الله عليك ياليبيا وعلي بناتك الله يحفظكم من العين ويعطيكم ربي الصحة

رمضان كريم
انشالله ديما ملتمين علي الخير
ورحبوا بيا اخت جديدة ليكم

كيف حالكم ياريت تقدروا تساعدوني اني درت طريقة القطر زي ماكاتبتها ماما الاء ص 117 لكن

نحس في طعمتها زي الحلوة الي يقيمو بها الشعر فلما حليتها بطاسة مية لقيت نفس البنة

قاعدة فزدت حليتها ومافيش تغيير قولولي هي هكي طعمتها ولا كيف اني مش مدايرة عسلة

قبل هكي واني بنعسل بيها عووامة ولا كان درت بسبوسة مش عارفة متلخبطة ياريت تفيدوني

وكل سنة وانتو طيبيين

كيتي ماشاءالله حاجاتك تجنن ربي يسلمك ويرزقك الذرية الصالحة بنسالك خبزة الكسكاس اني

الفرن متاعي عيونه كهرباء معناه الكسكاس مايفسدش ونقدر انطيب عليه كسكسي ولاندير واحد خاص

لخبزة الكسكاس

السلاة عليكم
طريقتي في طاجين الجبن: معدنوس, بصل, لحم مفروم او دجاج بطاطا مقطعة مكعبات, اجبان ممكن اكثر من نوع, مثلثات ,شرائح, منزوريلا شيدر ممكن خليط من هذا كله,بيض,خبز مرحي
الطريقة نقلي البطاط ونقلي البصل في قليلا من الزيت حتى يذبلويضاف له المفروم ويقلب حتى ينضج ويضاف له ملح وفلفل اسود.تهرس البطاط مع المعدنوس في مهراس وتضاف الي لحم المفروم وتضلف الاجبان والبيض وخبزة المرحية.توضع في طاجين وتدخل الفرن ملاحظة ممكن اضافة كركم للحم عند قليه مع البصلة وليس البزار.
الطاجين الثاني : معدنوس بصل,بطاطا,ممكن اضافة انواع اخرى خضروات مثل بادنجان, قرعةبيضة, فلفل اخضر, لحم مفروم اودجاج, بيض,خبزة مرحية, جبنة اي نوع, قليل من الحرارات
تقلى الخضروات,بعد تقطيعها مكعبات صغيرة ونقلي البصل في قليلا من الزيت حتى يذبل ثم يضاف اللحم المفروم ممكن اضافة الكركم يعطي لون وطعم حلو ,ويضاف ملح وفلفل اسودحتى ينضج اللحم نخلط اللحم مع الخضروات والبيض والخبزة المرحيةو الجبنةو المعدنوس والحرارات, توضع في الطاجين وتدخل الفرن

بارك الله فيكم خياتي
كيتي والله مشروعك في غاااااااااااااااااااااااااية الروعه
وانا معاك مع اني راهو مش قوي في تططيب حاجات عاااااااااااااااااااااديه على الاخر
ونانا ربي يوصلك سالمه يا غاليه
وجيت يا رمضان يا مرحبا بلجايا ونورت يا رمضان يا .........نسيت الباقي هههههه
تتفكرو فيها الاغنيخ هادي اللي في ليبيا ديما يجبو فيها نحبها لين خلاص ههههههههه
زعمك قاعدين يجيبو فيها؟

كتبت بواسطة جميلة الكون

اهلين بااسيرة السهر تي وينك وين هالغيبة هدي كلها كيف حالك وشنوا اخبارك نورتي الملف مرة تانية و كل سنة وانتي طيببة بمناسبة رمضان
خيره لاباس علي وليدك ان شاء الله ربي ينوضه بالسلامة


كيتي كيف حالك وشنوا اخبارك بالنسبة للملف اني اقتراحي نفتحوه في ركن الاطباق الرئيسية علاش لانها حاتكون سفرة متنوعة فيها كل شي وان شاء الله نفيدوا ونستفيدوا ورمضانك مبروك
ان شاء يارب يرزقك بالذرية الصالحة انتي ونانا يارب العالمين

أهلين بجمولة الكون كله .... كيف حالك انتي نورتي ملفك يا غالية

أني حالي مية مية و فرحانة أهو رمضان قرب و ريحته فاحت ما شاء الله

و بالنسبة للإقتراح متاعك كويس مية مية الحق
راح نسعى نفتحه غادي ان شاء الله يوم الخميس و راح نحط الرابط هنا بقدرة قادر

