صبايا كل عام وانتو بألف خير
انا راح اورجيكم تطبيقي لبسبوسة سوسو بارك الله فيها
مع بعض الاضافات من عندي بالنسبة للحشوة
احنا هون عنا بفلسطين ما عنا قشطة قيمر الجامدة
انا فكرت امزج قشطة الغالية لبنان وحبايبه لاني بعشق اطباقها
طبعا الست لبنات بتحط للقشط العربيه
كاستين حليب سائل مع معلقتين سميد
وتلات معالق نشا انا حطيت تنتين كبار
بنحطهم على النار لحدما يتقله وبحط عليهم تقريبا نص علبة قشطة
طبعا انا بفضل قشطة نستله الها نكهة خاصة خصوصا مع هاي البسبوسة
المهم بنجهز القشطة وطوالي بنبدا بالبسبوسة وهي طبعا ما بتاخد وقت
بنحط كاسة ونص سميد ومعهم كاسة حليب ناشف وكاسة سكر
وبعد ما نخلطهم بنحط عليهم علبة قشطة وتلات ارباع زيت
وباقي علبة القشطة اللي ضلت هاي اضافة من عندي
بنحط تقريبا اكتر من نص الخليط وبنحط عليه القشطة اللي عملناها
وبنحط مع باقي خليط البسبوسة معلقتين ماء وبنحركهم
ونديرهم شوي شوي على الصينيه وطبعا من كون حاطين على الصينية طحينة
وبنشويها على نار هادية لحد ما تستوي
وبعد ما تستوي بندير القطر عليها وبنركز على الاطراف
وبنغطيها وبنتركها اقل اشي نص ساعة لحد ما تتماسك القشطة اللي جوى البسبوسة
وبالنسبة لمقادير القطر
3 كاسات سكر
2كاسة ماء
نقطتين ليمون
بنتركهم 10 دقايق اولحتى يجمد
بتمنى وصفتي تكون عجبتكم
وعلى فكرة هاي اول مرة بنزل صور بموضوعي
دمتم بود وكل عام وانته بخير

www.lakii.com/img/all/Nov09/C4iFoU11070305

هاي كمان صورة البسبوسة لما قطعتها معلش الصور كبار

منوووره حبيبة قلبي
وأكيده التطبيق طالع رووعه
مادامه للعسل سوسوو
وانا من محبي الابتكار دوما حتى لو بتطبقي
يعني حلو يكون الك لمسه في الوصفه

المشكله عندي الصوره مو مبينه ..
هو جهازي فيه مشاكل بس مش عارفه الصوره مبينه عندك ولا لئه

ويعطيك الف عافيه حبيبة قلبي

اسفة بنات بس عنجد مش عارفة ليش مش راضي يزبط معي مركز التحميل

اهلين حبيبتي ام المجد عنجد نست تعبي بس شفت ردك
صرلي ساعة بحاول انزل الصور من مركز التحميل ومش راضي مش عارفة وين المشكلة
عنجد انبسطت كتير انك دخلتي موضوعي وانا من زمان متابعة مواضيعك الحلوة والك معزة خاصة عندي خصوصا انه اسم ابنك على اسمي

حبيبة قلبي لا تزعلي ولا تهتمي
انا قعدت فتره منيحه لحد ما عرفت شغلة تنزيل الصور

اسم ابني على اسمك صدفه بتجنن عنجد
انا صاحبتي القريبه على قلبي كان اسمها مجد .. وجوزي كتير كان حابب الاسم
فرزقنا ربي بمجد .. حبيب قلبي ماشاءالله عليه
شفتي اديه اسم مجد حلو << بس اكيد عارفه لانه اسمك يا عسل

يا قمر انت من اي مركز تحميل عم بتحملي
من المنتدى او من مركز خارجي

يسلمو ايديكِ
بس بدنا نشوووف الصور

تسلمي ام المجد انتي العسل والله وانشاالله بتشوفي مجد شب والله يخليلك اياه يارب وتجيبيله اخ
على فكرة انا مرة شفت بيتك لما نزلتي بقسم الديكور كتير شيك وزوق مش غريبة عليكي وانشاالله تتهني فيه يارب
ام المجد انا حملت من مركز التحميل اللي من المنتدى وبحاول اجرب مركز تحميل تاني انشاالله يزبط

تسلميلي حبيبة قلبي على دعوتك الحلوه
كلك زوووووووووووووووووء يا قمر

خلص حبيبتي وانا عم استنى اشوفه بزبط معك او لا

آآآها زبطت معك .. ماشاءالله عليكي
انا هلا ما عندي ولا برنامج في جهازي لانه فيه كم مشكله
كان صغرتلك حجم الصوره حبيبتي
بس عنجد تسلملي الايااااادي يا قمر
هلا بضيفلك الصوره لأول رد

تسلمي ام المجد انا عن جد كان نفسي من زمان اتعرف عليكي
ما شاء الله كتير اكلك شيك وزاكي
ام المجد انتي من الاردن ولا من فلسطين