كتبت بواسطة ماما الاء

اي والله عيادي
توة كنت نشري في باقيت الحوايج الناس كلها في الشارع والدنيا ماتفهمي فيها شئ على راي بنت بلادي تخاف من الزحمة وتطلع منها اني بنبكي ههههههههه
وين منخش من الباب نطلع حالة وخلاص
بس ما شاء الله الصغيويرة فرحانين وشئ يدور في حوايج وشئ يدور في حلوة صوف وسبول وجيلاطي والبيتزا ما شاء الله الصغيويرة مدايرين لمات على كل شئ يزهى في العين
وعاد منحكيلكمش على الالعاب ما شاء الله براريك الالعاب في كل مكان لين مسكرين الشوارع الله وحد الدنيا عامرة وفي خيار الخير
وكل سنة وانتو طيبين ومع العيلة ملتمين

الله
محلااها العيد ببلادك وسط اهلك وناسك
والله مافي زيها ولا في مكان في الدنيا هادي كلها زيها
يا سعدودك وان شاء الله كل سنة وانت طيبة
والله توحشتها موووووووووووت
وخاطري فيها العيد مع امالييا

ما شاء الله

الله يبارك
مقروض قنين وسليلات احلي

صحيتي يا ماما الاء و الحبوبة جوري

وحتى انى من لما ريت طريقة جوري لتسخين الزيت بديت نسخن فيه وجي قنين الحق

ام جنى انتى وين قاعدة نبعتلك منقشة عندي منقشة زايدة ابعتي عنوانك وتوصلك ادللي

يا بنات ادعولي ربي يسهل حملي وولادتى وينوضنى بالسلامة

سودلهداب صدقتى والله العيد غادى ماكيفه شي

سيفين سيز ربي يسهل عليك الحمل وتنوضى بسلامة وتجيبي بيبي صحيح وامور زي امه

اسيرة السهر والله من غير مبالغه امس حلمت بيكم وانتى بدات لانك تبي الاكلة هاديكا
تعرفي في الحلم حلمت بان الاكلة اللي تبيها هي الباقه وعاد ام السنفور عجنت عجينة معبيه جلجلان هههه ونفرد ونقص دوائر وبعدين نشدها بالنقاشة (( شورا متاع بنت بلادى هههه )) ونحشي فيها في مكسرات
ياعليك حلم
لاكن كويس الواحد يحلم بناس الحلوة اللي زيكم

[QUOTE=ماما الاء;6785578][CENTER]مرحبتين بنيتي
سلمها يا رب اللي ادور فينا
وينك يا سمحة معاش بنتي
والله كل يوم نشوف ليك مواضيع هني والله ملكة ملكة من غير منازع
وكل ما نشوف اسمك يتخيل ليا اسم ماركة مواد غذائية او سلسلة مطاعم مشهورة
ربي يحفظك ويعطيك الهني
وباذن الله حنجرب طريقة تسخين الزيت المرة الجاية وتوة توة توة فتحت على طاجين المقروض وخديت مقروضة ضقتها وضوقتها لكل العيلة طالع مش عادي بكل والعطر والعسل والقرفة رووووووووووووعة والله يستاهل نشكر روحي عليه ههههههههه
ونبي نعرف شن هو الملفي الحار
اكيد بعجينة الباف بس شنو الحشو هل كريمة جبنة او شنو بالزبط جت في خاطري توة ونبي نعرفها الحق
والباتشي جربته امس طلع روعة والله غير عادي اما صوابع الكنافة كل يوم ربي ما يسخرش ليا الحال مش نجربهم بس ان شاء الله غدوة نجربهم خاطري فيهم على الاخر
وشكله رمضان مع لمتنا الحلوة ما شاء الله كله ابتكارات واختراعات
[B][FONT=Comic Sans MS][SIZE=6][COLOR=royalblue]

الله يسلمك تعودنا عليكم كل يوم نشوف شن اخباركم
تعرفي اسم شن قصتة لم بنسجل الاسم لنكتبة يقولي موجود معاش عرفت تلفت شفت للمكتبة عندي وردات ذهبيات
فقالت يلي اسمي الوردة الذهبية وعاد كانت جديدة علي النت لااعرف موضع الحروف فكان حرف الدال بدل الذال
يعني سميت روحي بالليبي

اشن نجوا بحدا ابداعاتك وابداعت البنات ما شاء الله


اكيد المقروض بيجي قنين من شكلها واضح انه حلو والنقشة ما شاء الله

بالنسبة لمالفي
لا طريقتة بالبسكويت المالح
هذي طريقة مجربتة حلوة
بسكوت مالح نصفه في الطاجين
الطبقة الثانية دجاج مفتت طبعا يكون طايبفي ماء والبهارات قرفة فلفل اكحل وبصله حتي يطيب ثم نفتته
الطبقة الثالتةشرائح فلفل تكون رقيقة
الطبقة الرابعةثم جبن مبشورة النوع ليذوب**موازلايلا اوشيدار غيرها
ثم نكرر مرة اخري
الطبقة الاخيرة بسكويت فوقها جبنة تغطية
ثم توضع في الفرن حتي تذوب الجبنة وتقطع مربعات وتقدم

