اتفضلوا كيكتى المتواضعة :::::::::::::::::::: كيكة الفروتى
بسم الله الرحمن الرحيم
انا سألتكم قبل كدة عن كيكة كنت شوفتها هنا فى المنتدى
صاحبتها عملتها بالفروتى وانا نسيت طريقتها
وماحدش رد عليا فى نفس اليوم
فقررت انى اعملها من دماغى وخلاص
والحمد لله طلعت جميلة وطعمها حلو اوى
ولونها اصفر وهشة
( انا مش خبيرة كيكات ولا حاجة )
المهم شوفوا طريقتى وقولولى رأيكم
المقادير:
2 ك دقيق
3/4 ك زيت
3 بيضات
1 ك لبن
1 بكينج بودر
2 كيس فانيليا + 3 نقط ليمون
1 ك سكر
1 كيس فروتى ب 50 قرش
الطريقة :
نضيف الفانيليا والليمون للبيض ويخفق بالمضرب
نضيف السكر والزيت ونكمل الخفق
نضيف البكينج بودر والفروتى للدقيق
نضيف الدقيق للخليط السابق بالتناوب مع اللبن ويخفق
يصب الخليط فى صينية مدهونة بالزيت
وتوضع فى الفرن لمدة 45 دقيقة فى الرف الاوسط
وادى الصور
كان فيه صور اكتر من كدة قبل دخولها الفرن
وصور من الجنب بس للاسف اتمسحت
يارب تعجبكم
رد مع الاستدلال
كتبت بواسطة عاشقة الرسول(ص)
الروابط المفضلة