و بارك الله فيك على الدعيوة الحلوة يا حبيبة

و بالله عليك ما تغيبيش علينا و ديما نورينا بطلتك

كتبت بواسطة فرجانية

رمضان كريم
انشالله ديما ملتمين علي الخير
ورحبوا بيا اخت جديدة ليكم

مرحبتين بوخيتنا فرجانية و نورتي الملف بحضورك

و يا ريت تشرفينا ديما و ما تغيبيش علينا

كتبت بواسطة FARFORA

كيف حالكم ياريت تقدروا تساعدوني اني درت طريقة القطر زي ماكاتبتها ماما الاء ص 117 لكن

نحس في طعمتها زي الحلوة الي يقيمو بها الشعر فلما حليتها بطاسة مية لقيت نفس البنة

قاعدة فزدت حليتها ومافيش تغيير قولولي هي هكي طعمتها ولا كيف اني مش مدايرة عسلة

قبل هكي واني بنعسل بيها عووامة ولا كان درت بسبوسة مش عارفة متلخبطة ياريت تفيدوني

وكل سنة وانتو طيبيين

أهلين بفرفورة .... كيف حالك ان شاء الله بخير

المهم العقدة اللي كاتبتها ماما آلاء كويسة مية مية و انتي على حسب الحلو اللي مدايرتيه هل تبيله عسل ثقيل و الا خفيف

بالنسبة لعقدتي اني اندير في طاسة سكر و طاستين مية و نعصر نص ليمة بس لأنه الطاسة اللي نستخدم فيها صغيرة يعني على حسب الحلو اللي مدايراته

و نخلي السكر يغلي لين نتأكد من تعقيده عن طريق الكاشيك ناخد شوية من السكر و نبردها شوية و نشدها بإيدي لو تعسلت معاي و شدت ما بين صوابعي يعني ولت خيوط بينهم خلاص نسكر عليه و نزيده كشيك و الا اثنين عسل طبيعي و نزيده شوية عطر و الا زهر على حسب ما نبي كثافة العسل

و بالنسبة لبنتها أكيد راح يكون زي الحلوة اللي نستخدمو فيها بس راح يكون طعمها بالزهر أو العطر و فيها عسل طبيعي

و ان شاء الله نكون أفدتك

كتبت بواسطة FARFORA

كيتي ماشاءالله حاجاتك تجنن ربي يسلمك ويرزقك الذرية الصالحة بنسالك خبزة الكسكاس اني

الفرن متاعي عيونه كهرباء معناه الكسكاس مايفسدش ونقدر انطيب عليه كسكسي ولاندير واحد خاص

لخبزة الكسكاس

الله يبارك فيك على الدعيوة الحلوة يا غالية

أني أشرت في طريقة خبزة الكسكاس انه لو استخدمتيه لهذه الخبزة راح تستغني عليه للأبد لأنه الفرن اللي عندنا يشتغل بالغاز و لما تغمي الغاز راح تطلع منه غبرة كحلة تخلي لونه من داخل شوية غامق و مش راح تقدري تستخدمي الكسكاس هذا في حاجة ثانية غير تطييب الخبزة عليه

أما بالنسبة لو كان الفرن متاعك يشتغل على الكهرباء فبإمكانك انك ما تستغنيش عن الكسكاس لأنه مش راح يخرب منك و اني مجربته أكثر من مرة في بريطانيا و الكسكاس ما صارله شيء قاعد كيف ما هو

يعني بالمختصر المفيد ديري واحد خاص للخبزة هذه مادامك تستخدمي في الغاز بدل الكهرباء

و كل سنة و انتي طيبة يا حبيبة

كتبت بواسطة mehad

السلاة عليكم
طريقتي في طاجين الجبن: معدنوس, بصل, لحم مفروم او دجاج بطاطا مقطعة مكعبات, اجبان ممكن اكثر من نوع, مثلثات ,شرائح, منزوريلا شيدر ممكن خليط من هذا كله,بيض,خبز مرحي
الطريقة نقلي البطاط ونقلي البصل في قليلا من الزيت حتى يذبلويضاف له المفروم ويقلب حتى ينضج ويضاف له ملح وفلفل اسود.تهرس البطاط مع المعدنوس في مهراس وتضاف الي لحم المفروم وتضلف الاجبان والبيض وخبزة المرحية.توضع في طاجين وتدخل الفرن ملاحظة ممكن اضافة كركم للحم عند قليه مع البصلة وليس البزار.
الطاجين الثاني : معدنوس بصل,بطاطا,ممكن اضافة انواع اخرى خضروات مثل بادنجان, قرعةبيضة, فلفل اخضر, لحم مفروم اودجاج, بيض,خبزة مرحية, جبنة اي نوع, قليل من الحرارات
تقلى الخضروات,بعد تقطيعها مكعبات صغيرة ونقلي البصل في قليلا من الزيت حتى يذبل ثم يضاف اللحم المفروم ممكن اضافة الكركم يعطي لون وطعم حلو ,ويضاف ملح وفلفل اسودحتى ينضج اللحم نخلط اللحم مع الخضروات والبيض والخبزة المرحيةو الجبنةو المعدنوس والحرارات, توضع في الطاجين وتدخل الفرن