وفية طريقة اخري بالبسكويت المالح مش مجربتة
تاخدي طرفين بسكويت تضعي بينهما حشوة دجاج او حتي حشوة من اافكاري جبنة وبطاطس تكون مقلية وصغيرة جدا تهرسية بالشوكة وزيتون وفلفلية مقلية وفقاع او بدل البطاطس بذنجان يكون مقلي
ثم نغمس البسكويت في البيض والخبز المرحي وتقلية



هذا طريقة اخت شفتها امس كتبتة نسختة منها

طريقه المالفي الحار المكونات 1بسكويت مالح المربع يلي باكوه لونه اصفر باكوين 2جبنه تشدر 3صدر دجاج 4دحيه 5ملح وفلفل اسود وكاري طريقه اطبخي الدجاج لين يطيب وبعدين فترشيه وحطي عليه الملح والفلفل والكاري والدحيه وخلطي وبعدين خودي البشكطي وستفيه طابور ورا بعضه علي حسب ماتبي انتي بس المهم ستفيه ورا بعضه وبعدين حطي عليه الخلطه وساويها وبعدين جبنه وبعدين طبقه البشكطي التانيه وبعدين خودي دحيه تانيه واضربيها وصبيها فوقه وحطيه في الكوشه لين يطيب وبعدين غطيه بلجبنه دوب عليه


ان شاء الله تعجبكم

كتبت بواسطة ماما الاء

انا احترت بجديات
والله معاش عارفة كيف نقول
متقدريش ترسميه ليا
يعني كيف ملفوف على بعضه
بالله ارسمي بالزبط انحي في روحي نعرف
في وحدة ملفوفة بس شكلها زي السويسرول ونفس الشئ عجينة جنجلان ومحشية الواز ومعسلة وملفوفة زي السويسرول بالزبط
والله يا ريت ترسميه مع انه بنتعبوك معانا
نراجي فيك راه
والعبنبر نحاول غدوة نجيبه
لان دنيتي حايسة ومش عارفة وين مذكرتي لان اغلب مقاديري ناخذ فيها من راسي ومندوش فيها
وكل سنة وانتي طيبة

وانتي طيبة يا حبيبا وكل البناويت السمحات
اني امس درت الكعك الحلو وطلع قنين بس اني اندير فيه بطاسة زيت انتي متأكدة بطاسطين زيت يطلع حلو ؟؟؟؟؟؟ المهم كنتي في بالي باش نطبقلك الدائرة بعجينة الكعك لكن للاسف انسيت وما اذكرت نين كملت العجينة وطيبتها لكن طبقتها ليك بورقة كراسة عادية وان شاء الله تكون واضحة
هادي الورقة لما قصيتها دايرة ولو انها مش دايرة

وهادي لما لفيتها

كتبت بواسطة ام السنفور

يعطيك الصحه خطرتى عليا رمضان اللي فات يعليك جو والله خليتينى نتخيل فيه
نحكى فيه لطلبه صينيين قلتلهم في شهر رمضان الساعه تلاته في الليل traffic jam يعنى الطريق مسكرة من الزحمة مش زي هنايا الساعه ستة ماتلقي الا محلات معدوده اللي مفتوحه والباقي مسكرات والجو كساد وممل يالله كلها كم سنة ونروحو لي بلادنا الحبيبه ونحضرو الاعياد مع الاحباب والغوالي

هي تصبحو علي خير اليوم وان شاء الله نحلمو نهيجو في البلاد غادى

وعاد حلمتي بيا ليا الشرف

كتبت بواسطة سودلهداب7

الله
محلااها العيد ببلادك وسط اهلك وناسك
والله مافي زيها ولا في مكان في الدنيا هادي كلها زيها
يا سعدودك وان شاء الله كل سنة وانت طيبة
والله توحشتها موووووووووووت
وخاطري فيها العيد مع امالييا

الله يعينك يام السنفور وياسود الهداب علي الغربة نلقانها الغربة مرة وما فيش كيف بلادك والله اني غير نطلع شوي من ليبيا نحس روحي مقبوضة ومانيش متريحة نين نولي وكأنه الواحد كين تايه ولقي ناسه.....الله يكون في عونكم

كتبت بواسطة sevenseas

ما شاء الله

الله يبارك
مقروض قنين وسليلات احلي

صحيتي يا ماما الاء و الحبوبة جوري

وحتى انى من لما ريت طريقة جوري لتسخين الزيت بديت نسخن فيه وجي قنين الحق

ام جنى انتى وين قاعدة نبعتلك منقشة عندي منقشة زايدة ابعتي عنوانك وتوصلك ادللي

يا بنات ادعولي ربي يسهل حملي وولادتى وينوضنى بالسلامة

الله ينوضك بالسلامة يا sevenseas وتفرحي بمولودك والله وين نعرف ان وحدة حامل الا نقعد نفكر فيها وفي معاناتها من كثر ما عانيت

