السلام عليكم ورحمة الله

اخواتى وحشتونى اوى بقالى فترة كبيرة مشتركتش فى المنتدى اصلى حامل ادعولى لانى فى الفترة الاولى من الحمل لا استطيع ان اتحرك. عقبال كل اللى عاوزة تحمل ربنا يديها يا حلوات...

المهم دى طريقة حلوة وسهلة لتقديم التحلية لو عندك عزومة

والفاكهة اللى هنستخدمها موجودة اليومين دول..

هاتى خوخ واقسميه نصفين وانزعى النوى وهاتى برقوق واعمليه بنفس الطريقة ومشمش بنفس الطريقة وهاتى توت احمر وحطيه عليهم وحطى هذا الخليط فى صينية فرن وضعى عليه كمية من السكر وعصير ليمونتين وعصير برتقالة ثم ضعيه بالفرن لغاية لما تنزل الفاكهة العصير بتاعها وتصبح شكلها مستوى يعنى حوالى تلت ساعة عن 180 درجة
وبعدين شغلى الشواية لمدة 5 دقائق بس عشان الوش يحمر
وبعدين طلعيها من الفرن هتكون فيها شوية عصير وطعمها يممممم رائع
قدميها فى اطباق الخشاف وممكن نضع فى كل طبق بولة ايس كريم فانيليا ....بجد حلوة
ولو عندك عزومة وعاوزة تعملى تحلية سريعة والكل يسألك عنها مفيش احلى من كده

قولولى لو عجبتكم
اختكم خيل الليل

فين الردود يا بنات معجبتكوش ولا ايه ولا نسيتونى

بالعكس يا جميل فكرتها حلووووووووة تسلم الايادي يا قمر وان شاء الله نجربها

ربنا يقومك بالسلامة يارب و يرزقك بالزرية الصالحه

تسلمي سهلة وشكلها بتطلع حلوة
بس عندي سوال ؟؟شو هو البرقوق؟؟؟
واي فاكهة بتنفع ولا فواكه معينة وبس
تسلم ايديك

تسلمي الف شكر

كتبت بواسطة بنت بنوت

بالعكس يا جميل فكرتها حلووووووووة تسلم الايادي يا قمر وان شاء الله نجربها

ربنا يقومك بالسلامة يارب و يرزقك بالزرية الصالحه

اختى بنت بنوت شكرا وان شاء الله تعجبك وربنا يخليكى ع الدعوة الجميلة

كتبت بواسطة 79nana

تسلمي سهلة وشكلها بتطلع حلوة
بس عندي سوال ؟؟شو هو البرقوق؟؟؟
واي فاكهة بتنفع ولا فواكه معينة وبس
تسلم ايديك

بصراحة انا معرفش اسم تانى للبرقوق بس احنا بنقول عليه برقوق اللى هو فيه منه احمر واصفر
وممكن نعمل الصنف ده بالكمثرى والتفاح والجوافة مع بعضوبرده نضيف لهم عصير البرتقال وان شاء الله تعجبك

اختى omroro
شكرا لردك اتمنى ان تنال اعجاب شيف مطبخ لك

تسلمين حبيبتي على الوصفه الرائعه

الله يعطيك الصحة وان شاء الله يتم الحمل على ما يرام
وعقبال للغالية حنان ليبيا يارب