|
للبحث في شبكة لكِ النسائية:
|
"مُبدعة صيف 1430هـ ""صاحبة الحضور المتميز بمطبخ لك" صانعة الأطايب
كتبت بواسطة ام ياسمين ليبيا
تفضلي حبيبة اسالي كيف ما تبي
والله اني كوشتي عادية جدا متاع الغاز
ومنحبش كوشة اليتريك بك
نسخن الكوشة كويس على 220 وبعدين نهديها للـ 180
ونحط الطاجين من فوق بكل
بس طبعا اني سخنتها من تحت ما فتحتش من فوق
لو فتحت من فوق مجرد ما انحط المقروض حينحرق طول ويفسد نقشته
والحق ما نرتاحش لليتريك وماشية معاي الغاز كويس
لنا عودة يا حلوين
.. { إِنَّ رَبَّكَ لَبِالْمِرْصَادِ }..
النجم الفضي
شفتي شنو دار فينا المقروض
خلاااااص شوي تاني وتلقينا مسطرييين قدام حوشك ههههههههههههههههههههههه
والله هبلني والحمد لله ربي سخرك لينا فهالرمضان وباش تبننو العيد
بحلويات بلادنا
ان شاء الله ربي يفررررح قليبك ويسلم يدياتك ويسلم لك كل عزيز وغالي
وبانتظار الطريقة وسلامااااااااااااااااااااااااات
آخر مرة عدل بواسطة سودلهداب7 : 25-09-2008 في 12:59 AM
الفائزة االثالثة لاحلى مقبلات رمضانية "مُبدعة صيف 1430هـ "
ماما الاء ياروحى عليك والتعب لاكن معليشي كله يهون
ضحكتينى علي باب الحارة والله يستاهل هل المنجوه
المهم درتيلنا المقروض ونستنو الصور واحمد امتى يفضى
والصونيه لالا ليمونى احسن توا ندورولك صونيه نحسها مزعجه اكتر
ام ياسمين يالله الراجل جاية في خاطرة مقروض ديرله شبعه كان تبي حد ينقش معاك قولي
وعلى طريقك الكبش وكعك بتمر وياله يكمل
اللهم اغفر لوالدى وارحمه وعافه واعف عنه واكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الابيض من الدنس اللهم جازه بالحسنات احساناً وبالسيئات عفوا وغفراً يارب العالمين
النجم الذهبي
كيييييييييف حالكم يا جماعة الخير ... استاااااااااااااحشتكم هللللللللللبة
غير المدة هادي مشغوووووولة شوية وانشاء الله نفضى ونرجعلكم
وزي ماتعرفو سلفي عندي
وتعرفو حوسة رمضان والحوش صغير
والله مانحكيلكم اوخيتكم شن امدايرة في روحها
لاكن انشاء الله ايكون عندي وقت
حنونة كيف حالك ان السنفور وباقي البنات كلللللللللللكم والله استاحشتكم كلكم من غير فرق بينكم
حنونة الة دبلة الشام اني جبتها من تونس زماااان في بتاتي ههه لاكن ايبيعو فيها في ليبيا معاها فورمات اعتقد 3 اشكال .
فراشة وقلب ونجمة ... انسيت الدوة هادي من 3 سنين وسعرها في باب الحرية كان بي 4.5 دينار
اما في امريكا حتى هما ايبيعو فيها لاكن اغتق ب 20 دولار ...
ام السنفور نف الالة بالضبط
اسمعو اني طالعة توا ... راجلي يستنى فيا في فم الباب ويقولي هي واني انقوله ادقيقة انكمل هالكليمة وهو قريب يجيني
خخخخخخخخخخخخ
خلوني نمشي ورجعكلم بادن الله تحياتي للجميع
"مُبدعة صيف 1430هـ ""صاحبة الحضور المتميز بمطبخ لك" صانعة الأطايب
بنياتي بنياتي
حبيباتي حبيباتي
مع اني مقريضاتي شوية
لان سمديتنتي شوية
وماكانش عندي وقت ندور ونهتم هلبة بهذا الموضوع
وماكانش عندي الوقت مش ننقش نقش حلو نزيك
الا انني وعدت ولازم نوفي وعدي
والحق منقدرش انزل المقروض موضوع بروحه لين يمص عسله ونقدر نصوره بالشكل النهائي
ولهذا حنزل المقروض هني وخطواته
وتوة وليدي كيف دار ليا اول صورة بعد ما عسلته
وان شاء الله يعجبكم
ولنا موعد الليلة بعد ما يتم حميدة الصور
.. { إِنَّ رَبَّكَ لَبِالْمِرْصَادِ }..