كتبت بواسطة ام السنفور

اسيرة السهر والله من غير مبالغه امس حلمت بيكم وانتى بدات لانك تبي الاكلة هاديكا
تعرفي في الحلم حلمت بان الاكلة اللي تبيها هي الباقه وعاد ام السنفور عجنت عجينة معبيه جلجلان هههه ونفرد ونقص دوائر وبعدين نشدها بالنقاشة (( شورا متاع بنت بلادى هههه )) ونحشي فيها في مكسرات
ياعليك حلم
لاكن كويس الواحد يحلم بناس الحلوة اللي زيكم

انتي اللي حلوة يا سمحة ان شاء نكون فال خير عليك في الحلم
غير قوليلي كيف طالعة في الحلم
المهم بالك هادي هي اللي نبيها الباقة لان فعلا شكلها بشبه الباقة وين نلاقيها في اي موضوع
وكل سنة وانتو طيبين وحلوين ومنورين

كتبت بواسطة ام السنفور

اسيرة السهر والله من غير مبالغه امس حلمت بيكم وانتى بدات لانك تبي الاكلة هاديكا
تعرفي في الحلم حلمت بان الاكلة اللي تبيها هي الباقه وعاد ام السنفور عجنت عجينة معبيه جلجلان هههه ونفرد ونقص دوائر وبعدين نشدها بالنقاشة (( شورا متاع بنت بلادى هههه )) ونحشي فيها في مكسرات
ياعليك حلم
لاكن كويس الواحد يحلم بناس الحلوة اللي زيكم

تعرفي يا ام السنفور الباين جبتيها
امس قعدت ندور في الاسم لكن راااح مني بكل
مزبوط شكلها هي الي ادور فيها اسيرة السهر
ههههههههه
طلعتي خطيررررة يا سنفورررة

كتبت بواسطة sevenseas

يا بنات ادعولي ربي يسهل حملي وولادتى وينوضنى بالسلامة

ربي يسهل عليك وتنفضيه من عظامك لاسو ولاسوييا
وتنوضي سالمة انت والبيبي ويكمل عليك فرحتك يارب امين

هههههههههههههههههه هادا الحلم ومايجي منه

اسمعى الباقه اللى نعرفها انها عجينة ونقصوها دويرة بفورمه
وبعدين زي قطايف عصافيري نشدو نصها ونعبوها مكسرات انى نعرفها مكسرات مهروشة ومعاها جلجلان لاكن انتى قلتى مكسرات صحيحه على ما اعتقد وبعدين انقشو بالنقاشة الجزء الفوقى وبعد اطيب تتعسل
بس ممكن انتى قلتى العجينة فيها جلجلان هلبه يعنى ممكن انتى كليليها بطريقه تانيه والله اعلم


بنات وصلتنى عدوة حلاوات العيد
عمتكم ام السنفور اليوم نايضه توصي علي السمن هو عندى لاكن قلت بالك مايسدش ونرحى في السكر وبنحمر اللوز بندير حويجه نحبها قرينات الشكلاته اللي تبدا زي الغريبه ومعجونة باللوز المرحى وبعد اطيب تدهن من فوق بشوكلاته والشوكلاته نوتيلا والا ايي نوع متاع فازو وتغمس في الفستق المرحى وتطلع مقرمشة "وبنة وصنة ومنظر "
كان تبو المقادير بزبط توا نكتبها في الردود الجايه وكانا تعرفوها مش لازم

كتبت بواسطة ام السنفور

هههههههههههههههههه هادا الحلم ومايجي منه

اسمعى الباقه اللى نعرفها انها عجينة ونقصوها دويرة بفورمه
وبعدين زي قطايف عصافيري نشدو نصها ونعبوها مكسرات انى نعرفها مكسرات مهروشة ومعاها جلجلان لاكن انتى قلتى مكسرات صحيحه على ما اعتقد وبعدين انقشو بالنقاشة الجزء الفوقى وبعد اطيب تتعسل
بس ممكن انتى قلتى العجينة فيها جلجلان هلبه يعنى ممكن انتى كليليها بطريقه تانيه والله اعلم


بنات وصلتنى عدوة حلاوات العيد
عمتكم ام السنفور اليوم نايضه توصي علي السمن هو عندى لاكن قلت بالك مايسدش ونرحى في السكر وبنحمر اللوز بندير حويجه نحبها قرينات الشكلاته اللي تبدا زي الغريبه ومعجونة باللوز المرحى وبعد اطيب تدهن من فوق بشوكلاته والشوكلاته نوتيلا والا ايي نوع متاع فازو وتغمس في الفستق المرحى وتطلع مقرمشة "وبنة وصنة ومنظر "
كان تبو المقادير بزبط توا نكتبها في الردود الجايه وكانا تعرفوها مش لازم

سبحان الله حتي نبدا نفرفش وتبدا الحاجة عندي لكن نقول الزيادة ع الاحتياط خير
ما تنقص ونلهلق بعدين ندور يا سويدي من يجيب لي
درت شوية معمول
وخليت مقروض السمحة الاء يرتاح
وبندير مشيمشة عندي غواااال يحبو المعسل وبنشوف طرق تانية من الملف وهلالات الي تقصديها بالنسكافية ؟