السلام عليكم ورحمة الله وبركاته
أول شي بحب مسي عكل أخواتي الغاليات ..اشتقتلكن كتير بعد الغيبة بس ظروف الحمل هي اللي مأخرتني..
اليوم رح تكون الوصفة كيكة سهلة وشهية مع كاسة شاي أو فنجان قهوة بتمنى تجربوها وتنال إعجابكن
بنبلش بالمقادير
القالب الكبير
8فناجين طحين(الفنجان المستعمل هو فنجان القهوة العادي)
6 فناجين سكر
بيض عدد 6
كأس حليب سائل فاتر
فنجان زيت نباتي
مبشور ليمون وفانيلا ملعقة صغيرة
ملعقة وسط بيكنغ باودر
أما لقياس القالب الأصغر فالمقادير كالتالي
6 ونصف فناجين طحين(الفنجان المستعمل هو فنجان القهوة العادي)
5 فناجين سكر
بيض عدد 5
4\3كأس حليب سائل فاتر
4|3فنجان زيت نباتي
مبشور ليمون وفانيلا ملعقة صغيرة
4|3ملعقة وسط بيكنغ باودر
الطريقة
بالخفاقة اليدوية بنخفق البيض مع مبشور الليمون والفانيلا ونستمر بالخفق لمدة دقيقتين
بعدين بنضيف السكر وبنخفق لمدة ثلاث دقائق
بعدين الزيت وبنخفق شوي بس بعدين الحليب وبعدين بنضيف نصف كمية الطحين ونخفق وأخيراً باقي كمية الطيحن مع البيكنغ باودر
بقالب الكيك ندهنه بقليل من الزبدة أو الزيت النباتي ونضع المزيج ونضعه في فرن حامي على درجة 350 ف أو 180 س
لمدة تترواوح مابين 45 إلى 50 د حسب الفرن
طبعاً بتقدري تشقي عالكيك بس موقبل نص ساعة لحتى مايهبط
وهي النتيجة
أنا هالمرة تركت ملعقتين من المزيج وضفتلن كاكاو ووزعتن عالوش بيعطوا منظر حلو كمان
بدي أطلب منكم الدعاء لي ولجنيني أنو نقوم بالسلامة والتقدم على خير
وبالهنا والعافية يارب
وشكراً لكن [/center]
الروابط المفضلة