ام ياسمين احسن حاجه في شارعهم نقعمزو بيهم وكل وحدة تاخد صونية ليمونى وكاشيك ونخبطو بيهم لين اديرهولنا هههههه
ههههههههههه عجبتني الفكرة والصونيا عليا اني نجيبها معاي
|
للبحث في شبكة لكِ النسائية:
|
النجم الفضي
ام ياسمين احسن حاجه في شارعهم نقعمزو بيهم وكل وحدة تاخد صونية ليمونى وكاشيك ونخبطو بيهم لين اديرهولنا هههههه
ههههههههههه عجبتني الفكرة والصونيا عليا اني نجيبها معاي
الفائزة االثالثة لاحلى مقبلات رمضانية "مُبدعة صيف 1430هـ "
نبو كل وحدة بصونيتها باش نديرو صدعه كبيرة ههههههههههههههه وينها ماما الاء ان شاء الله المانع خير
اللهم اغفر لوالدى وارحمه وعافه واعف عنه واكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الابيض من الدنس اللهم جازه بالحسنات احساناً وبالسيئات عفوا وغفراً يارب العالمين
النجم الفضي
شكلها لاهية في المقروض ربي يعينها
"مُبدعة صيف 1430هـ ""صاحبة الحضور المتميز بمطبخ لك" صانعة الأطايب
مرحبتين عويلة
كيف حالكم
والله استاحشتكم
معقولة نطلع نص نهار من الحوش نجي نلقى بنياتي هايجين ومايجين وصوتهم طالع
حشمتوني والله ... وان اشاء الله يطلع المقروض عند حسن ضنكم بيا
واهو نقول ليكم اخر الاخبار
اليوم مشيت للشغل واني راقدة تقريبا
خشيت لقيت الدنيا منكوتة على الاخر وخدمة لوفق راسي خدمت للساعة واحد وقلت خلاص معاش نقدر خدمة ومطبخ وصيام والله خلاص معاش قادرة نتحرك
حطيت ذيلي في سنوني زي ما يقولو وركبت لمديرة الشؤن الادارية والمالية قلت ليها نبي اجازة احد واثنين يعني بصريح العبارة منبيش نجي الاسبوع الجاي نبيه عطلة كله
قالت ليا معليشي حبيبة المدة اهيا خدمة هلبة وكلها خدمة خارجية ولازم نتموها بعد العيد وصعب جدا ما تجيش تعالي حتى متاخر بس المهم لازم نتمو الخدمة
واني بديت نعيط وراسي بيتفجر يا ناس نبي اجازة خلاص رمضان خذي حصته معاي .. المهم من الاخير المديرة خدتني باللسان وخلتني نغير راي بس على شرط اني نجي متاخر الحاكم نبي نمشي للجامعة مش نسلم نسخ من الرسالة ونحدد موعد المناقشة اللي ما تبيش تجي بكل
بعدين نزلت للمكتب وندير في تشطيباتي النهائية قبل لنروح جتني بنوتة معاي قتلي خلي نمشو سوق الشط نشوفو حاجات فيه قلت ليها يلا مع اني واعدة بنياتي بمقروض بس لازم ناخذ بخاطرها
خذيت شنطتي ومشيت معاها وروحت متاااااااااااخر وطبعاً وراي الفطور
خشيت نجري للمطبخ بتثت المقروض وطلعت التمر من الفريز وتلفتت للفطور
درت الشريبة على السريع ودرت بستفورة حارة وباتشي حارة وما نبيكمش تسالوني شن هيا الباتشي الحارة
هذي يا حنة قالتها ليا اليوم مدام معاي زي العسل
قتلي خودي كيمة دجاج او لحم واقلي مكعبات بطاطا ولميهم مع بعض بجبنة المثلثات وبعدين شكليها زي الباتشي وحطيها في دحي وخبزة مرحية واقليها على السريع يا حنة قلت خلي نجربها والله كلعت بنة وصنة مش عادية بكل نويزكة على الاخر وتاكلت كلهااااااااااااا
