السلام عليكم و رحمة الله و بركاته
كل عام و كل الأخوات بالف خير
عندي سؤال و خصوصا المصريات مين تقولي طريقة مضبوطة للمحوجة لأنها دايما تطلع فيها عيب
جزاكم الله خيرا
للبحث في شبكة لكِ النسائية:
|
السلام عليكم و رحمة الله و بركاته
كل عام و كل الأخوات بالف خير
عندي سؤال و خصوصا المصريات مين تقولي طريقة مضبوطة للمحوجة لأنها دايما تطلع فيها عيب
جزاكم الله خيرا
ربع كيلو تحويجه من عند العطار
3كيلو دقيق
كيلو ونص سمن
من ربع الي نصف كيلو عسل أسود(حسب العجين ما يتشرب)
ربع كيلو جوز مبشور أو مفروم
ربع كيلو سمسم
2 كيس بودر
كيلو ونص سكر (مش مطحون)
وحوالي 150جم حبه البركه
الطريقه:
تخلط المقادير الجافه ثم يقدح السمن ويضاف الي الخليط السابق ثم يعجن بالعسل
تفرد في صينيه بسمك 1 سم تقريبا أو حسب الرغبه ثم تقطع سمبوسكات قبل دخولها الفرن.وعلي فكرره مجربه ونتيجتها حلوه جدا والله ..بس بلاش تخبزيها علي نار هاديه أوي علشان متجمدش منك علشان العسل اللي فيها.. يارب تعجبك وابقي قوليل النتيجه بس ان شاء الله تطلع كويسه معاكي
وده رابط فيه صوره ليها
http://www.lakii.com/vb/showthread.php?t=490297
still here ربي يباركلك عزيزتي ومشكورة على المساعدة...
جزاكي الله خيرا يا حبيبتي
بس قوليلي مش ممكن استبدال العسل بالسكر تجنبا لحكاية ان العسل ممكن ينشفها !!!
اختي لبنان و حبايبه جزاكي الله خيرا على اهتمامك
لا مينفعش خااالص للأسف ..وعموما وانتي بتخبزيها في الفرن خلي النار متوسطه أو أعلي شويه صغيره..وعموما انتي اعملي أول صينيه صغيره جربي فيها الخبيز علي درجه الحراره المعقوله وشوفي ايه النتيجه...بس والله مش بشكر فيها بس هي حلوه أوي وعجبت كل اللي أكل منها (0هي عمايل ماما الحقيقه) وبعدين احنا دمايطه ومبيعجبناش أي شغل يعني..وبألف هنا مقدما
وأشكرك يا لبنان وكل عام وانتي بألف خير
طمنتيني انك من دمياط كده بقه لازم تكون طريقة 100%
على فكرة انا من المنصورة و كل سنة بصيف فى رأس البر و فعلا الدمايطة 100% فى الحلويات بالذات و كنت كل سنة في آخر المصيف اجيب حلوياتي من حرات و من ضمنها المحوجة و البسيمة وبعدين نقلت مصر من 6 سنين و بدأنا نتجه نصيف في اماكن اقرب بس و الله اجمل ايام حياتي في رأس البر طولت عليكي معلش شكرا ليكي يا حبيبتي
السلام عليكم و رحمة الله و بركاته
اختي still hear
انا عملت المحوجة بطرقتي و طلعت رائعة
و كان لازم ابلغ الأخوات جربوها حتعجبكم
ياريت كات عندي كاميرا كنت صورتهالكم
جزاكي الله خير يا حبيبتي
بارك الله فيكى و مشكورة على التطبيق
بجد انا مبسوطه انك جربتيها ومبسوطه اكتر علشان عجبتك..بألف هنا يارب انتي وعيلتك ..وكل سنه وانتو بخير يارب
الروابط المفضلة