بصى يا جمانه انا زى ما قلتلك امبارح استخدمت البقره الحلوب و هو سمن بقرى زى الفيرن و المراعى ملاحظاتى ماتدهنيش الصينيه خالص و مش هاتلزق
سخنى الفرن قبل ما تدخلى الصينيه ب 10 دقايق كما نصحتنى برنسيس عشان ماتلحقش تفرش
12 دقيقه و تطلعيها يكون يادوب ظهرها لونه غير و هى لونها ابيض زى ما هى و بتكون طريه زى ما تكون نيه بس اما تبرد بتتماسك
لو زودتى عليها فى الفرن الدقيق بيحمص و بيبقى ريحته شايطه فمتزوديش عن 12 دقيقه
ممكن ماتحطيش فسدق و ممكن بداله تغرزى فيها قرنفل اللى هو اسمه فى الخليج مسمار و ممكن ملبس مفضضاللى زى الكور الصغيره زى الخرز
انا دايما اما بجرب بجرب كميه صغيره فعملت نص كوب سمن من الثلاجه و ضربته كويس و بعد كده اضفت ربع كوب سكر بودر و ضربت بالمضرب لحد ما بقى زى الكريمه و بعد كده زودت كوب دقيق واحد ما اخدش الموضوع نص ساعه و عمل لى صينيه مستطيله كبيره لو ظبطتيها ممكن تعملى تانى بدل ما تهدرى سمن على الفاضى و طمنينى هاتعجبك قوى

ان شاء الله
اشكرك
بارك الله فيكى وبالهنا والشفا

ه

واااااااااااااااو مروه شكلها خطير
تسلم الايادى
وكويس انك قولتى ملاحظه الزيت
وفى ملحوظه كمان لازم الفرن يكون حامى جدا
بس هو صحيح مقاديرى مختلفه ن شخبوطه
فى الدقيق وملهاش دعوه بنوعية الدقيق
بس بتكون ازواق انا حباها كده
وشخبوطه حباها كده
ولازم السمنه تكون بلدى
وتستخدميها ساءعه من التلاجه
وبعد ما تعملى العجينه حطيها تانى فى التلاجه نص ساعه
علشان ماتفرشى منك
ما هو كل ده عوامل بتخلها تفرش
وتانى مره تسلم ايدك وايد شخبوطه وايدى يالا

ايوه يا برينسيس انا استخدمتها ساقعه بس طبعا دفت من المضرب عشان كده احتاجت معايا دقيق زياده عن طريقتك انا راح من بالى انى احطها فى التلاجه شويه كانت هاتتماسك من غير ما ازود دقيق اجرب تانى احنا خسرانين حاجه تسلم ايديكى يا قمر كفايه تعبتك معايا

ما شاء الله تسلم ايديك

تسلم ايدك يا مروة شكلها تحفه بجد

شكلها حلو تسلم ايدك

تطبيقك روووووووووووووووعه يعطيكي العافيه

شكرا يا بنات انصحكم تجربوها