بعد المرحلة الأولى في تجهيزالتورتة على الرابط ده
http://www.lakii.com/vb/showthread.php?t=542587
واخيرا المرحلة التانية وصلت
إن شاء الله النهارده هبدا معاكم مرحلة جديدة
والمرحلة ده هتكون عن التزيين النهائي للتورتة وهتكون على اقسام منها التزيين بالكريمة والتزيين بالفواكه المختلفة والتزيين بالشوكولا
بس قبل ماندخل في الأقسام ده هعرض ليكم مجموعة من التورتات كنت شفتها بموقع أجنبي طرق تزيينها بسيطة اوي ومش محتاجة مهارة لتكون بداية للمبتدئات وفيها ميزة مهمة وهي ان سهل تقسميها يعنى مش هتتعبي في نقسيمها لقطع متماثلة لأن في ناس بيكون صعب عليها تقسم التورتة قطع متساوية وتلاقي كل فرد واخد قطعه شكل وحجم وبتكون حاجة تكسف ده مش مبالغة والله انا شفت ناس كده
وكل صورة هقوللكم تتعمل إزاي مع بعض التغييرات والإضافات لتناسب الكل مع بعض الطرق الخاصة اللي بستعملها

نشوف سوا بعض الصور
(1)


هنا كيكة بسيطة
نزين الجوانب بجوز هند محمص قليلا على النار بدون اي زيت وده أسهل طريقة بستخدمها في تزيين الجوانب تحطي شوية في حلة صغيرة على النار وتقلبي بسرعة حتى مايتحرق يدوب تلاقيه دهبي شيليه من النار وافضلي قلبي برضو لأنه بيستمر ياخد لللون حتى لما تشيليه عن النار او ممكن تحطي الحاجة اللي بتحمريه فيها في ماء عشان تبرد بسرعة وتوقف التحمير ده لو خفتى يتحمر زيادة
نزين الحواف بالكريمة وفي النص نحط مثلا جيلي او مربي مضاف لها قليل من الماء ليسهل توزيعها
وطريقتى في الجيلي عشان تعرفي تصبيه في نص الكيك ومايسيح وفي نفس الوقت يكون متساوي هي انى اسيبه بالتلاجة حتى يكون قوامه مثل صابون المواعين لاأتركه يتجمد بالكامل واصبه في وسط الكيك او زي ماحب يطلع متساوي جميل
الكيكة ده مفرغة من النص طيب لو عملتى واحدة مدورة ممكن تعملي برضو دايرة الكريمة اللي في النص وتملي جواها بنوع تانى من الجيلي او نوع تانى من المربى
او تستخدمي مثلا للي برة جيلي فراولة والايرة اللي جوا تحطي مربى فراولة يكون فيها فراولة قطع او فاكهة 000000000000000
للاتنسي تكوني دهنتى وجه الكيكة بالكامل بطبقة خفيفة من الكريمة صح هتتغطى بالجيلي بس لما الجيلي ييجي على اللون الأبيض بيبان أجمل ماتحطيه على الكيكة مباشرة وكمان حتى الكيكة ماتشربه
(2)


ده بقى تدهنى وجه الكيكة بطبقة خفيفة من الكريمة وتحددي الجوانب بالكريمة وترسمي خطوط مايلة بالكريمة تجيبي الجيلي بالقوام اللي قلت عليه قبل كده وتملي مابين الخطوط المايلة ده بعد ماتملي كل الفراغات بطرف السكينة تسحبي بالراحة وتمشى اتجاه يعمل زاوية قائمة مع الخطوط كأنها علامة الضرب في
انا مش عارفة ايه الحاجة الغريبة اللي فيها بذر ده بس احنا زي ماقلنا هنستخدم جيلي او مربى
(3)

مفيش اسهل من كده وومكن في النص فراولاية مشمشاية اي حاجة عندك
(4)


