اهلا بيكى يا قمر متزعليش حبيبتى زى ماقالتلك الغاليه ام المجد
كلنا مشغولين فى المطبخ ورمضان كل عام وانت بخير
والغاليه ام المجد جزاها خير افادتك بمعلوماتها واليكى معلوماتى انا ايضا
الشراب الثقيل والشراب الخفيف فيما يستخدم كل منهما؟؟؟
حبيبتى مسأله الخفيف والثقيل بتكون حسب الذوق الشخصى
فى ناس بتحب الحلوى غرقانه فى الشراب الثقيل وفى ناس وانا منهم افضل الخفيف
اللى يادوب بيسكر الحلوى لكن مش لازم تبقى غرقانه فيه
متى يستخدم الشراب بارد ومتى يستخدم ساخن؟؟؟
الموضوع بالتناسب يعنى لو الحلى سخن ضعى الشراب البارد ولو الحلى بارد ضعى السخن وده كقاعده عامه
لكن فى ناس بتحب الحلى مثلا مقرمش زى الكنافه
ودى الافضل تبقى ساخنه والشيره ساخنه ايضا فهمتى قصدى
[quote]والسؤال الاهم كيف اعرف انه عقد او نضج والمفروض اقفل عليه النار؟؟؟؟؟[/
QUOTE]
شوفى حبيبتى
انا بضع السكر ضعف كميه الماء واتركهم عالنار وأول ما يبدأ يغلى اتركه عشر دقائق واقفل عليه واضع الفانيليا وقطرات الليمون ودى الشيره الخفيفه اللى انا بفضلها
اما الثقيله والمعقوده زى ما بنسميها يبقى اول ما يغلى الخليط وطى النار عليه واتركيه تلت ساعه
وخدى قطره منه على طرف الملعقه وحاسبى على ايدك لانها سخنه وبطرف اصبعك المسى الشيره وبالسبابه والابهام لو حستيها تقيله فى ايدك وبتلزق يبقى اتعقد
وهل الخفيف بيكون مقدار السكر نصف مقدار الماء والثقيل بيكون المقداران متساويان؟؟؟؟؟؟
لا ياغاليه الخفيف والثقيل بيكون فى القوام وليس التسكير
زى ما قلتلك سواء للخفيف او الثقيل السكر لازم يكون ضعف الماء الا لو فيه افراد فى عائلتك بيحبوه سكر كتير فزودى شويه انما ده مالوش علاقه بالخفيف والثقيل زى ماقلتلك الموضوع ده فى القوام فقط
وفى معلومه كمان هناك حلويات بيدخل فيها اصلا سكر زى البسبوسه كده فيفضل فى الشيره بتاعتها السكر ميكونش ضعف الماء انما الاتنين زى بعض علشان متكونش مسكره زياده عن اللزوم
واتفضلى الرابط ده فيه مقادير المهلبيه للحشو وكمان البسبوسه وحتلاقينى كاتبه ملحوظه الشيره
http://www.lakii.com/vb/showthread.php?t=587495
وكل عام وانت بالف خير ومره اخرى متزعليش مننا
رد مع الاستدلال
اعذروني لغيابي 
*
*
[
.
كتبت بواسطة um almajd
؟؟
الروابط المفضلة