بسم الله الرحمن الرحيم

وكل عام وانتو بألف خير
وعساكم من عواده

اليوم حبيت انزللكم طريقه عمل كعك ومعمول على طريقه امي الله يحفظها

بس فعلا يستحق التجربه

طري ولذيذ الطعم

اول شي المقادير

3كيلو سميد(ناعم الفرخه)
4كاسات سمنه
ممكن تحطي وحده منهم سمنه بلديه حسب رغبتك يعني 3 كاسات سمنه عاديه وحده سمنه بلديه او كلهم سمنه عاديه ما في مشكله
1كاسه زيت (ممكن زيت ذره ويفضل لو زيت سمسم )
1كاسه سكر
ملعقه كبيره محلب مطحون طبعا
ملعقه كبيره يانسون مطحون
ملعقه كبيره بكنج باودر
ملعقه كبيره خميره
4كاسات ماء دافئ جدا
وانا بحط ملعقه كبيره بهار سمنه وهذه حسب الرغبه لكن بتعطي طعم لزيز

الحشو

تمر
فستق حلبي
جوز

حسب الرغبه

الطريقه

اول اشي بدنا نسخن السمنه مع الزيت

اما ازا حطينا زيت سمسم لازم السمنه تسخن كتير واختبارها بقطعه خبز حتى تحمر

يعني
بنحط 4 كاسات سمنه مع كاسه الزيت بطنجره على الغاز وبنخليهم بس يتجانسو وويوصلو لدرجه انهم يسخنو بس
ازا حطينا كاسه الزيت زيت ذره
اما ازا حطينا كاسه الزيت زيت سمسم لا لازم توصل لدرجه حراره اعلى (لازم يقدح)
وبتم اختباره نضع قطعه خبز صغيره في طنجره السمن ولما تحمر تماما نكون وصلنا لدرجه الحراره المطلوبه

تاني اشي

نضع كميه السميد في وعاء ونضيف له السكر+المحلب+ اليانسون وبهار السمنه

وبنضيف السمنه بس طبعا لازم تكون حرارته مقبوله لليد

وبنخلطهم جيدا مع السميد وبنغطي
وبخلي السميد يرتاح تقريبا 24 ساعه

تاني يوم بنفس الموعد يلي خلطنا في السميد
بنضيفله الخميره والبكنج باودر والماء

لكن الماء ما بنضيفه مره وحده لاء

بنضيفه شوي شوي وما ننسى الماء دافئ

حتى السميد يمتصه على مهله وتفتح حبته

يعني بنضيف كاستين اول شي وبنعجن السميد
وبتركه وبنرجع بعد حوالي نص ساعه بنعجنه وبنضيف كاسه

وهكذا

وطبعا بتتكون عنا عجين ناعمه متماسكه

بنبلش شغل فيها بنشكلها وبنحشيها وبنقشها او بنحطها بالقوالب حسب رغبتك

وبنصفها بالصةاني وبنتركها ترتاح بمكان دافئ او بدرجه حراره الغرفه

بس بالشتا او بالمكان البارد
لازم ندفيها بوضع صوبا جمبها وبتحتاج وقت لترتاح قبل الخبز اكتر

يعني انا عاده بفصل الشتا بتركها بمكان دافي حوالي 20/24 ساعه قبل ما اخبزها
اما في الصيف والايام الحاره
تقريبا 5/6 ساعات كافيه

نحتاج انو نحمر الفرن لدرجه عاليه

قبل ما نبلش نخبز
يعني ما نحط الصينيه والفرن بارد

ونبلش نخبز فيهم

واف صحه وهنا على قلوبكم
انا بالخدمه لاي سؤال او استفسار

وان شالله تجربوها وتعجبكم

وهي الصوره النهائيه للكعكات

بانتظار ردودكم على احر من الجمر

مممممم غادة
يسلموا هالايدين شو هالكعك اللي بشهي
صحة على قلوبكم يارب

ماشاءا لله شكلن كتييييييييييييييييييير طيبين يميمييميم
الله يعطيكي العافية حبيبتي وكل سنة وانتي سالمة والله يحفظلك الوالدة

ماشاءالله تسلم ايدك حبيبتى
شكله رائع جدا وشهى
تسلم الايادى

فعلا شكله رائع جداااا
وباين عليه لذيذ
الله يعطيكى الصحه والعافيه
تسلم الايادى
وكل عام وانتى بالف خير

تسلم ايديكي والف هنا وكل عام وانت بخير

ماشاءالله بيشهي شكله يعطيكي العافيه غددوه

تسلم ايديكي يا غاده
عن جد شكلهم مرتب وبيشهي وغير شكل
يعطيك العافيه

ايممممممممممممممممم
لا تعليق