السلام عليكم ورحمة الله وبركاتة اخواتي الاعزاء ادام الله لكم الصحة والعافية اتمني ان تفيدوني لقد اشتريت بالامس كريما الخفق السائلة ولكنني لم اجد عليها طريقة التجهيز ومقدار السكر الدي يضاف لكل كوب فارجو المساعدة اليوم لو امكن

حبوبة كيف حالك استاحشانك والله
قوليلي حصلتيها هني الكريمة سائلة اندور فيها قداش ليا قبل جابها المهاري وتوة معاش حصلتها
راه طريقتها ساهلة اني نحطها في الثلاجة ونخليها تبرد بعدين نضربها بخلاط الكيكة ونزيدها سكر مرحي اول ما تنتفخ وتقدري تحطي لكل طاسة كريمة كاشيكين سكر مرحي وانتي وذوقك لاني منحبش الحلو هلبة ،، وهي ورينا شن بديري بيها اني خاطري ندير ايسكريم وان شا ءالله نحصلها عن قريب
عطيك الصحة يا روحي

سلمها لولو ياربي لقيتك كاتبه في الهدرزه معاش لحقت عليك ههههههههههههههههههه المهم ربي يحفظك وسلمها اللي تجاوب

هيا هيا فرجانيه وريني شن بديري بيها هههههههههه وراك تنسي حصتي

يعطيكم العافيه صبايا

حبيبتي سهله كتير .. بس اخفقي لحد ما تحصلي على الكثافة المطلوبة
بعدين فيه أنواع بتكون أصلا حلوه ما بتحتاج لسكر .. وأنواع انت بتضيفي السكر
على حسب الرغبه الشخصيه .. سهله وان شاءا لله نلاقي وصفاتك فيها منوره يا قمر

ياماما الاء الكريمة السائلة متوفرة هلبة في طرابلس بالنسبة ليا انا ناخد فيها من سوبر ماركت بجنبنا اسمة سوق الاء في السياحية مقابل ماركس و سبنسر ونستنا في الايسكريم امتعك باش ناخد حصتي

الله اللة علي روح المساعدة