مرحبتين ياكيتي ما نحسابكش قاعدة
منورة الملف بطلاتك
وفكرة ركن المعجنات يمكن تكون انسب فعلا وانا معاك

ممكن نسأل عن طريقة طاجين الجبنة ....عاد توا تقولوا عليا ماقدمها
بس حبيت نتأكد هل هي نفس طريقتي والا لا

كتبت بواسطة اسيرة السهر

مرحبتين ياكيتي ما نحسابكش قاعدة
منورة الملف بطلاتك
وفكرة ركن المعجنات يمكن تكون انسب فعلا وانا معاك

انتي اللي منورتينا بنورك يا حبيبة

الله يسعدك كيف اسعدتيني بمشاركتك و ربنا يتقبل منا و من الجميع رمضانا الكريم

كتبت بواسطة اسيرة السهر

ممكن نسأل عن طريقة طاجين الجبنة ....عاد توا تقولوا عليا ماقدمها
بس حبيت نتأكد هل هي نفس طريقتي والا لا

أني عندي طاجين جبنة لكن بالبطاطا

و راح نقولك عليه و ان شاء الله يطلع هو :

تاخدي بطاطا متوسطة الطولو الحجم و تقصيها كيف ما تقصي البطاطا للمبطن و يكون عددها على حسب الطاجين اللي عندك ... تقليها كويس و ما تخليهاش تتحمر هلبة
و خودي طاجين و ستفي فيه الطبقة الأولى شرائح البطاطا المقلية و بعدين رشي عليها الجبنة اللي خاطرك فيها أني نحط في الجبنة التشدر و الموتزريلا و نرش شوية زعتر عليهم و نستف طبقة ثانية من البطاطا المقلية و نرش عليها جبنة و زعتر و بعدين آخر طبقة جبنة و زعتر و رشقيها بالزيتون و حطيها في الفرن لين تسيح الجبنة و تتحمر و بعدها خليها حتى ساعة تبرد و قصيها و راهي مش عادية لكن قوية هلبة يعني طرف و بعدها تفقدي الوعي من الحلاوة

تقدري ادير طبقتين بطاطا و بينهم جبنة بس و ترشي من فوق جبنة يعني الطبقات اختيارية

و حاجة ثانية لو حبيتي البطاطا مبهرة ... قبل لا تقليها قصيها شرائح و حطيلها ملح و البهار اللي تحبيه و خليها ساعة تمص البهار و بعدها اقليها تعطيك ريحة مش عادية في الطاجين

و ان شاء الله انكون أفدتك

بالنسبة للجبنة تكون كمية لا باس بيها باش تغطي البطاطا و الشقوق اللي بينهم

كتبت بواسطة kittygago

انتي اللي منورتينا بنورك يا حبيبة

الله يسعدك كيف اسعدتيني بمشاركتك و ربنا يتقبل منا و من الجميع رمضانا الكريم

الله يسعدك ويهنيك ياغالية ويرزقك بالذرية الصالحة وينولك اللي في بالك

كتبت بواسطة kittygago

أني عندي طاجين جبنة لكن بالبطاطا

و راح نقولك عليه و ان شاء الله يطلع هو :

تاخدي بطاطا متوسطة الطولو الحجم و تقصيها كيف ما تقصي البطاطا للمبطن و يكون عددها على حسب الطاجين اللي عندك ... تقليها كويس و ما تخليهاش تتحمر هلبة
و خودي طاجين و ستفي فيه الطبقة الأولى شرائح البطاطا المقلية و بعدين رشي عليها الجبنة اللي خاطرك فيها أني نحط في الجبنة التشدر و الموتزريلا و نرش شوية زعتر عليهم و نستف طبقة ثانية من البطاطا المقلية و نرش عليها جبنة و زعتر و بعدين آخر طبقة جبنة و زعتر و رشقيها بالزيتون و حطيها في الفرن لين تسيح الجبنة و تتحمر و بعدها خليها حتى ساعة تبرد و قصيها و راهي مش عادية لكن قوية هلبة يعني طرف و بعدها تفقدي الوعي من الحلاوة

تقدري ادير طبقتين بطاطا و بينهم جبنة بس و ترشي من فوق جبنة يعني الطبقات اختيارية

و حاجة ثانية لو حبيتي البطاطا مبهرة ... قبل لا تقليها قصيها شرائح و حطيلها ملح و البهار اللي تحبيه و خليها ساعة تمص البهار و بعدها اقليها تعطيك ريحة مش عادية في الطاجين

و ان شاء الله انكون أفدتك

ياساتر ... هذي كلها حلاوة لين بنفقد ..وزعما كان كليت طرفين شن بيصير ...والا ماظنيت نلحق في التاني

كتبت بواسطة kittygago

بالنسبة للجبنة تكون كمية لا باس بيها باش تغطي البطاطا و الشقوق اللي بينهم

سلمها ياربي هالكيت ....مشكورة على ردك عليا بسرعة الله يخليك وينجيك ويحفظك

تسلمي يا أسيرة على الدعيوة الحلوة و احنا في الخدمة

و رمضانك مبروك و ربنا يشفي وليدك و ينوضه بالسلامة

اهلين بااسيرة السهر تي وينك وين هالغيبة هدي كلها كيف حالك وشنوا اخبارك نورتي الملف مرة تانية و كل سنة وانتي طيببة بمناسبة رمضان
خيره لاباس علي وليدك ان شاء الله ربي ينوضه بالسلامة


كيتي كيف حالك وشنوا اخبارك بالنسبة للملف اني اقتراحي نفتحوه في ركن الاطباق الرئيسية علاش لانها حاتكون سفرة متنوعة فيها كل شي وان شاء الله نفيدوا ونستفيدوا ورمضانك مبروك
ان شاء يارب يرزقك بالذرية الصالحة انتي ونانا يارب العالمين

ماشاءالله عليكن يا بنات بلادي ربي يعطيكن الصحة ان شاءالله

وعيني عليكن باردة