كتبت بواسطة روني الحلوة

ماما الاء القرينات طلعوا يهبلوا صحيتى على الطريقة كان خاطري اندير كلعك حلقوم لكن ماسخرش ربي المهم جربت طريقتك وطلعت ميه ميه غر اني درت نص طاسة عطر ونص طاسة حليب وطلع يهبل
كل سنة وانت طيبة ياحبوبة

صحتين صحتين صوريه امالا وخلينا نشوفوه

السلام عليكم يا عويله
ما شـــــــــــــــــــــــــــــــــاء الله... هيا اللمه اهنى..وانى راقده على ودانى
يا غافلين ليكم الله.
شن اخباركم ياسمحات ...كلكم بدون استثناء ماشاء الله عليكم..ربى يحفظكم.

لايت دريمز هادى لمة طبخ ونفخ هههههه
كان عندك اكلات جديده هاتى وكان حتى قدم هاتيهم
وكان تبي تسالي علي حويجه هنايا البنات ماشاء الله اللي تنساه هادى تتفكره هادى
تبارك الله عليهم

يابنات درت القرينات في موضوع
خشو شجعونى

http://www.lakii.com/vb/showthread.php?t=489264

يلا لقيتها عيب نخش وايدى فاضيه..جبتلكم صويبعات البسكوت بالكنافه
كوب زبده ,كوب زيت,3 بيضات, لوز مهروش, كوب سكر, باكنج باودر, فانيليا انى نفضل السايله
كنافه , وشكلاطه بيضا للتلبيس.و ما يعجن دقيق.
فى الفود بروسيسر حطى الكنافه باش تتفتت وبعدين حمصيها فى الفرن.
وبعدين جهزى العجينه..اخلطى البيض والفانيليا والسكر وبعدين الزبده والزيت والدقيق و الباكنج باودر لين نحصلوا عجينه لينه سهلة التشكيل.ونشكلوها صويبعات واضغطى علي كل صبع بصبعك بالطول باش تحطى الحشوه اللى هيا شويه لوز وكنافه وبعدين كببى الصبع وعدلى فى شكله ولما تكملي المقدار حطيه فى فرن مسخن مسبقا علي 180 درجه
وبعدين غلفيه بالشكلاطه بعد ما يبرد و لبسيه بالكنافه المحمصه وحطيه فى الفريز ربع ساعه
وحطيه فى ورق البيلسيه.
و صحتين

ورونى الحلوة حتى هي غابت وجت ومقالب الحلويات صار البكنج باودر قوي (( مسكين البيكنج باودر )) هههههه امبصر والله انى قريت ردودك في الصفحات اللي فاتو وشكلك وحدة فالحه وتنفعي للموضوع هادا باش نستفيدو منك

تبينا نحلفوا ولا كيف ، اني هكى توقعت لان العجينة زى اللي فشفشت تحت ايدي، وعاد وخيتك مدايرة روحها فالحة وعندها ثقة في روحها ويداياتها وطاحت فيها عجن وانصدمت بالعجينة ومشتها اول يوم عادى وقالت الحمدلله ماعجنتش مقادار كبير وفوتت هذاكا النهار وجت للمطبخ تانى يوم وعجنت وصار اللي صار مشي حلفته ايمين اليوم وغدوة مانيش مدايرة فيها حاجة حلوة وفوتهالهم يومين بدون حلو وبعدين رجعت لساحة المعركة مرة تانية مع القرينات والحمدلله انتصرت وربي يستر غدوة عندى معركة تانية ويانى ياهما هالحلاوات السنى شورنى مضيعة ايدياتى

ايه ايه نعطيك ياغاليه ولاش لا
طبعا اسمها العشيش
المقادير
كوب زبدة - 4\3 كوب زيت - نصف كوب ماء زهر - فانيليا - ملعقة صغيرة بيكنج باودر - كوب شاي خفيف جوز هند - دقيق حسب العجينة

اعجني المقادير مع بعض لين تطلعلك عجينة متماسكة
دخلي في الماكينة هديكا واللي يطلع واسيه وقصى بطاسة او فورمة دائريه بحدر ماتخليهاش غليظة هلبه هلبه يعنى نص نص وحطي فيها اللوز المهروش والمعجون بالعسل في الوسط ودخلي الكوشة
ولما تطيب عسليها ورشي فوقها فستق مرحي وكولو بصحيحة


مش عارف مني سالت علي الغريبه مقدار صغير
6 طواسي دقيق - طاسة سكر - ملعقه صغيرة بيكنج باودر وتعجن بسمن وشوي زيت
واعجني اعجني وكركبي ورشقي اللوز المزلط من فوق (( نحب اللوز احسن من الحلوة الفضيه))
ولما بطيبيها طيبيها علي النار الفوقيه قبل باش تشقق من فوق لان منظرها وهي مشققه وبعدين علي النار التحتانيه[/QUOTE]
هذي اني اللي سالت ماهو وخيتك خايفة وقلت نسال خبراء الحلاوت ونستعين بدعم خارجي ماهو ولت حرب ويلا ساعدونى وماتخلونيش ونبي نسالك مقدار الزيت والسمن قداش

كتبت بواسطة light dreams

السلام عليكم يا عويله
ما شـــــــــــــــــــــــــــــــــاء الله... هيا اللمه اهنى..وانى راقده على ودانى
يا غافلين ليكم الله.
شن اخباركم ياسمحات ...كلكم بدون استثناء ماشاء الله عليكم..ربى يحفظكم.