النجم الفضي
ماشااااااااااااااااااااااااااااااااااااااااااااء اللهبنياتي بنياتي
حبيباتي حبيباتي
مع اني مقريضاتي شوية
لان سمديتنتي شوية
وماكانش عندي وقت ندور ونهتم هلبة بهذا الموضوع
وماكانش عندي الوقت مش ننقش نقش حلو نزيك
الا انني وعدت ولازم نوفي وعدي
والحق منقدرش انزل المقروض موضوع بروحه لين يمص عسله ونقدر نصوره بالشكل النهائي
ولهذا حنزل المقروض هني وخطواته
وتوة وليدي كيف دار ليا اول صورة بعد ما عسلته
وان شاء الله يعجبكم
ولنا موعد الليلة بعد ما يتم حميدة الصور
الله يسلم هاليدين الي زي الدهب
معليش يا بنات هادي حصتي
تبارك الله عليكي والله ما عندي ما نزيد غير ربي يحفظك من
العين ومن كل شر
عضو جديد
بنت بلادى منوره بالطبيلات فكره مش عاديه و فكرة الصوانى و الله ضحكتونى ربي يهنيكم انشاء الله ...
منوره ام الاء و يعطيك الصحه... بالحق تسلم ايدياتك
"مُبدعة صيف 1430هـ ""صاحبة الحضور المتميز بمطبخ لك" صانعة الأطايب
مساء الخير حبايب
نبدا المقروض باذن الله من غير عطلة فات من الوقت هلبببببببببة
المقادير:
كيلة سمدينة صفرة
ربع كيلة دقيق
ربع كيلة زيت قابلة للزيادة
يعين لو درت اربعة طواسي سميد حندير طاسة دقيق عادي وطاسة زيت وطبعا الزيت قابل للزيادة لان على نوع السمدينة متاعك وقداش تمص زيت
الحشو:
قالب تمر زينب او اي تمر معجون متوفر عندك
زيت نباتي عادي
كاشيك جنجلان
رشة قرفة
للعجن:
طاسة عطر
طاسة امية
للتزين:
جنجلان محمس
الطريقة:
اول شئ نديروه نبثثو المقروض
ناخدو نخلطو الدقيق بالسمادينة ونصبو عليه الزيت شوي شوية ونحركوه بكف اليد ومرة مرة نجمعوه بين يديك وتلوحيه فوق لو جمعت العجينة على بعضها معناها خلاص كويس زيتك لو تفترشت معناها زيدي شوي وخليه يرتاح زي ما تبي يعين حتى لو تبيه يبات في الثلاجة عادي كل ما يرتاح كل ما احسن
نوتو عوالة الشغل جنب بعض ونبدو الشغل
ناخدو شوية من العجينة وندعكوها بين ايدينا ونزيدوها شوي شوي عطر وامية مخلطين مع بعض
شوي شوي نلمها بالعطر والمية
وندعكها كويس بكف اليد على الرخامة وزمان كنا نديرو فيها على صواني ستيل او فوق طاولة اللوح كل وحدة تاخذ كميشة وتدعكها كويس لين تلم بعضها ومعاش تبدا متشققة
نحطو العجينة بين زوز نايلوات ونفردوها شوي شوي بالعصا لين يولي سمكها نص سم ونفس الشئ نديروه للتمر بس يكون اصغر من العجينة بشوي
واسفة جدا اني مصورتش هذي المرحلة لاني كنت مشغولة وايديا زيت ومقدرتش نشد الجهاز
وهذي النتيجة
ناخذو التمر نحطوه على حافة العجينة بالزبط بعد ما نساو كل الحواشي ونحو الزوايد المشنشبة
نلمو الطرف شوي شوي بنايلو
ونشدو الطرف كويس ونضغط عليه
بعدين نلف شوية شوية بمساعدة النايلو كانك بتلفي سويسرول مع الضغط شوي شوي
بعد ما نوصلو الحافة نساوها وانحي الزوايد اليل طلعت بالموس
نلفوها شوية بين ايدينا مع الضغط شوي شوي وكانك تكعكي في كعك وتنحيها بخفة من النايلو
