✿*وصفة متميزة*✿المبروشة ((حلوى من المطبخ الفلسطيني))
السلام عليكم أخواتي ... كيف حالكو انشاءالله بتكونو بأحسن حال
من زمان ما شاركت بالمنتدى لكن من كل فترة و فترة بتفرج على المواضيع الجديدة ,, المنتدى دسم كتير ههههه فيه مواضيع حلوة كتير
حبيت اليوم أقدملكم طريقة المبروشة و هي حلو فلسطيني انشاءالله تعجبكم
يلا نبدأ
المقادير :
3 كاسات طحين ( دقيق)
3 معالق صغيرة باكينغ باودر
2 بيضة
ملعقتين صغار فانيلا
1 كوب زيت ذرة أو زبدة
ثلاثة ارباع كوب سكر مطحون
فنجان حليب سائل
مربى أي نوع (الفراولة أو المشمش أزكى اشي)
الطريقة:
نخفق السكر + الزيت حتى يتجانس
ثم نضيف البيض + الفانيلا + الباكينج باودر
ونستمر بالخفق ثم نضيف الطحين تدريجيا
والحليب حتى تنتهي كمية الطحين
وتصبح عجينة لينة
نقسم العجينة قسمين متساويين
نفرد القسم الاول في صينية متوسطة الحجم
ثم نضع طبقة من المربى حسب الرغبة
نقوم ببشر القسم الاخر من العجينة بواسطة المبشرة ( و أنا هون ما بشرت العجينة لكن عملتها متل الحبال و حطيتها على الوجه متل الشبكة و بشرت شوي كمان )
توضع في الفرن حتى يصبح لونها ذهبيا
وهي الطبق جاهز اتفضلوا :
و هي صورة أقرب
وصحتين و عافية على قلب كل اخت شافت الموضوع
أختكم سهورة
رد مع الاستدلال
الروابط المفضلة