✿*وصفة متميزة*✿قررت اخرب الرجيم اليوم اجيت وجبتلكم قدرة قادر معي يارب تعجبكم
مساكم الله بالخير وأسعد ايامكم واوقاتكم يارب
الي زماااااااااان زمااااااااااااان ما نزلت شيء بأركان الاطباق جميعها
وكتير بخاف ادخل على الاركان كمان
لاني عامله رجيم وخايفه أضعف أمام وصفاتكم الحلوة والرائعه
واليوم حكيت لازم أقوي قلبي جامد وأنزل أكم طبق ألهم مده عندي بالجهاز يارب ينالوا اعجابكم ورضاكم يارب
قدرة قادر كتير في بخافوا يعملوها وانا كنت وحده منهم بس اتشجعت كتير وحكيت لازم اعملها
طبعا شفت وصفات كتير الها وطرق عديده وما شاء الله الصبايا بالمنتدى ما تركوا وصفه والا نزلها عنها
انا اعملت الوصفه بطريقتي علشان اذا خربت لسمح الله ما الوم حد
اعملت مقادير الكريم كراميل الي بعملهم دائما لاهل بيتي وللضيوف وكمان الكيكة بطريقتي الي سبق ونزلتها
وامانه انه الصور الي بنزلهم بوصفة اليوم كانوا لاول مرة بعمل فيها الوصفه من أشهر يمكن اربع او خمس اشهر
وطلعت روووووووووووووووعه وأعملتها بعدها كتير وأخذتها كمان هديه لاختي
المهم برمنا كتير صار لازم نتعرف على مقادير وصفتنا وطرق اعداتها
كل طبقه رح احط مقاديرها وخطواتها
بسم الله نبدأ
السكر كراميل
بسيط جدا والكل بعرف يعمله طبعا أنا استخدمت كوب سكر مع 3 ملاعق طعام ماء وضعتهم في قالب الكيك على الغاز واذبت السكر حتى صار لونه بني وانتبهي ما تحرقيه كتير للسكر وزعي السكر المحروق في قعر القالب كويس وعلى داير القالب واتركيه
مباشرة ابدئي بتحضر الطبقه الثانيه
الكريم
في خلاط العصير ضعي 4 بيضات و1 كوب حليب بودرة و 2 كوب ماء 1\2 كوب سكر 4ملاعق فانيلا برش ليمونه +عصير نصف ليمونه للتخلص من زفارة البيض
اخلطيهم في خلاط العصير دقيقتان ثم اسكبي الخليط فوق السكر المحروق في القالب
في هذه الاثناء ضعي ماء على الغاز لكي يغلي وذلك لنضع القالب في حمام مائي بعد الانتهاء من تجهيز الطبقه الاخيره وهي الكيك
الطبقه الاخيره
الكيك بطعم الشوكولا
المقادير
3 بيض
1كوب حليب سائل
1\3 كوب سكر وممكن اكتر حسب الرغبه انا بحبه يكون خفيف علشان يتماشى طعمه مع الكريم كراميل
نصف كوب زيت
2كوب دقيق ممكن اكتر او اقل حسب نوع الدقيق المستخدم ودرجة الرطوبه
3ملاعق طعام كاكاو
1ملعقه نسكافيه
2 فانيلا
2 بيكم باودر
"ممكن ان تعملي اي كيكه معتمده عندك"
الطريقه
اخفقي البيض مع الفانيلا حتى يصبح رغوة ثم اضيفي السكر واستمري بالخفق حتي يصبح متل الكريمه ضعي السكر والزيت واخفقي جيدا "انا استخدمت الخفاق الكهربائي ممكن انتي تستخدمي خلاط العصير حسب رغبتك" ثم نبدأ بأضافة الحليب والدقيق والكاكاو والنسكافيه بالتدريج بعد الانتهاء منهم نضع البكم باودر
هلأ اجينا للخطوة الي بخاف منها معظمنا وهي كيف بدنا نضيفهم على بعض يا لهوي رح يخرب كل شيء ويصير لغويصلا تخافي اسكبي الكيك في القالب فوق طبقه الكراميل والكريم وضعي القالب في حمام مائي ساخن وضعيه في الفرن محمي على نار هادئه 180 درجه تقريبا لمده 40 الى 45 دقيقه لكن بعد مرور 30 دقيقه افقدي الكيك وتأكدي من نضجه بغرز عود خشبي في منتصف القالب اذا خرج العود نظيف يعني القالب نضج واذا خرج لزج يعني لسه بده كمان وقت
بعد نضوج القالب اتركيه يرتاح نصف ساعه وانا بقلبه بعد نص ساعه ما بتركه في الثلاجه
وعلشان تضمني انه يقلب جيبي سكيني ومرريها على حافة القالب حتى تحريه ما يلتصق الكيك في القالب واقلبيه وقدميه رح يعجب ضيوفك كتير ويعجبن
وسبحان الله بقدرة قادر بعد ما يكون اختلطت المواد كلها مع بعض بتنفصل وبتشكل طبقات بقدرة قادر
وعلشان هيك اسمه قدرة قادر
دعواتكم لاهل بيتي وبان يرد الله غيبة زوجي بالسلامة
رد مع الاستدلال
كتبت بواسطة **ام البنات **
الروابط المفضلة