~حلى أحلى برنسيسه
المقادير:
ملاحظه}
لنتائج افضل يستحسن يكون عندك الأواني الزجاجيه مثل اللي استخدمتها ، في حال ماتوفر لك ممكن تستخدمين أواني الشموع اللي تجيك صغيره ، حلاتها بصغر حجمها ، لاتغركم مبين بالصوره كبيره بينما هي عكس ذلك , حجمها مطابق تقريباً لقطر حبة الأوريو
الكميه تكفي 12 آنيه لـ 12 شخص .
كيك شوكولاته ( استخدمت نصف كيكة امريكانا ) ( ممكن تستخدمين بيتي كروكر , sara lee ( سارا لي )
12 حبة بسكوت بالسمسم ( اولكر)
( كيس أوريو واحد) أبو 6 حبات منزوع الكريمه ( يعني بيطلع معنا 12 شرحه)
حليب للتغميس
مقادير صوص الشوكولاته :
علبة قشطة.
4 اصابع تويكس
1 شكولاته فليك
ظرف بودرة كريم كراميل
2 حبه بسكوت اوريو ( منزوع الكريمه يعني 4 شرحات )
للزينه :
شوكولاته مره
الطريقه}
نقطع الكيك قطع عشوائيه ونرصها أسفل كل وعاء
نضغطها بالاصبع ( عاد مو تفعصينها لين تموت , بالراحه ياقلبي )
نغمس بسكوت السمسم بالحليب ونضعه فوق الكيك ( بعد مو تخلينه يسبح على كيفه ؟؟ بسكويت السمسم بسرعه يتفتت بس ذوقيه الحليب .. غمسه وحده ونزليه بسرعه )
ايضاً نغمس بسكوت الأوريو ونرصه فوق بسكوت السمسم
نخلط مقاديرصوص الشوكولاته بالخلاط الى ان يتجانس .
ياكتاكيت عارفين كلنا أن التويكس يابس , فـأفضل طريقه أنك أول ماتبدين بالتحضير تخلطينه , وكل شوي دز دز دز ( مسموح التعذيب هنا ) ..
وأحرصي أن المكونات تكون على درجة حرارة الغرفه عشان لا تتعبين بالخلط ..
نصب الخليط فوق كل اناء حتى نغمره
نزينه ببشر شوكولاته مره أو اي نوع شوكولاته ، بس يستحسن تكون مره عشان تعدل النكهه ، وتعطي شكل أحلى .
و يقدم
وصحتين وعافيه على قلووبكم
رد مع الاستدلال
الروابط المفضلة