ما شاء الله عليك يا نهاد طواجينك بنة و صنة و تعرفي لما سئلتني أختي أسيرة السهر توقعته طاجين متاع الجبنة مش طاجين الجبن خخخخخخخخخخخخخخخخخخ

يا و الله عليك حالة و خلاص

كتبت بواسطة libyaa2

بارك الله فيكم خياتي
كيتي والله مشروعك في غاااااااااااااااااااااااااية الروعه
وانا معاك مع اني راهو مش قوي في تططيب حاجات عاااااااااااااااااااااديه على الاخر
ونانا ربي يوصلك سالمه يا غاليه
وجيت يا رمضان يا مرحبا بلجايا ونورت يا رمضان يا .........نسيت الباقي هههههه
تتفكرو فيها الاغنيخ هادي اللي في ليبيا ديما يجبو فيها نحبها لين خلاص ههههههههه
زعمك قاعدين يجيبو فيها؟

أهلين بليبيا أهلين بالحبوبة

أسعدتيني انك راح تشاركي ... و عادي أني بروحي مش قادرة ندير حاجة زيكم حلوة لكن أهو باش نفيدو و نستفيدو

و مرات تكون حتى اعانة للأخوات .... لأنها مرات تكون حايرة شن بدير فطور غدوة و الا عندها عزومة .... تفتح الملف اللي بنديروه و تشوف كيف مطبقين البنات و شن مدايرين و كيف مقدمين السفرة .... تلقى روحها و كأنها فيه حد يعاون فيها و يقترح عليها شن ادير

خخخخخخخخخخخخخخخ بالنسبة للأغنية ما عادش سمعتها ليا سنين و نسيت حتى كلماتها لين فكرتيني بيها الله يعطيك السلامة

و الله فرحانة هلبة بيه و ربنا يقدرنا على صيامه و على قيامه

مصلى عالنبى عليكم ياسمحات نويشطات ومعبيات الملف
كيتى قوقو ربي يعطيك على قيس نيتك ويعطيك مافى بالك ياااارب
حويجاتك كلها روعه ونزيكه ربي يسلم ايدياتك ويحطهم فى الجنة
وانى معاكم وين ماتكزنزا غر راهو متنقدرش نزل لا تطبيق ولا اى حاجة من اللى ندير فيهم لانه البيق بوس متاعة (شنبيرى) مش عاطينى الاذن ومايبيش لهذا حنكتب اللى نقدر عليه

كل سنه وانت بالف خير ورمضانكم ومبروك جميعا وربي يقدرنا على صيامه وقيامه وينعاد عليكم بالصحة ان شاء الله والسلامه

كتبت بواسطة روني الحلوة

مصلى عالنبى عليكم ياسمحات نويشطات ومعبيات الملف
كيتى قوقو ربي يعطيك على قيس نيتك ويعطيك مافى بالك ياااارب
حويجاتك كلها روعه ونزيكه ربي يسلم ايدياتك ويحطهم فى الجنة
وانى معاكم وين ماتكزنزا غر راهو متنقدرش نزل لا تطبيق ولا اى حاجة من اللى ندير فيهم لانه البيق بوس متاعة (شنبيرى) مش عاطينى الاذن ومايبيش لهذا حنكتب اللى نقدر عليه

كل سنه وانت بالف خير ورمضانكم ومبروك جميعا وربي يقدرنا على صيامه وقيامه وينعاد عليكم بالصحة ان شاء الله والسلامه

سلمها يا ربي و نجيها و نجي شنبيره هللي ما يعرف غيره ( خخخخخخخ أغاني زمزامات )

ربي يحفظكم لبعض يا روني و الحزارة حلوة من الراجل يا حبيبة .... سلملك هالحزار يا ربي

و ربنا حتى انتي يعطيك ما في بالك و يجعل رمضان مبارك عليك و على عيلتك و على كل أمة محمد يا رب و ربنا يعوده علينا بالخير و البركة و التوبة الى الله

و يا حبيبة بالنسبة للملف اللي بنفتحوه مش لازم تصور غير طلتك علينا تكفي يا سمحة .... و كانك قدرتي تكتبي شن درتي كل يوم تكوني مشكورة و ممنونين منك يا حبيبة .... ما دابينا بنستفيدو من الغاليات كلهم

و ربنا يحفظك و يحفظلك مولى بيتك