مسسسسساء الخير
جايبتلكم حلو عملته امبارح يا رب يعجبكم . الكلاج الفلسطيني أكلة حلو من تراثنا
المقادير: كيلو عجينة كلاج شغل بيتي والله مو انا عملتها عنا ست محترمة بتعملها في البيت وبتبيعها جاهزة للشغل . ومعلقتين سمنه كبار . وقطر جاهز
الحشوة : نص كيلو لوز مطحون وسط . وقية جوز برضو مطحون وسط . معلقتين سكر . معلقة قرفة . اربع ملاعق جوز هند . واذا اي حد بحب يضيف شي للحشوة برجع لذوقه
الطريقة .: العجينة متل ما انتو شايفين دائرية . انا قطعتها إلى نصفين وقمت بحشى كل قسم ولفه متل الملفوف وبكون مجهزة الصينية مدهونة بشوية سمن . وبصير كل قطعة الفها أرتبها في الصينية ابتداء من محيط الصينية الخارجي . بعد ما ارتب كل الكلاج الملفوف في الصينية بدهن سطح العجينة بشوي سمنة وبخبزها على نار متوسطة الحرارة
ولما تجهز اكيد بصب عليها القطر ع طول
طبعا بنتركها فترة قبل نوكل منها
اكلة طيبة وسهلة .يا رب تعجبكم . مين نصيبها بأول صحن
الروابط المفضلة