✿* حلى متميز*✿ تورتة بالشيكولاتة إنما إيه...ومن مطبخي بالصور خطوة خطوة
السلام عليكم ورحمة الله وبركاته
تنبيه هام:بصراحة أنا في تزيين التورتات أو في التزيين عموما مستوايا وحش جدا
علشان بس ما تستغربوش لما تشوفوا التورتة
أنا كده بأة عملت اللي علية وقلتلكم
بس أهم حاجة في التورتة طعمها...بجد كان طعمها تحفة وان شاء الله لما هتجربوها بنفسكم هتدعوا لي
أولا ده صورة التورتة
وده لما قطعتها
ندخل بأة في المقادير:
مقادير الكيكة:
4بيض كبير
1كوب سكر
ثلاث أرباع كوب زيت
فانيليا
نصف كوب حليب
2 كوب دقيق
4 معلقة صغيرة بيكنج بودر
1 معلقة كبيرة دقيق
1 معلقة كبيرة كاكاو
نيجي للطريقة:
أول حاجة هنحط البيض والفانيليا والسكر مع بعض ونخفق في الأول على السرعة الأولى لحد ما يتخلطوا مع بعض وبعدين نعلي السرعة
وده شكلهم بعد الخفق
نضيف الزيت تدريجيا
ثم نضيف الحليب تدريجيا
ثم نضيف خليط الدقيق والبيكنج بودر تدريجيا
بعد ما خلصنا خفق...هنقسم الخليط قسمين
نصف نحط عليه معلقة الدقيق ونخفقهم
ونصف نحط عليه معلقة الكاكاو ونخفقهم
ده الخليط اللي أضفنا له معلقة دقيق
بعد ما صبيناه في صينية مدهونة زيت
وده خليط الكاكاو
نصبهم في صينيتين مدهونين زيت في فرن مسخن مسبقا على درجة حرارة 180
ونتركها لمدة نصف ساعة
وده شكلها بعد ما طلعت من الفرن
نبدأ بأة في عمل الكريمة:
ناخد 2 باكو كريم شانتيه ونعملهم على حسب الطريقة اللي مكتوبة على الباكيت
ناخد الكيكة البيضاء وندهنها بالكريم شانتيه
ونحط فوقها الكيكة البني
ونغلف الكيكة كلها بالكربم شانتيه وندخلها التلاجة شويه كده لحد ما نعمل التغطيه
مقادير التغطيه:
2 كوب شوكولاتة مبشورة
كوب كريمة
الطريقة الصحيحة :
نضع الكريمة على النار لحد ما تغلي وبعدين نضيفها للشوكولاتة المبشورة ونقلب لحد ما الشوكولاته تسيح ونتركها تبرد
بس أنا هنا حطيت الشوكولاتة والكريمة مع بعض على حمام مائي لحد ما الشوكولاتة دابت
انتوا استخدموا الطريقة الأسهل بالنسبة ليكم
نطلع الكيكة من التلاجة ونصب التغليفة ده على الكيكة ونزين الكيكة بالشوكولاتة المبشورة والفراولة..أو زي ما تحبوا
يا رب تكون التورتة عجبتكم
رد مع الاستدلال
[
الروابط المفضلة