تنبيه هام : عندنا فى مصر البطاطا نبات حلو ، جبتلكوا صورته علشان متتلغبطوش بينها وبين البطاطس اللى بتسموها بطاطا، أحسن تروحوا تعملوا بطاطس وتبقى اكلة عجيبة وتقولوا أنا اللى قلت ، وقد اعذر من أنذر ههههههههههه.
وعلى فكرة أنا إسمى ياسمين علشان اللى يحب ينادى عليا أجى علطول ههههههههه
دى صورة البطاطا
دى صورة الصيتية لما طلعت من الفرن ملحتش أصور الطبق كانت إتكلت خلاص
مكونات الوصفة
بطاطا
سمن
سكر
الطريقة
1- نغسل البطاطا كويس من الطين اللى عليها
2- لو حجمها كبير نقطعها قطعتين أو ثلاثة ونسلقها فى ماء على النار
3- لمعرفة إنها إستوت ولا لسة نغرز فيها سكينة
4- بعد ما تستوى نصفيها من الماء ونقشرهاوهيكون بسهولة جدا لأنها مستوية
5- نضع معها سمن كمية مناسبة وسكر زى ما بتحبوا ونهرسهم مع بعض بالشوكة أو بالكتشن ماشين
6- تفرد فى صينية وتوضع فى فرن 200 درجة ثم نشعل الشواية لتأخذ اللون الذهبى الجميل
7- بعدين متنسوش تربطوا إديكوا علشان متكلوش صوابعكوا وراها ههههههههه
وبالهنا والشفا
تطبيق لكيكة الزبادى
صورتها لما طلعت من الفرن وسقيتها الشيرة ورشيت جوز الهند على نصفها
علشان عندنا ناس يحبوا وناس لا، نرضى كل الأذواق فى صنية واحدة ههههههه
والطبق ده للي هتعجبه الكيك
المقادير:
كوب زبادي أو علبة زبادي صغيرة
ثلاثة أرباع كوب سكر
نصف كوب زيت
2 بيض + قليل من الفانيليا
كوب طحين منخول + ملعقة بيكنج باودر
الطريقة :
أولا نسخن الفرن نضع الشبك في الوسط.
نخلط المقدير السائلة بخلاط العصير ، ثم نخلط في وعاء اخر الطحين مع البيكنج باودر
نخلط المقادير الجافة مع السائلة ..حتى يتجانس الخليط
ثم ندهن الصينية بقليل من الزيت فقط
نسكب الخليط في الصينية (( مقاس 24)) وندخلها الفرن بحرارة 200 مدة نصف ساعة
ونكون مجهزين الشيرة ( كوب سكر+كوب ماء يغلوا مع بعض ونطفى ونضيف فانيليا وبس)، وأول ما نطلع الكيكة وهي ساخنة نصب عليها الشيرة الباردة
ثم نتركها حتى تبرد أو فى الثلاجة شوية يكون طعمها أجمل بكتير، ومن ثم نقدمها ..
وبالهنا والشفا
✿*موضوع متميز*✿ ***بطاطا حلوة + كيكة زبادى، حلو من غير تعب ولا أروع****
رد مع الاستدلال
كتبت بواسطة amal250
الروابط المفضلة