7 ايام فاتوا من رمضان
وباقى الشهر بكره يكر
وكل رمضان وانتوا بخير

كماله لملف اللبن حبيت اقدملكم طريقة
الرز باللبن والمكرونه باللبن
والحمدلله مميزه دايما فيه

حبدأ بالمكرونه باللبن

مكوناتى
2 لتر لبن
نصف كيس مكرونه شعريه مسلوقه
2 م ك نشا
سكر
فانيليا
2 م ك سمنه
رشة جوز هند

الطريقه

بضع المكرونه على اللبن بعد غليه واظبط السكر مع الفانيليا والسمنه وتكمل المكرونه سواها وتنفش شويه وامسكها بالنشا المذاب فى قليل من الماء ولما تتمسك قليلا اضعها فى صينيه وارش عليها جوز الهند وادخلها الفرن
وشها يلون وبالف هنا

ثانيا
الارز باللبن

2 لتر لبن مغلى ساخن
نصف كوب رز مغسول ومسلوق
سكر

الطريقه

بعد ما اسلق الرز اصفى مايته واضعه فوق اللبن واظبط السكر واخليه على نار هاديه بعد الغليان
مع التقليب
الرز حينفش ولما احس ان الللبن تقل شويه
افرغه فى كاسات واتركها تبرد وبالف هنا

تسلم ايديكي روووووووووعه
اموت انا في تجار الميه البيضا هههههههههههه

واخدت الوصفتين مع بعض طلعو من حظى ونصيبى
تسلم الايادى شكلهم حلو اوى

كتبت بواسطة جنى اسامه نصر

تسلم ايديكي روووووووووعه
اموت انا في تجار الميه البيضا هههههههههههه

تسلميلى ام جنى
مايه مافى الذ منها

تجننى يا قمرايه تسلمى يارب من كل سوء وكل عام وانت بخير

تسلم ايديكى
بس جديدة المكرونه دى
وسهله
وزقزقت فى دماغى
مع انى عامله خطه للحلويات
ربنا يسهل...نضيفها للخطه
بس عارفه انا مرة شفت فى التليفزيون صنف كدة بالمكرونه برضه ...هو حلوى مشهورة ومعروفه
بس الزهايمر بقى انتى عارفه
المكرونه بتضرب فى الخلط مع اللبن وعملتها وكانت تحفه ومفيش حد عرف انها بالمكرونه
هى دى كدة برضه؟؟؟؟

تسلم ايدك يا قمر

بسم الله ما شاء الله
رائعه يا برنسيسه فى كل ما تقدميه
تسلم اديكى و عنيكى و تتحرم على النار
ربنا يباركلك يا غاليه و يعطيكى الصحه و العافيه

بسم الله ماشاءالله عليكى
وتسلم الايادى الجميلة
ومشكورة على الوصفتين الحلوين
والف هنا وعافية على قلوبكم يارب