مشكورةعزيزتي وبارك الله فيك
وربي انشاء الله يفرحك ويرزقك بالاطفال يلي تبيهم يارب لاتحرمها من الامومة

طريقة عمل القارصة:

3 كوب لوز + كوب سكر ناعم + ماء ورد .
ويكون اللوز مقشر ومرحي نظيف عليه نصف ليمة قارصة + بياض بيض ما يعجن
تم تكركب متل الكورة وتوضع في وسطها الحلوة من فوق الحلوة الملونة وتنقش بالمنقشة من الجنب وتزج في الفرن ...
وبسسسس

والاخير وليس باخر
الكوزاطة :

3 كوب لوز + 1 كوب سكر ناعم + ملعقة صغيرة BB + نصف كوب ماء ورد او عطر + بياض بيض ما يعجنها تكون العجينة رطبة تم تكعبر وتوضع في الاوراق الخاصة يها تم تزين بالفستق وتوضع في الفرن ...

اتمناكم ماتنسونيش من دعواااتك ان يرزقني ربي الدرية الصالحة

انتظر ردوردكم

الله يسلمك ياجميلة الكون ... ياريت كل وحدة تكتب ماعندها ونخلي موضوعك مملوء بالاكلات الليبية
وياريت المشرفة امتعنا اتوتقلنا موضوعنا هدا وتخليه مرجع لليبيات وغير الليبيات

تحياتي

وينك يا اسيييييييييييرة .... نستنو فيييييك

السلام عليكم حبوباتي
سامحيني نانا 79 عطلت عليك على خاطر ماكانش عندي كونكشن
المهم اللحم المفروم يكون طايب والفطيرة حتى هيا طايبة يعنى كله طايب في طايب غر تلايمية لبعض وتحطيه في الكوشة لحد ماتسيح جبنة الشرائح والجبنة اللي على وجه الفطيرة وانشاء تاكليها بالهني
شنوا رايكم اليوم نعطيكم حاجة حلوة اسمها بسكويت الكب كيك
المقادير
كوب سكر ناعم، 1 و نصف كوب كاسترد، 2كوب زبدة سايحة، 2 بيضة، ظرف فانيليا، 1ملعقة صغيرة مكومة بيكنج باودر، نصف كوب كورن فلكس الرز ، ونصف كوب من كورن فلكس الشوكلاته اللي تجي مكركبه ،2ونصف كوب دقيق (ممكن يزيد وممكن ينقص علي حسب نوع الدقيق المهم انك تزيدية بالتدريج باش لا تجي لا يابسة ولا رطبة) .
الطريقة تعجن كل المقادير مع بعض ويضاف الدقيق قبل مايضاف الكورن فلكس واخيرا يضاف الكورن فلكس وتعجن بخفة حتى ماتتكسرش حبوب الكورن فلكس وراهو العجينة تكون ايبس من عجينة الكيكة بشوية يعنى مش يابسة تعتبر سايلة نوعا ما وبعدين تكوني مجهزة الكواغط متع الحلويات الحجم الصغير تحطي فيها العجينة وتحطيها في الكوشة وراهو متقربيهاش لبعض على خاطر ادف بعضها وميجيش شكلها حلو وبعد مااطيب تخليها تبرد وبعدين تغطسي وجهها في الشكلاطة الكحلة وتحطي في النص حبة كورن فلاكس متع الشكلاطة وتخططيها بالشكلاطة البيضا يعني يطلع شكلها زي الكب كيك وصدقونى خفيفة علاخر ومنظرها نازك اني نحب ديمة نديرها وقت ماعندي مناسبة لانها فعلا حلوة والكورن فلكس اللداخل يخليها مقرمشة والكتاردا تعطيها بنه ولون اصفر غر جربوها وقولولي
واي سؤال اني حاضرة

