السلام عليكم ورحمة الله وبركاته
ان شالله كلكم بالف خير

عصير المشمش الطبيعي المثلج

طبعا نزلت طريقته المبدعات قبلي حبيبتي ام شادي والغاليه زينب
مشمش انصاف وسكر على النار حتى السواء
بردته واخدت منه لكل الوصفات الجايه
والعصير ضربته مع تلج وسكر

ايس كريم المشمش الرائع

طبعا اللي بيحب مزازة طعم المشمش هيعرف وهيتخيل الايس كريم منه رهيب والله
قلت لاختي عليه قالتلي هو ده اللي زوجها عاوزه
الطريقه من النت وواضح انها لمنال العالم

ك حليب
ك سكر
ك فاكهة الموسم
2 صفار
2 م نشا
2 عصير لمون

تغلي الفاكهه مع السكر نص ك
والحليب مع السكر يغلي ثم النشا مذوبه بقليل ماء
يبرد الخليطان ويضاف الصفار ويخلطوا ويبرد تلاجه لليوم التاني
ويكون مصفى
ثم بالماكينه ينعم ويتماسك
انا فرزته وكل س خلاط كررتها 3 او 4 مرات تدي احلى ايس كريم ناعم ومتماسك ولذيذ

ميلك تشيك المشمش المنعش
اتبقى من الايس كريم شويه فضربته بالخلاط مع تلج وسكر
وممكن شانتيه كمان وعسل

طبعا خليط الكيك شكله روووعه وبيلمع كدا يتاكل كدا من غير فرن

شفتوا نفخ ازاي من الفرن وعلي وصفه رهيبه لمحبي التمازج بين الفاكها والشوكولا

بودنج المشمش بالشوكولا

الوصفه من نايجيلا
جربتها اول مره بالخوخ كمان حلوه
وهي اساسا بالكمثرى
ترص علبتين كمبوت كمثرى في صينيه مستطيله 23 سم مدهونه
وخليط الكيك بالفود بروسيسور
125 دقيق
125 سكر
25 كاكاو
م ص بيكنج
ربع م ص كربناتو
150 زبده طريه
2 م ص فانيليا
2 بيضه
وخلط يكون خليط سميك عن الكيك العادي ولو خففناه يبقى كيكة شوكولاته عاديه
ثم تفرد على وجه الفاكهه وفرن 220 لمدة 25 الى 30 ق
تصبح كيك شوكولا كثيف لزج اشبه بالكريمه عنه كيك

اول مره عملته طلعت كيكه عديه عالوجه لكن تاني مره مع المشمش لو لاحظتوا زي بودنج كريمة شوكولا لذيذه يامي عالوجه وتحت المشمش روووووووعه

جنى اول ما شافتها طالعه من الفرن جابت طبقها وكيكه وااااااااااااااو دي جميله
بجد جربوها هتحبوها وولادكوا هيطلبوها
على فكره دي نص المقادير
ويارب تعجبكم وصفاتي ومشاركتي لموضوع الغاليه ام نور
بجد كان نفسي ابقى معاكم اكتر من كدا لكن للاسف مطلوب مني الراحه شويه بس بجد تسلم ايدين كل حد بيعمل من قلبه وصفه شهيه لاحبابه
وان شالله انزل مشاركاتي بمواضيعكم الجذابه لما النت يظبط وكمان اقدر باذن الله بس ما تقلقوش الصور مليانه والافكار كتييييييير
لا تنسونا من دعائكم ليا ولاسرتي
ونشكركم على حسن استماعكم ههههه ونرجو ان نكون اسعدناكم او كنا خفاف عليكم

رااااااائع جدا وتسلم ايديكى فعلا على المجهود الرائع

تسلم اديك علئ الوصفه الحلوه

ماشاء الله علبكى با ام جنى وصفات تجنن وتفت النفس
ماشاء الله
كله جمبل من ابدك تسلمى بارب عالمشاركه الرائعه دى وبارب تقومى بالف سلامه

يسلمووو الاياادي

تسلمين ياحبيبتي ياام نور ما شاء الله روووووووعه

ماشاءالله ماشاءالله
رااائعه يا قمر
تسلملي هالاياااادي يا غاليه

تسلم ايدك حبيبتى رووووووووووووووووووعه
ما شاء الله كل صنف اجمل من الاخر
ربنا يباركلك فى صحتك و بنوتك و يقومك بالسلامه