بعد ما نساويها نقصها زي بعض وطبعا زي ما تعرفو مقدرتش نصور لاني لازم نشدها بايديا الزوز ومافي حد يساعدني ويصور ... اسفة جدا
المهم بعد ما نقصها نشدها ونحطها في الكف ونساوي كل الجهات
وهني ساعدتني اختي الصغيرة في التصوير ودارت روحها خبرة في التصوير بس للحق هيا صورت بيجامتي مش المقروض ههههههههه بس طلعت بهذي الصورة وبس
ونبدا ننقشها ونرقق شوي في النقشة وزي ما تبي تفنني
نستفها في الطاجين وهوب في لكوشة تكون مسخنة من قبل على درجة حرارة 180
تقريبا قعدت في الكوشة 35 دقيقة واين منحباش محمر هلبة يا دوب يصفر نسكر الكوشة ونخليه فيها حتى يمص كل صهد الكوشة بس من غير ما يتحمر
وهكي لونه لما يطلع
اني درت معصمين اليوم معصم سويسرول ومعصم مقروض عادي وباين في الصورة السويسرول اكبر من العادي
نغمره بالعقدة ومقاديرها زي اللي اندير فيها متاع مقروض
كيلة سكر كيلة امية قطرة ليم قارص
نذوبهم ونخليها فوق النار ونحط معاهم نص ليمة لما الليمة تولي لونها عسلية معناها طابت
يعين لونها زي العسل بالزبط
ناخدو طاسة عطر ونصبها على البارد ونحرك بالشوية لين يذوب العطر في القعدة من الحرارة ونزيد عليه عسل حقاني زي ما تبي ومتوفر عندك
نخلو المقروض راقد في القعدة يومين لين يمص كل العقدة
وبعدين نرشه بالجنجلان المحمس ونحطه في ورق بليسيه ونقدمه
وان شاء الله لنا عودة بعد يومين نشوفو كيف منظرة
ان شاء الله يعجبكم
وبالله ما تنسوش وليدي في الدعاء سهرته معاي اليوم هلبة ربي يفتح عليه ويرزقه ببنت الحلال اللي تفرحه وتنور حوشه وحياته وتجيبله الذرية الصالحة
تصبحو على خير بنياتي
.. { إِنَّ رَبَّكَ لَبِالْمِرْصَادِ }..
"مُبدعة صيف 1430هـ ""صاحبة الحضور المتميز بمطبخ لك" صانعة الأطايب
حبيبتي سودالهدب الحلو كله ليك ومنك يا عسل
شوفتي يا موف حركات االبناويت اليوم والله مقعمزة ونضحك بروحي بروحي ربي يعطيهم الصحة
ونبي تشجيع قوي لاني اول مرة نتشجع وندير مقروض بروحي بدون مساعدة ماما
وربي يفرحكم زي ما فرحتوني اليوم مصيتو بجوكم تعب اليوم كله
ربي يحفظكم ويقوي سعدكم
لنا عودة
وسلام يا عسل
.. { إِنَّ رَبَّكَ لَبِالْمِرْصَادِ }..
الفائزة االثالثة لاحلى مقبلات رمضانية "مُبدعة صيف 1430هـ "
تبارك الرحمن عليك وربي يفرح وليدك وينجيه ليك وان شاء الله تشوفيه عريس ويطيح في بنت الحلال اللي تزهيله خاطره وانتى ماشاء الله عليك شنى هالتواضع وتقولي نقشتى مش مواسيه والله ماشاء الله عليك الحق النقشة رقيقه وجايه قريبه من بعضها يعنى شغل نظيف مية مية وباين عليه جاي مهسهس ويدوب في الفم (( داب في فمى حسيته)) بجد سفهتينا فيه
وتبارك الرحمن عليك وربي يحفظك من كل عين وحاسد
الوشق يابنات
اللهم اغفر لوالدى وارحمه وعافه واعف عنه واكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الابيض من الدنس اللهم جازه بالحسنات احساناً وبالسيئات عفوا وغفراً يارب العالمين
أعضاء قرؤوا هذا الموضوع: 0
الروابط المفضلة