للبحث في شبكة لكِ النسائية:
|
والله ماشاء الله عليك ياماما الاء شنوا هل النجيصات وهل الغربية والله شكلهم بنة وصنة
ربي ان شاء الله يحفظك ويسلم ايديتك
مشكورة والله يعطيك العافية
الله يسلمك يا حبيبة
الكعك الحلو نزلته قبل يا ريت تشوفي الصفحات اللي قبل
نزلت طريقة المنياكة بس توة والله ما نتفكره
بس تقريبا زي ما قلتي طاستين بطاسة
وكاشيك صغير منياكة وكاشيك صغير بكمبودر وكمامين وما يعجنهم دقيق
واكيد فيه بكمبودر
بس اني نعجن فيه بارد وماندفي المية بكل
راجي الصفحات اللي قبل وان شاء الله تلقي غايتك
سلام يا عسل
.. { إِنَّ رَبَّكَ لَبِالْمِرْصَادِ }..
اهلين جمولة
والله انتي ايديك اللي ينباسو لانك فتحتي لينا هذا الموضوع
الله يعطيك الصحة
جمعتي كل الطاقات الليبية هني
وزاد الموضوع من حماسنا
والله بديت نطيب باليمين ونصور باليسار
وحتى العيلة عندي فرحانين بيكم وديما يسالو فيا شن صار
خذيتو عقولنا وقلوبنا
الله يعطيك الصحة وهنيا لينا بيك
.. { إِنَّ رَبَّكَ لَبِالْمِرْصَادِ }..
السلام عليكم و رحمة الله و بركاته
يسلموا الايادي ماما الاء
اختي mof
بالنسبة للكعك الحلو هذه طريقة الكعك يذوب فيها في الفم
كوبين زيت نضيف لهم كوب ماء ساخن مذاب فيه كوب سكر و نضيف ظرفين
بيكنج بودر كاملات و الدقيق مايعجن.
و اذا كنتي تبي تبرميه بيديك ضيفي الكمامين
اما اذا كنتي تبي تشكليه بالفورمة اللي تركب على ماكينة الطماطم الزمنية
اللي يطلع بها شكل الكعك منبرش روعة
ماتضيفيش الكمامين لانها تغلق الفتحة و ماتخليش العجينة تطلع.
جربيه على ضمانتي و قوليلي رأيك
صحتين و عافية
بسم الله ماشاء الله عليكم يا ليبيات تشرفو وترفعو الراس
وفي وحدة هنايا الصراحه انبهرت بيها تبارك الرحمن
لدرجه انى نتفرج ونقول ماشاء الله ربي يحفظها اكيد عرفت روحها
وهى ماما الاء
سفهتينى في حلاوات العيد وانى مشغوله لين خلاص
والله يومها بنات عمتى عطونى اكلات جديدة بس كنت لاهيه نسيت ماكتبتهمش وحدة اسمها العصيبينة والتانية اسمها بريطانيا ماعرفتش علاش هكي اسمها لاكن هادا اسمها وهادو اكلات حارة مش حلويات
انى باذن الله حنتابع الموضوع ونتفرج عليكم ونعطيكم راييي
اللهم اغفر لوالدى وارحمه وعافه واعف عنه واكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الابيض من الدنس اللهم جازه بالحسنات احساناً وبالسيئات عفوا وغفراً يارب العالمين
اهلا بيك ام سنفور منور الملف
شكلك طباخة نويشطة حتي انت يلا ورينا ابدعاتيك وقولينا طرق يلي اسمها العصيبينة والتانية يلي اسمها بريطانيا باهي نستوا فيك
جميلة
تعرفي والله نسيتهم لانها كتبتهم علي الماسنجر تعرفي انى متغربة
وبعدين انى الويكند اللي فات اللي هو امس واول امس انتقلت لمدينة تانيه يعنى حتى اللي نعرفه نسيته فمابالك الجديد
لاكن اول مانكلم وحدة من بنات عمتى نقوللها تعطيهولي تانى ونكتبلهملكم
اللهم اغفر لوالدى وارحمه وعافه واعف عنه واكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الابيض من الدنس اللهم جازه بالحسنات احساناً وبالسيئات عفوا وغفراً يارب العالمين
يا ودي زايدة معاك
والله كلامك ما نعرف كيف نرد عليه
ربي يهنيك ويفرحك معانا
والله اللمة حلوة على الاخر وتحسسك انك تعرفي البنات من سنين
ربي يخلينا لبعض وما يحرمنا من طلتك الحلوة
وما تنسيناش بدعواتك
وكل يوم مري علينا هني تلقي كل جديد
وبالنسبة للعصيبينة هذي اول مرة نسمع بيها ممكن بالشكل نزبطها يا ريت توصفي شكلها بريطانيا تقريبا نفسها الجزيرة
لان الاسماء مختلفة والطرق نفسها
وان شاء الله نقدرو نفيدوك
سلام يا عسل
.. { إِنَّ رَبَّكَ لَبِالْمِرْصَادِ }..
الروابط المفضلة