فطرنا وضميت المطبخ ولقيت روحي راقدة مقعمزة وماما تقولي الاء القهوة نوضي اشربي القهوة واني نتمتم بالمقروض ونحلم بيه
مقرووووووض مقرووض مقروض مقرووووووووووووووض
شوية ثانية نسمع في صوت يقول باب الحارة نوضي مع العلم اني راقدة قدام التلفزيون
نضت على المطبخ طول معصمت المقروض واني نسمع في باب الحارة وهذاك عصام اللي خذي فلقة مليحة مسحت على قلبي لانه زعل امه الله يهديه
وجيت نقشت المقروض قدام التلفزيون عين مغمضة وعين مفتوحة وعينك ما تشوف الا النور والله جاني نقشاته بكل اضحك ههههههههههههههه ربك يستر وخلاص
واصلا اني درت طويجين يعني مخديتش وقت
حطيته في الكوشة وحطيت شربات فوق النار وقلت خلي انزل الصور متاع المقروض والباتشي حتى هيا لازن تشوفوها
ونزلت الصور توة وطلعت المقروض من الكوشة وطفيت فوق الشربات ودرتله شوية عسل حقاني بس الحق وليدي مش فاضي مش يخدم الصور يعني ما اعتقدش نقدر انزل المقروض اليوم ممكن غدوة الصبح وربك يستر فيه وشوية ثانية نعسله ونخليه يرقد في عسله يومين
ويا بنياتي هذه اخر الاخبار وااااااافية لاني منحبش الموجز بكل
وان شاء الله يعجبكم مقروضي ويكون عند حسن ضنكم
ولنا عودة
سلام يا امورات
.. { إِنَّ رَبَّكَ لَبِالْمِرْصَادِ }..
النجم الفضي
تعرفي ياام السنفور وصيت راجلي على تمر معجون جابلي زوز كيلو قتله شن هادا
شن ناوي على صفرتين مقروض ياحليلي شكله مازال عنده امل اللي يصير مني
في المقروض
لاش كنت ناوية اندير غريبة الحلقوم غيرت رايي قلت اندير الكبش خير على خاطر التمر اللي كدسه
"مُبدعة صيف 1430هـ ""صاحبة الحضور المتميز بمطبخ لك" صانعة الأطايب
ههههههههه عجبتني فكرة الصواني
حتى اني بصونيتي
بس معنديش ليموني ينفع ستيل كويس
بس ستيل زمني متاع جدودنا
بس والله حتى تقريبع صواين اللوح مية مية
الله يعطيك الصحة والله ضحكتوني من قلبي
ويا ام يسمينة الحبوبة هو كله طاجين يعين مش متاع شد ايدين وهكي
يعني كله نص ساعة بين تمعصيم ونقش لاني درته سريع بكل
ربي يجعل ايامكم كلها فرح في فرح
لنا عودة حبايب
.. { إِنَّ رَبَّكَ لَبِالْمِرْصَادِ }..
"مُبدعة صيف 1430هـ ""صاحبة الحضور المتميز بمطبخ لك" صانعة الأطايب
كتبت بواسطة ام ياسمين ليبيا
الله يعطيك الصحة يا روحي ويخلي ليك راجلك
واديري مقروض ستافي ستافي
لين الكوش تتسكر ومعاش تعرفي كيف ترميه من الكثرة
وتجي لكوشتي اني مش نطيبه وناخذ نصه ناكله بروحي
سلم ايدياتك يا رب
.. { إِنَّ رَبَّكَ لَبِالْمِرْصَادِ }..
النجم الفضي
ياودي منورة يالاء وخلاص سلمها الناشطة
ونستنو في غدوة على احر من الجمر
النجم الفضي
معليشي بنسالك سؤال
اطيبي في مقروضك في كوشة الغاز والا الكوشة الكهربية؟
"مُبدعة صيف 1430هـ ""صاحبة الحضور المتميز بمطبخ لك" صانعة الأطايب
منورة بوجودك يا حلوة
وسلامتك من الجمر يا روحي
والله بنشد في احمد يديرهم اول ما يفضى والله يعينه
.. { إِنَّ رَبَّكَ لَبِالْمِرْصَادِ }..
أعضاء قرؤوا هذا الموضوع: 0
الروابط المفضلة