الفكرة ده جميلة أوي لكيكة الشوكولا التزيين بالكراميل
وطريقتى في الكراميل
بحط كوبين لبن حليب معاهم كوب سكر على نار هادئة ومعاهم رشة بيكربونات الصودا وده فايدتها حتى السكر مايحترش يعنى يبقى حبيبات بعد مده
وبسيببه على نار هادية ومش بقلبة كتير يعنى كل 5 دقايق بس خللي بالك منه لايتحرق لحد ماتوصلي للسمك اللي انتى عايزاه طبعا بعد مايبرد هيتقل كتير فحطي ده في حساباتك للسمك اللي انتى عايزاه
ونفس المقادير بعمل منها حليب مكثف بس ده بقى لازم تقليب علطول كل دقيقة
(5)

عبيييييييطة

(6)


ده لو عندك ناس بيحبوا الشوكولا وناس لأ
(7)


هنا الكراميل طري شوية بحيث ممكن نصبه
انا عن نفسي بعمله تقيل واشيله في التلاجة ولما بحتاج وصفة فيها كراميل خفيف باخد شوية واسخنهم على النار مع شوية مية صغرين لحد مايوصل للسماكة اللي عايزاها
(8)


هنا مجرد خطوط بالعرض بالكريمة
في حاجة مهمة في ده وفي رقم 2
وهي اانا ليه ماقلناش نحط جيلي على كل الكيكة وبعدين نرسم خطوط الكريمة؟؟؟؟؟
ده لأن الرسم بالكريمة فوق الجلي بيكون صعب لأن الكريييمة ماتسك فيه وتلاقيها بتتزحلق عليه عشان كده بنعمل زي مااقلتلكم في رقم 2 الأول خطوط الكريمة بعدين نملا الفراغات جيلي مربى كراميل000000000000
(9)

وده برضو نوعين مع بعض لترضي جميع الأذواق
(10)

ده والله عسولة
التقسيم لمربعات فكرة بسيطة وسهلة وفيها مجال كبير للتنويع كل مربع ممكن تمليه حاجة مختلفة أنواع فواكه شوكولا مبشورة وباسلام لو كام نوع جيلي ولا كام نوع مربى ياعينى على الألوان
وبيليق أوي اللون الأحمر مع الشوكولا يعنى مثلا مربى فراولة اوجيلي فراولة مع شوكولا مبشورة
(11)

زي اللي فوقيها شوفي ايه اللي عندك في التلاجة وشكلي براحتك
(12)


ده بلأناناس المعلب
(13)

وده للي بيحبو الشوكولا زيي نفسي في حتة
(14)

شوفي ده سهلة أوي في التقسيم
لو قطع صغيرة كفاية مثلث واحد ولو عايزاها كبيرة خللي في القطعة الواحدة مثلثين ونوعي لترضى كل اللي بالبيت ممكن تمدي طرف النثلث للأخر لو كيكتك دايرة كاملة
(15)

زي اللي قلناه قبل كده
(16)

شوفوا هنا الكيكة مدورة مش مفرغة
(17)

ولا أسهل وردات عادية خالص وفوقها اي نوع فاكهة عندك بحيث كل قطعة فيها ورده فاكهة

لو عندكم أي أسئلة هجاوب عليها إن شاء الله
ولنا لقاء أخر في كورس جديد وهو

التزيين بالفواااااااكه
انتظرونييييييييييييييييييييييييييييييييييييييييييي يييييييييي

تسلم إيدك

أنا عايزة طبق مشكل

ماشاء الله مجهود رائع

ماشاءالله
كل تورته اجمل من اختها
تسلم ايديكي الحلوة
رووووووووووووووووووعة

ميرسى حاجات حلوه وافكار متنوعه

تسلم ايديك على المجهود

ررررررررررررررررررروعه يسلمو ايديك

مشكورة على المعلومات القيمة جعلها الله في ميزان حسناتك
انا عن نفسى استفدت هلبة منها واعطتنى هلبة افكار للتزيين لانى من عشاق صنع التورتو بالمنزل
وننتظر فيك على احر من الجمر

اممممممممممممم بيشهو كثييييييييييييير

يسلم ايديكي أختي

ماشا ءالله تبارك الرحمن

اختي عملك راائع ومتميز جدا

وياريت لو توضع يامك على الصور لتحفظي حقك فيهم

انا علىاستعداد ترسلي الصور لي وانا اكتب اسمك عليهم

ممكن بكل سهوله ضعاف النفوس ينسبوا الموضوع ليهم

وبارك الله فيكي وجزاكي على هذا المجهود