السلام عليكم ورحمه الله وبركاته
النهارده رحت لماما واخدت معايا كيكه بسيطه مع الشعار المميز لى ( بسيطه وغير مكلفه) وبجد كل ما يكون الشىء بسيط بيبقى احلى خدوها قاعده
اولا : عملت 2 كيكه اسفنجيه واحده شيكولاته وواحده بيضاء
مقادير الكيك الاسفنجى وهى:
لكل كيكه
6 بيضات مفصول الصفار عن البياض
ا كوب دقيق للبيضاء (وكوب الا ربع للغامقه مع اضافه ربع كوب كاكاو خام )
ا معلقه نشا كبيره
امعلقه خل
3 معالق ماء
نصف معلقه بيكنج باودر
كوب سكر ابيض مطحون مقسوم إلى نصفين ( نصف كوب .. نصف كوب ) ولو كان منخول يكون افضل.
الطريقه:
يضرب صفار البيض على السرعه البطيئه وبعد دقيقتين يضاف نصف كوب السكر الاول مع الفانيليا و الثلاث معالق من الماء ويعلى السرعه
يوضع جانبا ثم ننظف المضرب ونبدأ فى ضرب بياض البيض على الرعه البطيئه ثم نضيف معلق الخل وذره ملح
لغايه ما يتماسك ويبقى شكله ابيض ناعم مثل الكريم شانتيه
ثم هذه المرحله مهمه جدا
ننخل الدقيق ويضاف على صفار البيض شويه شويه ونقلب ثم
يضاف نصف خليط البياض على خليط الصفار ويقلب ببطء
شديددددددددددددددد
ثم نضيف النص الثانى وهكذا
يصب فى صينيه مغلفه بورق الزبد من القاع والجوانب ايضا مع دهن الصينيه نفسها وليس ورق الزبده
لازم افكركم ان ده مقدار كيك واحد فقط
ثانيا :حضرت كريمه الحشو وهى عباره عن 1/8 كريم شانتيه خام مع سكر بودره و نصف كوب كريمه لبانى
ثالثا :حضرت صوص الجناش وهو عباره عن 1 كوب لبن ونصف كيلو شيكولاته خام ومعلقتين زبده ومعلقه كورن سيرب ( وهو ده اللى صبيته فوق الكيك بعد ما خلصت )
رابعا: قسمت كل كيكه 3 طبقات وتكون 6 طبقات وضعتهم بالتبادل مع وضع الكريمه بين الطبقات
ملحوظه بين الطبقات وقبل وضع الكريمه على طبقه الكيك يسقى الكيك بسيط جدا بواسطه الفرشاه باى نوع عصير خفيف ( انا استعملت كوكتيل) ثم توضع الكريمه
طبعا الصور توضح اكثر بدل من الكلام ده كله بس زى ما استفدت من اخواتى بالمنتدى حابه افيدكم
ماشاء الله الكيك مرتفع ومظبوط
خلصت الطبقات وصبيت الجناش فوقها ثم طحنت خشن كميه قليله من اللوز وعين الجمل ووبطن الايد وبهدوء الزقيها على الجوانب
والكارت ده اشتريه من المحل بتاع خامات الحلوانى
رحنا عند مااااما والتهمنا الكيك
ودى اخر قطعه قولت يابت هاتيهيها لاخواتك هنا 
ان شاء الله تجربوها لحبايبكم
✿*وصفة متميزة*✿التورته دى هديتى لامى بارك الله فيها بجد تورته طلعت تحفه تعالوا شوفوا
رد مع الاستدلال
اعذروني لغيابي 
*
*
[
الروابط المفضلة