السلام عليكم ورحمه الله وبركاته
النهارده عملت تشيز كيك وطبعا طريقه التشيز كيك سهله ومعروفه وكلنا بنعملها
بصراحه مكنش فى بالى اصوره لان ماشاء الله القسم مليان
بس حصلت حاجه غيرت قرارى الا وهى
ونا شغاله وبعملها فى المطبخ لقيت بنوتى نور الهدى ربنا يحفظهالى بتعطينى الموبايل وفتحالى الكاميرا
اصلها متعوده تشوفنى بصور الاكلات فقلتلها والله مش حزعلك يا نور وحصورها لاجل عيونك وعين اخواتى فى المنتدى
اولا المقادير
علبه بسكويت شاى ممكن مارى
علبه حليب محلى مركز كبيره
2 علبه قشطه
2 ظرف دريم ويب
8 قطع جبنه كيرى وممكن استبدالها بالفلاديلفيا
2 ظرف جيلى فراوله
قطعه زبده بحجم ملعقه الطعام
علبه خوخ معلب للتزيين
لو تلاحظوا انى استغنيت عن الجيلاتين لانى وضعت كيس جيلى على المكونات

الطريقه
نفرم البسكوت فرم خشن ونضيف عليه الزبده

نفرده فى الصينيه

وفى طبق واسع وباستخدام المضرب الكهربائى

نضع الجبنه الكيرى والحليب المركز والدريم ويب

وظرف واحد جيلى فراوله والقشطه ونضرب دقيقتان بالمضرب ونصب الخليط فى الصينيه

ودخلتها تجمد فى التلاجه وضعتها ساعه فى الفريزر

خرجتها وزوقتها بقطع الفاكهه انا استخدمت خوخ لانه موجود فى البيت عندى وممكن نستخدم فراوله طبعا

وبعدين ذوبت كيس الجيلى الباقى فى ماء ساخن ولما برد وزعته عالصينيه

وبعدين زينتها بالكريم شانتيه

وده شكلها يارب تعجبكم

وبهديها لحبيبه قلبى سحر 66 لانها بتموت فيها

سلام عليكم

بسعدني اني اول وحدة برد
بصراحة بتجنن يسلمو ايديك ويخليلك نور اللي سمحتلنا نشوف الصور

ام نور حبيبتى
تشيزكيك تحفه
وانا سعيده بالاهداء حبيبتى
صدقينى كانى شعرت بطعمها او ما قرات الاهداء
ربنا يحميكى ياغاليه

يسلمووووووووووو روعه يا قمر

طيب انا مليش حته حته صغيرة يا ست سحر الله يديم الحب بينكم

جزاك الله كل خير

ما شاء الله ست نور شو هالشطارة وين كانتي مخبايها

بالفعل رائة وأهنيكي على طريقتك وذوقك تسلمي حبيبة قلبي

سلامي لإمك وبنوتك الحلوة

تسلم ايدك يا نور انتى وماما
شكلها يجنن

سالم الايادي يا رب

عواااااااااااااافي خيتو

يسلمو هل الايدين