✿*موضوع متميز*✿ هالوموا يا نواعم والحلقه التانيه لحلويات العيد وصلتتتتتتتت
يا 100 اهلا وسهلا معايا فى الحلقه التانيه
انهارده حلقتنا خفيفه
والتقيل كله ورا
مع العلم انا زودتلكم التارتات الصغيره
حنتكلم انهارده
الغريبه
الغريبه ده حدوته ولكل شيخ طريقته
وانا طريقتى اللى انا معتمداها من امى الله يرحمها
ان الغريبه تدوب ومايكونش فى مجال للقرقشه
المكونات
مقدارك من االسكر
ضعفه سمنه
3 اضعاف دقيق
يعنى لو استخدم
3كوب دقيق
2 كوب سمنه من التلاجه
1 كوب سكر بودره
الطريقه
سر الغريبه فى خفق السمنه مع السكر جيدا حتى يعطى الملمس الكريمى
واضيف الدقيق واخلطه بيدى جيدا
ولو العجينه مشعارفه تمسكيها حطيها فى التلاجه 1/2 ساعه
او عفرى ايدك بالدقيق
واعملى الكور ودقه صغيره بصبعك فى النص
ويدخل الفرن على 170 لمده عشرة دقائق
ثانيا بسكوت بالبندق خطير يجنن ويهوس
المكونات
2 كوب دقيق
1كوب زبده
1/2 كوب سكر بودره
1/4 كيلو بندق محمص ومفروم
م ص قرفه
1/2 م ص جوزه الطيب
بياض 2 بيضه
الطريقه
البودره كلها على بعض
واعمل حفره والسوايل على بعض واخلط السوايل الاول بايدى واقلبهم مع النواشف واسيب العجينه ترتاح 1/4 ساعه
وافرد العجينه بالنشابه واقطعها اى شكل انا عايزاه
دوائر قلوب نجوم وادخلها الفرن على 180
نواعمى الغريبه اللى مصوراها مع البسكوت
ده كانت مقادير تانيه
لكن اللى مصوراها لوحدها هى ده المقادير اللى نزلتها
وهى ده المعتمده عندنا
لكن مش عارفه اللى هفنى فى عقلى وحبيت اجدد وفى الغريبه دماغى ناشفه
رد مع الاستدلال
كتبت بواسطة مروة ابراهيم
الروابط المفضلة