السلام عليكم
جيتكم بعصيدة أمــــي اللذيـــــــــــذة .....
وهذي مقاديرهاااا :
1 كوب سكر
7 أكواب ماء
3/4 كوب زيت ( ذرة أو دوار الشمس )
ا/2 اصبع زبدة
2 كوب طحين أسمر ( بر أو مثل ما نسميه طحين خباز )
مقدار كف اليد تمر ( ينقع بالماء وبزال عنه النواة )
زعفران وهيل منقوع بماء الورد
قليل من الفلفل الأسود


وهذي هي الطريقــــــــــة : ( تحتاج الطريقة للتقليب المستمر عند اضافه المقادير )
-تجيبون قدر وتذوبون فيه السكر
-ولما يذوب السكر تضيفون الماء عليه ( 3 أكواب )
-وبعدين تضيفون التمر
-وبعدين تضيفون الطحين ( حاولوا انكم ترشون الطحين على القدر حتى ما يتكور الطحين ، وقلبوا المقادير بسرعة حتى ما يتلصق الطحين )
-وأثناء اضافة الطحين تلاحظون ثقل الخليط فتضيفون 4( أكواب ماء ) وتستمرون في التقليب .
-وبعدين تضيفون الزيت واستمروا في التقليب .
-والحين تضيفون الزعفران والهيل المنقوع بماء الورد + إضافة الفلفل الأسود
-واخيرا في النهاية تضيفون الزبدة .
وبعديــــــن عليكم بأااااااااااااااالف عافيــــة كلوها وادعوا لامي ......
( ملاحظة زيادة مقدار الماء أكثر من سبع أكواب متاح لك حتى تلاحظين ليونة العصيده )
(ملاحظة ثانيه : هذي العصيدة لذيذة مو مثل عصيدة النفاس اللي فيها حسو وحلبة وو ...... )

تسلم ايدك انت وامك ,,

بنت امك بحق وحقيقه سلمت يمين اللي ربتك

تسلمين حبيبتي وياهلا فيك وياهلا بمشاركاتك
عصيدة امي من اسمها رووووعه والغاليه بنت امها عاملتها ياسلااااااااااااااام لذيييييييييييييييذه

روعة بنت _امها والله يجزاك خير بسويها للوالد لان يموت فيها الله يطول عمره
والله يخليلك الوالدة ويطول عمرها انشاءالله

تسلم ايديكيي و ايديين الماما يااا رب..
بلغيييها سلاامي و شكري على الطريقة..و نحن بانتظار المزيد من اكلات الماما..
تحياااااتي

سلامكم وصــــل ..
والله يسلمكم وتسلم ايدكم بعد .. وعليكم بألف عافيه ..
وانشالله اجيكم بأكلات احلى واحلـــــى ... عشان دايم تدعون لي بالخير

الله يخلي لك امك ويخلي لنا امهاتنا ويعطيك العافيه