كتبت بواسطة روني الحلوة

السلام عليكم حبوباتي
سامحيني نانا 79 عطلت عليك على خاطر ماكانش عندي كونكشن
المهم اللحم المفروم يكون طايب والفطيرة حتى هيا طايبة يعنى كله طايب في طايب غر تلايمية لبعض وتحطيه في الكوشة لحد ماتسيح جبنة الشرائح والجبنة اللي على وجه الفطيرة وانشاء تاكليها بالهني
شنوا رايكم اليوم نعطيكم حاجة حلوة اسمها بسكويت الكب كيك
المقادير
كوب سكر ناعم، 1 و نصف كوب كاسترد، 2كوب زبدة سايحة، 2 بيضة، ظرف فانيليا، 1ملعقة صغيرة مكومة بيكنج باودر، نصف كوب كورن فلكس الرز ، ونصف كوب من كورن فلكس الشوكلاته اللي تجي مكركبه ،2ونصف كوب دقيق (ممكن يزيد وممكن ينقص علي حسب نوع الدقيق المهم انك تزيدية بالتدريج باش لا تجي لا يابسة ولا رطبة) .
الطريقة تعجن كل المقادير مع بعض ويضاف الدقيق قبل مايضاف الكورن فلكس واخيرا يضاف الكورن فلكس وتعجن بخفة حتى ماتتكسرش حبوب الكورن فلكس وراهو العجينة تكون ايبس من عجينة الكيكة بشوية يعنى مش يابسة تعتبر سايلة نوعا ما وبعدين تكوني مجهزة الكواغط متع الحلويات الحجم الصغير تحطي فيها العجينة وتحطيها في الكوشة وراهو متقربيهاش لبعض على خاطر ادف بعضها وميجيش شكلها حلو وبعد مااطيب تخليها تبرد وبعدين تغطسي وجهها في الشكلاطة الكحلة وتحطي في النص حبة كورن فلاكس متع الشكلاطة وتخططيها بالشكلاطة البيضا يعني يطلع شكلها زي الكب كيك وصدقونى خفيفة علاخر ومنظرها نازك اني نحب ديمة نديرها وقت ماعندي مناسبة لانها فعلا حلوة والكورن فلكس اللداخل يخليها مقرمشة والكتاردا تعطيها بنه ولون اصفر غر جربوها وقولولي
واي سؤال اني حاضرة

سسسسسسسسسسلمها يا ربي ربي يحفظك يارب
ماعنديش مشكلة عارفة الانترنت في البلاد صعب ما تحصلي الكونكت لي روحك تطلع
هههههه
غير ماتغيبيش علينا بس ..
وصحيييتي علي الحاجات الحلوة الي بتعطينا في مقاديرها

قوليلي في اكلة ليبية ايديرو فيها في العراس اسمها الجزيرة زعمة تسمعي بيها
ولو في حاجات اجديدة ايديرو فيها في المناسبات جديدة ياريت تعطيني طريقتها

وانكون ليك ممنووووووووووونة

رمضان كريم يا روني

ماشاء الله يا روني الباين عليها تجننننننننن ماشاء الله هدا وين ركزت في المكونات الباين عليها تجي تقرمشششششش يسلم الايادي هدا هو الصحححححححح

قوليلي هل نقدر انبدل الكستردا باي شي؟؟؟؟ لان اني ماعنديش الكستردا الي زي البلاد عندنا باكوات وبنكات الليمون والشكولاطة والكرميل لاكن مالقيتش الي زي البلاد الي اتجي في حكاك ؟؟؟

نستنى فيك

ويسلمك ويحفظك انشاء الله يا نانا79
لالا المشكلة اتي ماكنتش معبية كرت النت والحمد لله عبيته
وبالنسبة للكاستردا تقدري تبدليها بالنشاء ولكن ماتجيش صفرا تجي بيضا واني مجربتها بيه منين مايكونش عندي كاستردا وحتى هيا حلوة وزي ماقلتي تجي تتقرمش
وبالنسبة للجزيرة نعرفها وعالعموم هما في هلبه حاجات طالعة ومرات الاسماء تختلف ياريت توصفيهالي وبالك نقولهالك انظى هيا بالدجاج صح؟

كتبت بواسطة روني الحلوة

ويسلمك ويحفظك انشاء الله يا نانا79
لالا المشكلة اتي ماكنتش معبية كرت النت والحمد لله عبيته
وبالنسبة للكاستردا تقدري تبدليها بالنشاء ولكن ماتجيش صفرا تجي بيضا واني مجربتها بيه منين مايكونش عندي كاستردا وحتى هيا حلوة وزي ماقلتي تجي تتقرمش
وبالنسبة للجزيرة نعرفها وعالعموم هما في هلبه حاجات طالعة ومرات الاسماء تختلف ياريت توصفيهالي وبالك نقولهالك انظى هيا بالدجاج صح؟

ايه اني ريتها بالحم لاكن في حتى بالدجاج ... اسمعي اي حااااااااااااااااجة تندار في الاعراس
اسعفيني بيها ااااااا

والله اني مستاااااحشة اكل الاعرااااااااااااااااااااااس ....

تسلمي

والله هي حتي اني نبي اكلات جديدة
شنو الحلو اسمها الجزيزة حتي اني منعرفهاش يلي تعرفها تقولنا عليها
ياروني اكتبينا اسماء الاكلات الحلوة لي عندك ونقولوك شنوا نبوا وكانك تعرفي حاجات جديدة متع الاعراس قولينا في اسرع وقت
باهي نستنوا فيك