بصراحة انا اول مرة اكلت الكيكة ديه كان عند اخوتى وكان البلح صحيح فى قلب الكيكة ولانى بحبة جدا قررت اجربها بطريقة مختلفة
المقادير
1.5 كوب دقيق - كوب سكر بودرة- نصف كوب زبدة- 3 بيضات- ملعقة كبيرة بيكنج بودر - فانيليا- نصف كوب لبن- بلح حسب ما تحبى بس مش كتير لانك هتهرسيه
الطريقة
نضرب الزبدة مع السكر حتى يمتزجا تماما
- يضاف البيض والفانيليا واللبن ونستمر فى الخفق
-نضيف البلح على الخليط السابق ونستخدم آلة الهرس علشان نهرسه مع الخليط او ممكن تهرسيها برة فى الكبة او باى طريقة تعجبك وبعدين تحطيها على الخليط
- يضاف الدقيق مع البيكنج بودر ويخلط العجين جيدا
- تبطن الصينية بالسمن ويرش عليها دقيق ثم نضع الخليط فيها وتخبز فى فرن منوسط الحرارة
ملحوظات هاااااامة :
- لازم الكوب اللى تستخدمية ف المقادير يبقه من نوعية واحدة يعنى ما ينفعش انك تستخدمى كوب كبير وكوب صغير سواء فى الطول او الحجم
- مهم جدا اننا نخفق الخليط مدة كافية علشان هو ده اللى هيخلى العجينة هشة
- لو مش عايزاها تطلع مسكرة قوى قللى السكر فى الكيكة انا بحبها السكر باين شوية مش عارفة ايه الوضع بالنسبة لكم بس خالى بالك ان البلح نفسه مسكر




يا رب تعجبكم على فكرة هى قيمتها الغذائية عالية جدا انا دايما بعملها لابنى

مشكورة حبيبتى على الوصفة الجميلة

يسلموووووووووووا على الوصفة الجميلة

مشكوررررررررررررررة

مشكورة على الوصفة

مشكوره حبيبتي وصفه حلوه

ماشاء الله عيكى يا حبيبتى تسلم ايدك

مرسي حبيبتي اناناس على الوصفة
يسلمو ايديك

اشكركم اخواتى وربنا يخليكم لى بس خالوا بالكم ديه بتبوز اى رجييم واسالونى انا ههههه

تسلمي الف شكر