عاسلامتك يا سمحة ويلا لحقي علينا واعطينا ماعندك

كتبت بواسطة ام السنفور

صحتين صحتين صوريه امالا وخلينا نشوفوه

يصح قليبك يا حبيبة وبالنسبة للتصوير ياريت ياعسولة لكن رويجلي ربي يحفظه محرض عليا نصور ونحط في النت وزي ماقلت قبل زوجى حزار وعنده هلبا ممنوعات هذي واحده منهم لكن بالحق بالحق جوني روعة

كتبت بواسطة light dreams

يلا لقيتها عيب نخش وايدى فاضيه..جبتلكم صويبعات البسكوت بالكنافه
كوب زبده ,كوب زيت,3 بيضات, لوز مهروش, كوب سكر, باكنج باودر, فانيليا انى نفضل السايله
كنافه , وشكلاطه بيضا للتلبيس.و ما يعجن دقيق.
فى الفود بروسيسر حطى الكنافه باش تتفتت وبعدين حمصيها فى الفرن.
وبعدين جهزى العجينه..اخلطى البيض والفانيليا والسكر وبعدين الزبده والزيت والدقيق و الباكنج باودر لين نحصلوا عجينه لينه سهلة التشكيل.ونشكلوها صويبعات واضغطى علي كل صبع بصبعك بالطول باش تحطى الحشوه اللى هيا شويه لوز وكنافه وبعدين كببى الصبع وعدلى فى شكله ولما تكملي المقدار حطيه فى فرن مسخن مسبقا علي 180 درجه
وبعدين غلفيه بالشكلاطه بعد ما يبرد و لبسيه بالكنافه المحمصه وحطيه فى الفريز ربع ساعه
وحطيه فى ورق البيلسيه.
و صحتين

شكله نوزيك وحلو وكان سدنى الوقت مفكرة بنجربه خصوصا ان عندى شوية كنافة فاضلة ماتجي لشي بالك خدوة كان سخر ربي نجربه لكن انت مش كاتبة مقدار البيكنج باودر قداش مقدارة نحس فيه كاشيك ونص صغار وله سامحينى غر البيكنج باودر مسببلي رعب هالايام

كتبت بواسطة روني الحلوة

مسامحة ياحبيبة وزي نايقولوا مايلوم عليك الا اللي يودك
وبالنسبة للحلاوات ياودى مهناك مادرت على خاطر جدت ظروف
اليوم درت قرينات ودرتهم بطريتك في كعك الحلقوم والباين عليهم باهيات
وعلى فكرة درت الباتشى وجتنى مش اوى نحس فيها من البكنج باودر اللي عندى قويه هلبه على خاطر العجينه زى اللي بدت تتفترش ولا كيف يعنى جت مش ولابد ومتعرفيش قداش صارلي احباط يومها وهذي تانى مرة تصيرلي في حلاوات العيد حتى السليلة صارلها نفس الشي هذا علاش قولت اكيدة من البيكنج باودر
شكله العيد هذا مش ماشي معاي كانهم ايديا مش ليا وقريب نحلف معاد زايده فيها حاجة

يا روحي عليك
تبي وشيقة ورقية من الشيخ طارق عباس
امشي ليه لجامع بو منجل نتكلم جديات راه
خودي زهر وعسل وخلي يرقيلك عليهم وربي يحميك من العين
متقوليش البنت خرفت لان العين والحسد مذكور في القران وما شا ءالله عليك انتي من المواهب والصنافات وديما نويشطة في المنتدى وشاعلة الدنيا نااااااااار
خلي بالك من نفسك
واكيد جت متفترشة من الدقيق لان مرات الزبدة تجمد تحت ايدك وتحسي العجينة جمدت ومعاش تبي دقيق بس هيا مازال تحتاج ولا يهمك حطيلنا صوابعك احلى حلاوات عيد والله
وكل سنة وانتي طيبة

كتبت بواسطة روني الحلوة

على فكرة ماما الاء عندك طريقة غريبة بالطاسة على خاطر اللي عندى مقدار كبير وعمري مادرت مقدار صغير اني اللي عندى تجينى باهية ونخاف نصغرها للطاسة تجينى متنفعش والحق اتعقدت بكل من الحلاوات بالله عليك لو فيها كيف تكتبيهالي اليوم كان سخر ربي نبي انديرها غدوة
نراجى فيك ياحلوة

والله يا حبيبة ما عندي بس ما شا ءالله البناويت حلوها وعطوك طريقة بالطاسة
الحق عندي مقدار كبير بس اندير في نصه او ربعه يعني تصغير وخلاص
وان شاء الله تجربي الطريقة اللي عطوهالك البنات وتجي معاك المرة هذي وانتي تخدمي فيها اقري قران وارقي نفسك وربي الحافظ