صحيتي وربي ما يحشمك وكلامي اللي قلته حق وما نزيد في شئ جربت حتي الصويبعات متع الدجاج المحشيات بطاطا مقلية غير اني درتها بالجمبري وطلعت تجنن وغدوة جايات صاحباتي بيهدرزو عندي وبنديرها علي العشاء ان شاء الله

بنات شنو فيه جديد في عالم الحلويات

حبيباتي

والله وحشني هالملف بس للاسف معش درت حاجة جديدة خاصة بيا ومش محطوطة في المنتدى

إن شاء الله الوقت يسعفني ..ونقدر ندير حاجة وننزلها لملفنا الغالي ...

كل اللي مقدرني عليه ربي ...ناخذ في وصفات من الملف ونطبقهن و...نناشد في بقية العضوات بالدخول للملف والاطلاع عليه ...وأكيد وصفاتنا فارضات نفسهن ...خاصة حبيباتي اللي حاطات وصفاتهن في الملف ...كلهن بدون إستثناء

وكل ما نطبق حاجة نصورها وننزلها كموضوع جديد ...ونحط رابط الملف ....

وللي ماشافش تطبيق لبسكويت أم عرفة اللي خذيته من الملف هضا رابطه :

صورة تطبيقي :




http://www.lakii.com/vb/showthread.php?t=505104

والحقيقة إني مدينة لهالملف بشكل خاص لأنه عرفني علي أحلى عضوات ...وخذيت منه نوعين لعند توة والاثنين اعتمدتهن عندي كوصفات مميزة ...

وأكيد الفضل للجميع اللي أثروا هالملف الرائع بإبداعاتكن يا أغلى عضوات

كلاسي والله حتى احني استاحشناك
وان شا ءاله ما يوحشك غالي
حتى اني خاطري اندير حاجة حلوة بس الحق معنديش وقت بكل ولا عندي جديد فهجرت الملف وخلاص
بس عمايلك تجنن الله يعطيك الصحة يا روحي
ونشوفوك في الهدرزة باذن الله

حبيبتي ماما الاء

والله انتي لك وحشة اكثر

ونحنا وين نجو يلاك ويالا إبداعاتك يا حبيبة الكل

ربي خليك لينا ويحفظك لحبايبك كلهم

وإن شاء الله تو نحاول نخش للهدرزة في أقرب وقت ممكن

دخيلكو بدي طريقة البريوش ما بعرفووووو هاده الخبز النافش وحلو طعمو اشوية عاجبني كتير بس ما لقيت طريقتو ممكن تدلوني عليه وشاكرة الكووووو

ربي حفظك كلاسي
والشكر الكبير لجميلة الحكون لانها فتحت لينا بحر مستحيييييييييييل ينزح
دعدووووعة يا عسل تقدري تشوفي طريقة روني الحلوة في البريوش حلوووووووو جدا

ذطريقة هالبريوش الفرنسي حاجه تهبل هوا صح شغله هلبه لكن يجيك يهبل وخفيف
المقادير
الجزء الاول
5 ملاعق طعام دقيق
2 ملاعق كبيرة خميرة بيرة
100 مل حليب
تعجن مع بعض وتترك لتختمر حوالي الربع ساعة وتكون هي بمثابه الخميرة للعجين
الجزء الثانى
فنجانس شاي سكر ناعم
ملعقة ونصف كبيرة زبدة بحرارة الغرفه يعنى لينه
ظرف فانيليا
صفار 3 بيضات
بيضة كامله
15 ملعقة كبيرة دقيق
100 ملميمتر حليب
تضرب الزبدة مع السكر حتى تخف ويذوب السكر مع الزبدة ثم نضيف صفار بيضة ونضرب مع اضافة الفانيليا ثم صفار البيضة الثانية ونستمر في الخفق ثم صفار البيضة الثالثة ونستمر واخيرا البيضة الكامله ونستمر في الخفق ومن ثم نضيف الدقيق ويخلكط واخيرا الحليب ونستمر في الخفق وكلما زادت مدة العجن كلما كانت النتائج افضل ثم تضافالعجينة الاولى على الثانية ونخلط جيدا
ملاحظة
لو لاحظت ان العجينة مازال رطبه هلبة يمكن اضافة القليل من تالدقيق
وكذلك الفانيليا ممكن تزيدى كميتها وممكن اضيفي بشر قشور الليمون او البرتقال حسب الرغبة
ثم تعجن باليد او بالعجانه الكهربائية جيدا حتى تصبح بالعجينه فقاعات هوائية مع مراعاة ان العجينة مش يابسة يعنى تلصق باليد نوعا ما رطبه .
ثم تخرج باليد من الاناء وحتى لاتلتصق باليد عبى ايديك بالدقيق وفرغيها من الصونية وتكونى راشة كميه من الدقيق على الرخامة وحليها مستطيل سمكه حوالي سبع وقصيها مربعات وقبل ماتقصيها رشي سطح العجينة بالدقيق باش الموس ماتلصقش فيه العجينة وقصيها مربعات واحشي كل مربع اما بمربي ولا شكلاته وديريها كويرات وبعدين لدهنى كل كويرة بالزبدة السايحه وستفيهم بحدا بعض في طاجين دائري وخليها تختمر لين يتضاعف حجمها واقلبيها علي منخل ولا على الشبك اللي تخلي عليه في الكيكة تبرد وبعدين اقلبيها على وجهها في صحن وساسيها لان الكويرات سهل انهم ينفصلوا على بعض بسبب الزبدة وبعدين رشيها بالشكر الناعم وقدميه

ولو محتاجة اي توضيح احني في الخدمة
وتفضلووووووووووووو

فكرتونا بالذي مضى ........ الله هالملف قداش غالي عليا والله

ايه والله ياام عرفة غالي علينا كلنا والله
لكن حلو لما نتجمعوا الليبيات في مكان واحد ولاله

كيف حالكم يا الصبايا انشاء الله عيدكم مبروك وكل سنة وانتم ملتمات ومجتمعات علي الخير...يااارب ويحفظكم ويهنيكم ....استااااااااااااحشتكم هلللللللللللللللبة

شن مدايرات والله ليكم وحشة انشاء الله ديمة بيوتكم عامرة يارب