السلام عليكم ورحمة الله وبركاتة



ازيكم ياحلوين النهاردة انا جبت وصفة كيكة اسفنجية بصراحة انا جبتها

من(ريحانة عطرة)
(فراشة الربيع)

والمفروض ان الكيكة دى تطلع

والمفروض ان الكيكة تتطلع عالية بس انا بصراحة مطلعتش معايا عالية

مع انى اتبعت نفس الخطوات بالظبط وماشاء الله هيا كانت مطلعاها عالية جدا

وروعةةةةةةةةةةةة

انا عملت المقدار مرتين يعنى عملت الكيكة مرتين هيا طلعت اسفنجية وحلوة جدا

بس مش عالية يمكن تطلع معاكم انتم احلى منى انا هكتب مقادير كيكة واحدة

يلا نبداااااااااااااااا

7 بيضات نفصل البياض لوحدة والصفار لوحدة

معلقة صغيرة لمون

معلقة الاربع فانيليا

كوب ونص دقيق

كوب ونصف سكر بودرة

معلقة صغيرة باكينك بودر

تلت كوب ماء بارد



**اضرب الصفار لحد مايتقل ويكون غليظ واضيف السكر شوى بشوى واضيف المار فى الاخر

على حسب التقل مش لازم احط كل الماء على حسب تقل العجينة



وهنا عند اضافة السكر والفانيليا



ودة الشكل النهائى بعد الخلط




***حجم الخليط بيكون 10 اضعاف الحجم اللى كان علية الصفار

***يغسل المضرب جيدا ويخفف

***نبدا نحط الدقيق شوى شوى طبعا بيكون علية الباكينك بودر

***يقلب العجين بمعلقة خشب فى اتجاة واحد اللى هو اتجاة الخفق بتاع المضرب





***لو لاخظنا ان القوام تقل قوووى ممكن نسيب شوى من الدقيق ونضعهم

واحنا بنحط البياض فى الاخر يعنى بس ميكونش الباقى كتير 4 او 5 معالق دقيق بالكتير

***نخفق البياض كويس قووووى

***وبعد خفقة جيد نضع معلقة اللمون فى الاخر

***ملحوظة (متحطوش اللمون فى الاول مع البياض لانة لو اتحط البياض مش هيطلع رغوة )

***ملحوظة منضربش البياض فى الاول عشان بعد شوى الرغوة بتكون بقت زى المياة

ومبترجعش تانى حتى لو ضربناها ساعة

***يفضل ضرب البياض وقت الاستخدام


نبدا نحط البياض على الخليط السابق شوى شوى ونقلب






وهنا بدات احط شوى من الدقيق اللى انا بقيتة فوق مع البياض





ودة بيكون شكل الخليط

بنجهز صينية ندهنها بالزبدة ونرش عليها الدقيق



ونضع الخليط فى الصينية



وندخلها الفرن

***لازم ندخلها الفرن بالراحة جدا

***نقفل باب الفرن بالراحة جدا علشان الهوا ميطلش وتهبط

***انا كنت موطية عليها جدا علشان متتلسعش من تحت

ودة شكلها بعد مطلعت (طبعا دول التورتين )لانى عملت كعكتين



زينت الطبقة الاولى

اولا شربتها بماء الكمبوت الاناناس اللى كان عندى

ووضعيت عليها الكريم شانتى (دريم ويب)

ووضعت عليها الفواكة من فوق



نضع الطبقة التانية



ونضع الكريم شانتى كامل



ودة شكل التزيين بتاعها





هة اية رايكم ؟؟

اتمنى الدعاء لوالدى بالرحمة

ولى بالذرية الصالحةوالحمل الثابت العافى المعافى

ماشاء الله حبيبتي حلوه اتورته من ايديك يسلمووووووووووووووووووو يا عسوله

تسلمى يالغالية على مرورك

ماشاء الله جميلة تسلم ايديك يارب يرزقك بالذرية لصالحة السليمة المعافاه من كل سوء البارة
ويرحم والدك ويرزقه الفردوس الاعلى وموتانا وموتا المسلمين

ماشاء الله تسلم الايااااااااادي ياقمر

تسلم الايادي
أحلى من الجاهز ما شاء الله

تسلم ايدك حبيبتى رووووووووووووووووووووعه
تورته شهيه ما شاء الله

ما شاء الله تبارك الرحمن
تسلم ايدك يا غاليه
ابدعتي بصراحه ما شاء الله عليكي
اللهم ارحم والدك وجميع المسلمين
ويرزقك الذريه الصالها يارب

انا جربتها وما طلعت عالية معي ههههههههههههههههههههه