تورتي بالمارشيملومشاركتي لموضوع التورتات ؟؟؟؟؟؟؟؟
السلام عليكم ورحمة الله وبركاته
كل عام وانتم بالف خير
انا معنديش مواضيع فى ركن الحلويات وياريت موضوعي ده يعجبكم انا قريت موضوع التورتات وعجبني جدا وبعدها عملت تورتة كان عيد ميلادي عدى هو والله ماهو نوع من الاحتفال بس هو تغييير وخصوصا اللي في الغربه محتاج اي حاجه تتطلعه من اللي فيه ربنا يهون علينا جميعا ويارب تعجبكم طبعا انا افى التورته دى استعنت بموضوع الغاليه ام المجد وماشاء الله عليها موضوع اكتر من رائع وبردة انا كنت دايما بعمل الكيكه الاسفنجيه وبتبقا هايله معايا بس المرة دى جربت كيكة الأخت زينب محمد وما شاء الله عليها وموفره جدا في البيض وحلوة للي مش بيحبوا طعم البيض ويارب تعجبكم
بس للأمانه اللي عاملها معايا جوزى وهو صاحب اللمسات الفنيه في المارشملو هو اللي فرده وعمل القلوب والأشكال انا عملت الكيك والحشو وهو عمل الديكوريشن
انا الأول عملت الكيك وعملت 3 كيكات بمقاسات مختلفه وحشيتهم فاكهه وغطيتهم بكريمة الذبدة انا بردة عملتها وبعدين غلفناها بعجينه الفوندان اللي عاملانها من المارشيملو
واخدنا جزء من العجينه ولوناه 3 الوان احمر واخضر وازرق كله بالوان طعام وابتدى يشتغل ويتفنن بس ماشاء الله التورتة لاقت استحسان رهيب من اصحابنا اللي اكلوها معانا ودى كان اول مرة اعمل كيكة فوندان بس عملت تورتات كتيييييييييير بالكريمة والشيكولاته
وكنت عامله معاه تشيز كيك عاى طريقة الأخت الباجوري وكان اكتر من رائع واترككم مع الصور
ده المارشيملو دخلته الميكروويف لمدة 30ثانيه وطلعته كان ده شكله
قلبته ورجعته تانى
ودة السكر البودرة الكيس 500جم انا استخدمت كيس ونص
ودة شكلها وهى بتتعجن
وبعدا مابقت ما اتعجنت وبقت ناعمة قسمت منها بس للأسف الشغل مع التصوير حاجه صعبه ففي صور كتير ماتصورتش المهم بصراحه الشغل بالمارشيملو رائع وسهل بس هو عايز ترتيب ان الكيكه تبقى قبل بيوم والحشو وكريمة الذبدة زى ماام المجد قالت بالظبط
ودى التورتة والتشيز كيك
ودة شكل التشيز كيك وانشاء الله انزله لحاله فى موضوع
يارب يكون الموضوع عجبكم
وياريت تدعولي بالذريه الصالحه انا وزوجى ويؤلف بين قلوبنا اللهم اميييييييييييييين
احب اشكر الغاليه
ام المجد
الغاليه زينب محمد
لأنهن ماشاء الله قالوا وصفاتهم باخلاص ولو فيه اي استفسار عن اي حاجه انا تحت امركم
رد مع الاستدلال
كتبت بواسطة أم مــــالــــك
الروابط المفضلة