ماشاء الله لا قوة الا بالله......امانة تقولوها قبل ماتكملوا قرااااااااااءة
اخواتي الغالياااااات السلام عليكم ورحمة الله وبركااااته
امس يوم الاتنين 9/3 ...كان عندي مناسبة خاصة بحتفل بيها انا وخطيبي...والمفروض كنا نخرج ونقضي اليوم سوا...المناسبة دي هي اول مرة شفنا فيها بعض من 4 سنين...وبعدين بعد فترة حوالي 3 سنين وشوية اتقدملي وحصل نصيب الحمد لله...عقبال ياااااارب كل بنات المسلمين....مطولش عليكم احنا خرجنا امبارح السنة دي حبيت اغير وقلت لا تورتة ولا غيره انا هعمل حلو خفيف و بسيط بسكوت مثلا...دورت دورت في المنتدى الجميل ......وقررت اطبق بسكوت الوان الطيف اللي yehia2007 ...جزاها الله خير كانت عاملاه لبنتها ربنا يخليهالها....عملته بس باضافات رومانسيه تليق بالجو ده 
...فاليكن الخطوات والفكرة الجديدة عشان تخلي من البسكوت ده شيء رومانسي وجميل وبسيط.,......ده رابط الجميلة yehia 2007...بجد بشكرك....وجزاك الله الف خير لان طعمه راااااائع ولذيذ وسهل جدا
سبب اني فكرت اعمل البسكوت ....ان التورتة كانت هتتبهدل مني في الخروجة لو عملتها ...يعني الكريم شانتي كان هيبهدل الدنيا و كمان كنت عايزة حاجة متخدش حجم كبير وسهلة في الشيل...
*المقادير*
كوب ونص دقيق
نص كوب سكر بودرة
كوب زبدة بحرارة الغرفة
ملعقة صغيرة بكنج باودر
بيضه مخفوقه
*الطريقه*
نضع الزبده على الدقيق وتعجن جيدا حتى تختفى وتمتزج بالدقيق
نضيف البيضه المخفوقه والسكر والفانيليا والباكينج باودرونخلط جيدا حتى تتكون عجينه طريه ومتماسكه
نلفها ونضعها تبرد قليلا فى الثلاجه
نخرجها ونضعها بين طبقتين بلاستيك نفردها ونقطعها بالقطاعة على شكل قلب...اليكن الخطوات
انا عملت المقادير اللي فوق مرة ونص فعملت شوية قلوب لخطيبي واشكال مربعة للبيت عندنا
وعملت كلمة love زي منتو شايفين بالقطاعة المشرشرة
رصيتهم في صينية مدهونة زيت خفيف ومنحطش طحين عشان البسكوت مش هيلزق اصلا لان السمنة كتيرة فيه
ودلوءت الفكرة الجديدة اللي هتنعنش البسكووووووووت وتخليه غييييير....
هي حطت ايسنج سايل...انا لقيت طريقة عالنت في منتدى تاني لايسنج الفرد اللي بيتغلف بيه تورتة العروسة ...بس الكمية كانت كبيرة على البسكوت لانها كانت عاملاه للتورتة فانا عملت تلت المقادير
***المقادير لايسنج الفرد***
بياض 3 بيضات........انا عملت بياض واحد
8 اكواب سكرة بودرة.ناعم جدا عملت 3 اكواب
عصير 3 ليمونات صغار او رشة فانيلا......عملت عصير ليمونة وحدة
نضيف عصير الليمون والفانيلا لبياض البيض ونخفق جيدا...ثم نضيف حوالي نص كوب سكر ونخفق بالمضرب الكهربي لحد مايصبح الخليط كالكريمة ابيض ومنفوش
بعدين نضيف باقي السكر ونعجن هتكون العجينة بالشكل ده
قسمت العجينة تلتين وتلت...التلتين لونته بملون طعام احمر...والتلت بالابيض...
حطيت الجزء الاحمر بين كيس بلاستيكي وفردته بالنشابة...بعد مبليت الكيس من جوة بسيط جدا بالزيت
وقطعته على شكل قلوب...ولزقته عالبسكوت زي منتو شايفين ..
ماشاء الله لاقوة الا بالله
الجزء الابيض من العجينة عملته بنفس الطريقة فردته وبعدين عملت حروف اسمي واسمه على القلوب زي الصورة.......اسم خطيبي كريم...عملته بالشكل ده طبعا الشغل مش اد كده لسه اول مرة اعمل حاجة زي دي اعذروني
ماشاء الله لاقوة الا بالله
وبس .......حلو ولا ايييييييييه؟؟؟؟؟؟؟؟
************
هنا حاااااااجة ملهاش علاقة بالطبخ و لا الحلويات بس حبيت اوريكم الشكل النهائي للبسكوت...وانا وخداه لخطيبي....جبت صندوق وغلفته بقماش التغليف حطيت ورقة بيضا عادية ورصيت عليها شوية بسكوت سادة على شكل قلوب....وبعدين جبت قماشة روز من نفس قماش التغليف ورصيت عليها تورتتي الصغيرة
الكارت انا اللي عاملاه كمان...كتبت لكلمة اللي في الصورة بمسدس الشمع والشمع لسه سخن نزلت عليه خرز بلون فوشيا عشان يلزق عليه...وكتبت عليه الكلام اللي انا عايزاه
ماشاء الله لاقوة الا بالله
وكسرت البسكوتة المكتوب عليها love ...وحطيت بينها قلب مكتوب عليه 4 يعني اربع سنين
وبعدين رصيت البسكوت اللي عليه اسمي انا كمان في صف تالت.....واترككم لتتخيلوا الشكل....هو يمكن مش شغل محترفين بس كفاية انه معمول في البيت وطااااالع من القلب
في النهاية حطيت ورقة بيضا عالبسكوت عشان اغلفه ...عشان ميتاثرش بالجليتر اللي على التل...........
وبس يااااااااااااااااااااارب يكون عجبكم تطبيقي المتواضع.......وتاخدو الفكرة وتنفذوها بابداعاتكم لانها حاجة جديدة وظريفة واخف من التورتة والكريمة.....وطبعا كلها رومانسية...دعواتكم ليا يا احلى اخوات في الله.......احبكم في الله من كل قلبي
✿*تطبيق متميز*✿♥♥♥ بسكوت الحب الرومانسي فكرة جديدة بحاجة بسيطة ♥♥
رد مع الاستدلال
الروابط المفضلة